Efesùs 2:4 - Meta’

⁴ Àyɨə Ŋwìə̀ we nɨə dììrɨ̀ bə̂d kwàʼ ɨchî chɔ̀m, nɨə bə̀ ghaʼ əwa kwàʼ rɨŋgəʼ ghɨ ni,

Ikan feg

⁴ Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha,

Efesùs 2:4 Referans Kwoze

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Rm 10:12

ɨmbə̀ʼ ɨghəm nɨ chəi ɨkwepɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû. Àmei Ə̀nùŋɨ̀sɨg we mɔʼ nɨ yeʼ Ə̀nùŋɨ̀sɨg ɨgwɨ ə bə̂d mɨjìm. Àmei məd ə bə̀ zɨ̀ əbɔrəbɔd əbu əbu ɨgwɨ ə bə̂d mɨjìm mbe nɨə kɔ̀ŋgɨ̀ əməd.

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Rm 9:23

Wɨ̀ nyaʼa bə̀ kə̀b chwi i mbɔ̂n ze nɨ chəi zɨ̀ bɨrɨ nɔ mì, nɨ yeʼ mbɔ̂n ze nɨ wɨ̀ chwɨ ɨgwɨ ə bə̂d mbe nɨ wɨə dììrɨ̀ə̀. Bə̂d mbe nɨ wɨə dììrɨ̀ə̀ yɨ mbe nɨ wɨ̀ nyaʼa fə tekɨ ni mbɨ chub ɨŋga ɨwumnɨ məd.

Rm 2:4

À wɨə wa tə̀ə̀nɨ̀ ɨ̀chɔ̀m nɔnɔʼ we nɨ Ŋwìə̀ ə ghɨ̀ ənɨ ə ne, ɨchî nɨ wɨ sàŋ ni à ghɨ ɨnû mbe nɨ chəi mbɨ kuʼu, bə̀ fɔrɨ ɨchî nɨ wɨə yimə fîŋ ə? Chəi à kyerɨ ni ɨ̀chɔ̀m Ŋwiə̀ yɨ nɨ ghɨ ni à beŋ e fîŋ ə?

2 Tès 2:13

Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

Lk 1:78

A Ŋwiə̀ wɨə dììrɨ̀ əwa kwàʼ rɨŋgəʼ. Wɨ̀ bɨrɨ ghɨ̀ ni nyùmə̀ toʼ rɨkaŋ te ɨgwɨ na,