Efesùs 1:9 - Meta’

⁹ Wɨ̀ nyaʼa nɨŋ ɨwe jìm mbɨ ɨkyerɨ-ɨnû jìm ghɨ̀ tɨ̀ kyerɨ ɨnû mɔʼɔ mbe nɨ nyaʼa ənə̀mə. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ fɔrɨ ɨmbə̀ʼ ɨchî nɨ wɨ̀ nyaʼa fə taŋ nùŋ ənɨ ɨfɔtɨ mbɨ Kristo.

Ikan feg

⁹ Ane, Ŋwiye ya fàʼ icheg ne wì ya fə chuʼri nɔ̀ŋì. Wì ya ghì tì kyèri inug mbe ne ya yaʼi inə̀mbi ne wì ya fə nɔ̀ŋì ni fàʼ anjìm Kristo.

Efesùs 1:9 Referans Kwoze

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

Efesùs 1:11

Ŋwìə̀ nyaʼa ghɨ̀ ɨnû jìm ɨchî nɨ wɨ̀ nyaʼa fə taŋɨ bə̀ nùŋ. Wɨ̀ nyaʼa chɔʼ əwa ənɨ ɨfɔtɨ mbɨ Kristo ni tɨ̀ yeʼ mbi bə̂d àmei ɨchî nɨ wɨ̀ nyaʼa kəbɨ bə̀ nùŋ.

Efesùs 3:11

Əzɔ̂ yɨ ənû nɨ wɨ̀ nyaʼa fə taŋɨ bɔŋ wɨ̀ nyaʼa sɨə tekɨ ɨsɨg. Wɨ̀ fə chè ənjìm ə Kristo Yeso a Ə̀nùŋɨ̀sɨg ghɨ̀ ənû rəŋgu.

Gàlesìyà 1:12

Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

Gàlesìyà 1:16

nɨ chwi i Wan ɨ num, ɨmbə̀ʼ mə̀ gha ɨkə̂n chɔ̀m ɨmbə̀ʼ əməd əmbɨ ə bə̂d mbe nɨ kaʼi mɨ̀Jû. Ənɨ wɨ̀ nyaʼa ghɨ ɨ̀chɔ̀m we ənɨ ə num əne, chəi mə̀ nyaʼa ghambɨ mbɨ wə̀d mɔʼɔ.

Ɨ̀fàʼì 13:48

Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Matìyò 13:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n rɨkaŋ, àyɨə chəi wɨ̀ naʼ ɨwe we əmbɨ mɨ̀mə̌d.

Ɨ̀fàʼì 4:28

ɨmbə̀ʼ ghɨ ɨnû jìm mbe nɨ à nyaʼa nuŋ ənɨ e ɨka bə̀ fɔrɨ ənɨ e ɨkɔndɨ ni mbɨ bɨrɨ ghɨ̀.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Lk 2:14

“Tɨ̀ wumnɨ ə Ŋwìə̀ we nɨ yeʼ ɨkaŋ, əbɔrəbɔd ə nyɨ ɨgwɨ ə bə̂d mbe nɨ wɨ̀ ghaʼi ɨgwɨ ə si!”

Lk 12:32

“Tɨ mbə̀ bɔ ə, kyɨə bɔn njɨ̀g, ɨmbə̀ʼ ɨghəm nɨ ə Mbǎʼ ə ghaʼ nɨ naʼ ənû ɨfɔ̀n ɨ nən.

Rm 11:25

Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

Gàlesìyà 1:15

Bɔŋ mbɨ nyaʼa sɨə gywɨ əmɨ, Ŋwìə̀ nyaʼa ghɨ̀ ɨ̀chɔ̀m ənɨ ə num chɔʼ əmɨ bə̀ tɔŋ əmɨ ni mə̀ yeʼ wə̀d məd. Wɨ̀ nyaʼa kàŋ ghaʼ əku

Efesùs 1:8

Ɨ wɨə ghɨ̀ ɨ̀chɔ̀m we ənɨ ə na ə̀bù-ə̀bù. Ɨ wɨə bə̀ ghɨ̀ə̀ ni tɨ̀ berɨ ɨwe jìm bə̀ kyerɨ əton ɨnû jìm.