Efesùs 1:21 - Meta’

²¹ Məd wɨə tùmbɨ̀ ɨzwî jìm mbe nɨ yeʼ əton ɨkaŋ, ka à be yeʼi ni mbɨ berɨ ɨka. Ɨkum məd ə chè tɨkum rɨjìm te nɨ mbɨə tɔŋ əkaʼ ə bə̂d tɨ̀nîn fɔrɨ ənɨ mbɨ bɨrɨ tɔŋ ənɨ ə nyùmə̀ we nɨə yeʼe.

Ikan feg

²¹ Kristo ya amad anìŋ se tùmbə̀ izwighi ijìm mbe ne yaʼi ikaŋ, ka bèyi mbe ne beri ika. Ikum məd chè tikum tijìm igun isəg fɔrɔ inga isəg we ne kiri yèʼe.

Efesùs 1:21 Referans Kwoze

Kòlosè 2:10

Ɨ̀tènɨ̀ wɨ ɨŋga nən ɨ swi ɨchî nɨ mbə̀ yeʼ ənɨ ɨfɔtɨ mbɨ Kristo. Məd ə chè ɨzwî jìm mbe nɨ yeʼ ɨkaŋ bə̀ chè ɨzwî jìm mbe nɨ yeʼ ɨŋga ɨsɨg.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

Mə̀Hibrù 1:4

Ŋwìə̀ nyaʼa ghɨ ni Wan məd dabə chè mbɨ̀aŋgɨrə̀, ɨchî nɨ ɨkum we nɨ wɨ̀ nyaʼa naʼ ɨ bɔ bə chè wɨ mɨ̀mə̌d.

Ɨ̀fàʼì 4:12

Chəi wə̀d cherə nɨ tɨ̀ wɨ̀ chɨ̀ bə̂d rəŋgəʼ, ɨmbə̀ʼ ɨghəm nɨ chəi wə̀d cherə ɨgwɨ ə si nɨ Ŋwìə̀ nyaʼa nuŋ ni wɨ̀ chɨ bə̂d rəŋgəʼ.”

Kòlosè 2:15

Wɨ̀ nyaʼa fe ɨka rɨ əmbɨ ɨzwî ka ka mbe nɨ yeʼ ɨkaŋ bə̀ fe rɨ əmbɨ ɨzwî ka ka mbe nɨ yeʼ ɨŋga ɨsɨg. Əze ə nyaʼa chwi əmbɨ bə̂d mɨjìm ni wɨ̀ fə baŋ mɨ̀mə̌d əzed ə baʼnɨ.

Efesùs 3:10

Wɨ̀ nyaʼa ghɨ̀ əne, ɨmbə̀ʼ tɨ̀nîn, ənjìm ɨfetɨ bə̂d Kristo, ɨzwî ka ka mbe nɨ yeʼ ɨkaŋ fɔrɨ mɨfɔ̂n mɨ̀mə̌d mbe tɨ mbɨ zə ɨwe Ŋwiə̀ ənɨ mɨnə̂njɨ̀ nɔnɔʼ.

Efesùs 6:12

ɨmbə̀ʼ ɨghəm nɨ chəi tɨə zɔ̀ŋə̀ mbɨə bə̂d pə̀n nɨ yeʼ bə̂d mɨ̀sɔŋɨchù. Tɨ̀ wɨə zɔ̀ŋə̀ yeʼ ɨzwî ka ka mbe nɨ yeʼ ɨkaŋ mbɨ mɨfɔ̂n mɨ̀mə̌d. Tɨ̀ wɨə zɔ̀ŋ ɨzwî ka ka mbe nɨ yeʼ ɨŋga ɨsɨ firɨ mbɔ̂ nɨ yeʼ ɨŋga ɨsɨg tɨ̀nîn. Tɨ̀ wɨə bə̀ zɔ̀ŋ ɨzwî rɨbɔ̀ŋ mbe nɨ yeʼ ɨŋga ɨfə.

Mə̀Hibrù 4:14

Tɨ̀ berɨ ətu ɨgwɨ ə bə̂d mbàn Ŋwìə̀ nɨ dabə. Məd yɨə Yeso Wan Ŋwìə̀ we nɨ nyaʼa wò ɨkaŋ. Əne tɨ̀ yim ənû ze nɨ tɨ̀ benɨ zɨə kaanə.

Matìyò 12:32

Ŋwìə̀ bɨrɨ waʼ ɨnû rɨbɔ̀ŋ wə̀d mɔʼɔ we nɨ gha ɨŋgam rɨbɔ̀ŋ ɨmbə̀ʼ ə Wan Wə̀d, àyɨə chəi wɨ̀ bɨrɨ waʼ mbɨ wə̀d we nɨ gha ɨŋgam rɨbɔ̀ŋ ɨmbə̀ʼ Əzwî ə Ŋwiə̀, kɨ̀ à kɨ ɨŋga ɨsɨg wɔ̂, kɨ̀ ɨŋga ɨsɨg we nɨ bɨrɨ yeʼe.

Mə̀Hibrù 2:5

Chəi Ŋwìə̀ nyaʼa nuŋ ni ɨsɨg we nɨ tɨə ghàm ɨmbə̀ʼ wɨwən yeʼ əton mbɨ̀aŋgɨrə̀.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.