Efesùs 3:1 - Meta’

¹ À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Ikan feg

¹ À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 3:1 Referans Kwoze

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Efesùs 6:20

Mə wɨ ə nəb ndəŋ ɨmbə̀ʼ ɨghəm nɨ mə̀ təm ənɨ ɨkum Yeso Kristo. Mbə̀ kɔŋgɨ ə Ŋwiə̀ ni mə̀ gha ɨkə̂n we mbɨ fîŋ nɨ kǎ, ɨchî nɨ mə̀ kaŋ berɨ nɨ ghàm.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,

Fìlipì 1:7

Zɨə kàŋ kùʼ ni mə̀ kɔndɨ əne ɨmbə̀ʼ mbə̀n mɨjìm, ɨmbə̀ʼ ɨghəm nɨ mə kàŋ ghaʼ əwən əku. Ŋwìə̀ wɨə ghɨ̀ ɨ̀chɔ̀m ənɨ mba mɨjìm ɨchî nɨ tɨə fàʼ ɨ bɔ. Ɨ wɨə ghɨ̀ əne ənɨ mə̀ yeʼ ə nəb ndəŋ, ənɨ mɨə ghà ni ɨkə̂n chɔ̀m yɨ ənû rəsìʼ kaʼi mɨghab bə̀ fɔrɨ ənɨ mə nyaʼə ghɨ̀ə̀ ni bə̂d ben ɨnû mbe nɨ yeʼ ɨŋga ɨkə̂n chɔ̀m.

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Ɨ̀fàʼì 23:18

Əne ətu ɨgwɨ mɨ̀sɔgyɨ̀ ɨkɨ fibɨ̀ we nyaʼa nɨŋ əjɔŋ ze mbɨ wò əsɨ ətu ə kyeŋ ɨgwɨ mɨ̀sɔgyɨ̀. Wɨ̀ nyaʼa pè gha ɨ bɔ ni, “Pɔ̂l, wə̀d ndəŋ we, kəʼ tɔŋ əmɨ ghà ni mə nɨŋ əjɔŋ zɔ̂ yeʼe əsɨ ne. Wɨ̀ berɨ ənû ə mɔʼɔ nɨ gha ɨ ne.”

Lk 21:12

Àyɨə bɔŋ ɨnû mbɔ̂ jìm sɨə ghɨ̀ə̀, mbɨ bɨrɨ gywɨ əwən, nwèndɨ̀ tə rɨkyerɨ-ɨwu, nàʼ əwən ni mbɨ saʼ ɨŋga nəb rɨ ə̀kàtɨ̀, zɨ̀ əwən ə ndəŋ bə̀ nɨŋ əwən wò ɨfě mɨfɔ̂n mbɨ ɨfě mɨ̀gɔmnà ɨmbə̀ʼ əmɨ.

Filemɔ̀n 1:23

Epafràs, nɨ tɨ̀ yeʼ ə nəb ndəŋ ɨnɔ̂n ɨmbə̀ʼ ɨkum Kristo Yeso, wɨə chàʼrɨ̀ əwe.

Ɨ̀fàʼì 26:29

Pɔ̂l nyaʼa wììrɨ̀ ni, “Mɨ ə̀kɔ̀ŋgɨ̀ əmbɨ ə Ŋwiə̀ yɨ ni àwɔ̀ mbɨ ə bə̂d mbɔ̂ nɨə zu ɨnû mbɔ̂ nɨ mɨə ghà rə̀chɔ̀ŋ mbɨ yeʼ ɨghabɨ ə mɔ̌, kɨ̀ à kɨ ənɨ ɨkə nyumə̀ kɨ̀ ənɨ ə nyùmə̀ se. Àyɨə tɨ mbɨ yeʼ ə bə̂d ndəŋ ɨghabɨ ə mɔ̌.”

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

Kòlosè 4:18

Àyɨə mɔ̌, Pɔ̂l ŋwàʼnɨ̀ ə̀chàʼrɨ̀ zɔ̂ ənɨ mɨ əbɔ. Mbə̀ kɔndɨ ɨchî nɨ mbɨ kod əmɨ ənɨ mɨ̀kàrə̀. Ŋwìə̀ ghɨ ɨ̀chɔ̀m ənɨ ə nən.

Kòlosè 4:3

Mbə̀ bə kɔŋgɨ ə Ŋwiə̀ ə ɨgwɨ na, ɨmbə̀ʼ wɨ̀ naʼ əpan ni tɨ̀ gha ɨnû mbe nɨ yeʼ ənə̀mə ɨmbə̀ʼ ə Kristo. À yɨ ɨnû mbe ghɨ ni mə̀ yeʼ ə nəb ndəŋ.

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

Ɨ̀fàʼì 21:33

Ətu ə kyeŋ ɨgwɨ mɨ̀sɔgyɨ̀ nyaʼa wò gywɨ̀ ə Pɔ̂l, ghà mbɨ kod əməd ənɨ mɨ̀kàrə̀ mɨbe. Wɨ̀ nyaʼa biirɨ wə̀d we nɨ Pɔ̂l yeʼ wɨwən bə̀ biirɨ ənû ze nɨ wɨ̀ ghɨ̌.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Efesùs 3:13

Əne mə wɨə buʼ ɨbɔ ni tɨ tə fîŋ bɔd i, ɨmbə̀ʼ ɨghəm nɨ mə wɨə zəə ŋgəʼ ɨmbə̀ʼ əwən. Ɨnû mbɔ̂ jìm yɨ ɨmbə̀ʼ weerɨ əwən.

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

Gàlesìyà 5:2

Mbə̀ zwetɨ! Mɔ̌ Pɔ̂l wɨə ghà ɨ nən ni mbə mɨ tɔ ben ni mbɨ ne əwən, njɨ ənû ze nɨ Kristo ghɨ̌ ɨmbə̀ʼ əwən ə chè ətu ə̀kǒ.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

2 Kɔrèn 1:6

Tɨ̀ mɨ yeʼə zəə ŋgəʼ, njɨ tɨ̀ wɨə zə ɨmbə̀ʼ əwən, ɨmbə̀ʼ Ŋwìə̀ nəərɨ əwən bə̀ chɨ̀ əwən rəŋgəʼ. Ŋwìə̀ mɨ yeʼə nəərɨ əwa, njɨ wɨ̀ bɨrɨ bɨ nəərɨ əwən, ɨmbə̀ʼ mbə nyiʼə bə̀ yim fîŋ əton ɨkwɨ ŋgəʼ we nɨ mbǎ ə bə̀ zəə.

Gàlesìyà 5:24

Bə̂d Kristo Yeso fə kòmbɨ̀ tə nyamnyod bə̀ kòmbɨ̀ ɨnû mbe nɨ nyamnyod ə kə̀bə̀ bə̀ feenɨ əzed ə baʼnɨ.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Efesùs 3:11

Əzɔ̂ yɨ ənû nɨ wɨ̀ nyaʼa fə taŋɨ bɔŋ wɨ̀ nyaʼa sɨə tekɨ ɨsɨg. Wɨ̀ fə chè ənjìm ə Kristo Yeso a Ə̀nùŋɨ̀sɨg ghɨ̀ ənû rəŋgu.