Efesùs 3:10 - Meta’

¹⁰ Wɨ̀ nyaʼa ghɨ̀ əne, ɨmbə̀ʼ tɨ̀nîn, ənjìm ɨfetɨ bə̂d Kristo, ɨzwî ka ka mbe nɨ yeʼ ɨkaŋ fɔrɨ mɨfɔ̂n mɨ̀mə̌d mbe tɨ mbɨ zə ɨwe Ŋwiə̀ ənɨ mɨnə̂njɨ̀ nɔnɔʼ.

Ikan feg

¹⁰ Wì ya ghì ane ni gha, amad anìŋ, anjìm ifeti bəd Kristo, izwighi ka ka mbe ne yaʼi ikaŋ fɔrɔ ìmbɔb məfɔn mbe tì mbi bàd iwe Ŋwiye ane tinɔnjì nɔʼ nɔʼ.

Efesùs 3:10 Referans Kwoze

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

1 Kɔrèn 2:7

Tɨ̀ wɨə ghàmə̀ yeʼ ɨmbə̀ʼ ɨwe we nɨ Ŋwiə̀ ə nàʼə̀. Ɨwe we wɨ ənə̀mə, nɨ chəi bə̂d kyerɨ, nɨ bɔŋ Ŋwìə̀ nyaʼa sɨə tekɨ ɨsɨg, wɨ̀ nyaʼa fə ghà ni tə bɨrɨ che ənjìm ɨwe we nàʼ ɨwumnɨ ɨ na.

Rm 11:33

Wəi! Mbə̀ zə ɨchî nɨ Ŋwìə̀ ə ghɨ̀ ɨ̀chɔ̀m ənɨ ə bə̂d mɨ̀jìm. Mbə̀ zə ɨchî nɨ wɨ̀ berɨ ɨwe bə̀ kyerɨ ɨnû jìm! Chəi ənɨ tɨ̀ wə̀d kyerɨ tɨkɔndɨ məd! Chəi ənɨ tɨ̀ wə̀d kyerɨ mɨchî məd!

Efesùs 1:21

Məd wɨə tùmbɨ̀ ɨzwî jìm mbe nɨ yeʼ əton ɨkaŋ, ka à be yeʼi ni mbɨ berɨ ɨka. Ɨkum məd ə chè tɨkum rɨjìm te nɨ mbɨə tɔŋ əkaʼ ə bə̂d tɨ̀nîn fɔrɨ ənɨ mbɨ bɨrɨ tɔŋ ənɨ ə nyùmə̀ we nɨə yeʼe.

Efesùs 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo. Wɨ̀ fə zɨ̀ əbɔrəbɔd ɨgwɨ na ɨchî nɨ tɨ̀ yeʼ ənɨ ɨfɔtɨ mbɨ Kristo. Əne yɨ əbɔrəbɔd əjìm ze nɨ Əzwî ə zɨə ɨgwɨ na rɨŋga ɨsɨ mbe nɨ yeʼ ɨkaŋ.

1 Kɔrèn 1:24

Àyɨə əmbɨ ə bə̂d mbe nɨ Ŋwìə̀ nyaʼa tɔŋ ənɨ mbi, əne yɨ mɨ̀Jû mbɨ ə bə̂d mbe nɨ kaʼi mɨ̀Jû, Kristo yɨ wə̀d we nɨ Ŋwìə̀ che ənjìm məd chwi i ɨka bə̀ chwi i ɨwe.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Kòlosè 1:16

Ŋwiə̀ nyaʼa chè ənjìm məd tekɨ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si. Wɨ̀ nyaʼa chè ənjìm məd tekɨ ɨghɨ mbe nɨ mbɨə zəə mbɨ mbe nɨ chəi mbɨə zəə. Wɨ̀ nyaʼa bə̀ chè ənjìm məd tekɨ mbɨ̀aŋgɨrə̀, tekɨ ɨzwî mbe nɨə tùmbɨ̀ ɨsɨ mbe rɨ ɨgwɨ si bə̀ tekɨ ɨzwî ka ka mbe nɨə tùmbɨ̀ ɨsɨ mbe rɨ əton ɨkaŋ. Ŋwìə̀ nyaʼa tekɨ ɨghɨjìm ənjìm məd, bə̀ tekɨ ɨghɨjìm ɨmbə̀ʼ mbɨ wumnɨ əməd.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Efesùs 1:8

Ɨ wɨə ghɨ̀ ɨ̀chɔ̀m we ənɨ ə na ə̀bù-ə̀bù. Ɨ wɨə bə̀ ghɨ̀ə̀ ni tɨ̀ berɨ ɨwe jìm bə̀ kyerɨ əton ɨnû jìm.

Rm 8:38

Mə kàŋ kyerɨ ni ka àbei ɨvɨ, kɨ̀ ɨ̀tènɨ̀, kɨ̀ mbɨ̀aŋgɨrə̀, kɨ̀ ɨzwî mbe nɨ yeʼ əton ɨkaŋ, kɨ̀ ɨghɨ mbe nɨ yeʼ rɨ̀nîn, kɨ̀ mbe nɨ bɨrɨ yeʼe,

Efesùs 1:23

Ɨfetɨ we yɨə nyamnyod Kristo. Ɨ wɨə swe ɨnû mbe nɨ bu rɨ ənɨ Kristo. Kristo ziə wɨə bə swe ɨnû jìm ɨsɨ jìm.

Kòlosè 2:10

Ɨ̀tènɨ̀ wɨ ɨŋga nən ɨ swi ɨchî nɨ mbə̀ yeʼ ənɨ ɨfɔtɨ mbɨ Kristo. Məd ə chè ɨzwî jìm mbe nɨ yeʼ ɨkaŋ bə̀ chè ɨzwî jìm mbe nɨ yeʼ ɨŋga ɨsɨg.

Kòlosè 2:15

Wɨ̀ nyaʼa fe ɨka rɨ əmbɨ ɨzwî ka ka mbe nɨ yeʼ ɨkaŋ bə̀ fe rɨ əmbɨ ɨzwî ka ka mbe nɨ yeʼ ɨŋga ɨsɨg. Əze ə nyaʼa chwi əmbɨ bə̂d mɨjìm ni wɨ̀ fə baŋ mɨ̀mə̌d əzed ə baʼnɨ.