Efesùs 2:1 - Meta’

¹ Mbə nyaʼa fə kwɨ ɨmbə̀ʼ tə rɨ̀gùrɨ-ɨnû. Mbə fə bə̀ kwɨ ɨmbə̀ʼ mbə ɨnû rɨbɔ̀ŋ.

Ikan feg

¹ Anjìm ìmbən inug tibɔ̀ŋ fɔrɔ ìwən tìzughə̀, mbə̰ ya fə yaʼ icheg bəd ku.

Efesùs 2:1 Referans Kwoze

Kòlosè 2:13

Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Efesùs 4:18

Ɨ mbɨə kɨrɨ ɨŋga ɨzimɨ. Chəi mbɨ berɨ ənû ə mɔʼɔ ɨŋga ɨ̀tènɨ̀ we nɨ Ŋwìə̀ ə nàʼə̀, ɨmbə̀ʼ ɨghəm nɨ chəi ɨtu fîŋ mɨ̀mə̌d ben mbɨ kyerɨ ənû.

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

1 Jɔn 3:14

Tɨ̀ ə kyerɨ ni tɨ̀ wɨə nyaʼa ɨghabɨ ɨvɨ bə̂d, àyɨə tɨ̀nîn, tɨ̀ fə jɨg ɨ̀tènɨ̀, ɨmbə̀ʼ ɨghəm nɨ tɨ̀ ghaʼ mba bɔŋgɔb. Wə̀d we nɨ chəi wɨ̀ ghaʼ wi aŋgɔb wɨə kɨrɨ i ɨghabɨ əvɨ ə wə̀d.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Efesùs 5:14

ɨmbə̀ʼ ɨghəm nɨ ɨghɨjìm mbe nɨ bə̂d ə zəə yɨ mbe nɨ ɨzeŋɨ zeŋɨ ə te ɨgun. À yɨ əton nɨ mbɨ ŋwaʼnɨ ni, “Wə̀d we nɨə gwenə, nɔʼ rɨ əŋgwenɨ zwemə, əne ɨzeŋɨ zeŋɨ Kristo bɨrɨ te ɨgwɨ ne.”

1 Timotì 5:6

Àyɨə ɨku əyi we nɨə jɨg ɨsɨg fə kwɨ, ka à bè yeʼi ni ɨ wɨə kɨrɨ ɨkǎ.

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

Jn 10:10

Ɨjɨ wɨə yeʼe àmei nɨ jɨ, nɨ zwiirɨ bə̀ fɔrɨ nɨ nimnɨ njɨ̀g te. Mə nyaʼa yeʼe ni njɨ̀g te jɨg ɨ̀tènɨ̀, əne jɨg ɨ swi.

Ɨnû 3:1

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 15:24

ɨmbə̀ʼ ɨghəm nɨ mɨ wan wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.' Mbɨ nyaʼa ghɨ̀ əne kɔ jɨgə ghaʼə.

Matìyò 8:22

Yeso nyaʼa ghà ɨ bɔ ni, “Beenɨ əbɔʼ num, sàŋ ɨvɨ bə̂d tweŋ mbə ɨvɨ bə̂d.”

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.