Efesùs 1:13 - Meta’

¹³ Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Ikan feg

¹³ Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 1:13 Referans Kwoze

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

2 Timotì 2:19

Àyɨə əchɨ ə nəb ə ka ka ze nɨ Ŋwìə̀ fə zi ə kàŋ təm kàànɨ̀. Mbɨ ŋwàʼnɨ̀ ɨgun ni, “Ə̀nùŋɨ̀sɨg ə kyerɨ bə̂d mbe nɨ yeʼ mbɨ məd,” mbɨ ni, “Wə̀d jìm we nɨə ghà ni tə yɨə wə̀d Ə̀nùŋɨ̀sɨg berɨ waʼ ɨnû rɨbɔ̀ŋ.”

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.

Gàlesìyà 3:14

Kristo Yeso nyaʼa ghɨ̀ əne ɨmbə̀ʼ əbɔrəbɔd ze nɨ Ŋwìə̀ nyaʼa kaʼi əmbɨ Abràham ə nyɨ ɨgun ə bə̂d mbe nɨ kaʼi mɨ̀Jû. Ɨchî nɨ zɨə yeʼ əne, Əzwî ə Zeŋɨ ze nɨ Ŋwìə̀ nyaʼa kaʼi ə bɨrɨ nyɨ ɨgwɨ na ənjìm ɨchî nɨ tɨ̀ nuŋ fîŋ ɨgwɨ məd.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Lk 24:49

Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”

1 Pità 2:10

À nyaʼa ənɨ ə nyùmə̀ mɔʼɔ, ka mbə yɨə nyaʼə əwən bə̂d Ŋwiə̀, àyɨə tɨ̀nîn mbə yɨə sɨə bə̂d ɨməd. À nyaʼa ənɨ ə nyùmə̀ mɔʼɔ, chəi Ŋwìə̀ nyaʼa kɨrɨ diirɨ əwən, àyɨə tɨ̀nîn wɨ̀ fə dììrɨ̀ əwən.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

Ɨ̀fàʼì 1:4

Ənɨ wɨ̀ nyaʼa kɨrɨ i mbɨ mɨ̀mə̌d, wɨ̀ nyaʼa patɨ mɨ̀mə̌d ni, “Tɨ mbə̀ nɔʼ ə rɨ ə Jèrusalèm, àyɨə mbə̀ chubɨ wòm ɨneʼe we nɨ mə̀ nyaʼa gha ɨ nən, əne yɨ ɨneʼe we nɨ mɨ Mbǎʼ nyaʼa kaʼ ni tə bɨrɨ naʼ ɨ nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Lk 11:13

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ nɨ yeʼ ɨkaŋ bɨrɨ kaŋ naʼ Əzwî ə Zeŋɨ əmbɨ ə bə̂d mbe nɨ nɔn ɨ bɔ!”

Ɨnû 7:2

Mə nyaʼa zə aŋgɨrə̀ cherə nɨ nyaʼə kɔʼ rɨ əbà ze nɨ nyùmə̀ ə jwɨ̀ə̀. Wɨ̀ nyaʼa yim əghɨ ze nɨ Ŋwìə̀ we nɨ yeʼ ɨkǎ ə zɨ̀ ənweenɨ ɨgwɨ mbi bə̂d. Wɨ̀ nyaʼa kyeŋ rɨkǎ əbɔʼ mbɨ̀aŋgɨrə̀ mbe mɨkwè nɨ nyaʼa berɨ ɨka nɨ ghɨ əghəm ənɨ ə si bə̀ ghɨ̀ ənɨ rɨ̀bàà.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

2 Timotì 3:15

À nyaʼa fə kyerɨ ɨŋgam Ŋwiə̀ tɨ ənɨ à nyaʼə wan kwa. Ɨŋgam we fə kəərɨ əwe ɨmbə̀ʼ à berɨ ɨwe jwɨ rəŋgəʼ ɨchî nɨ à nuŋ fîŋ ɨgun ə Kristo Yeso.

2 Timotì 2:15

Kywɨ ənywɨ ghɨ̀ ni Ŋwìə̀ ben ə̀fàʼì ze nɨ àwɔ̀ ə fàʼə̀, ɨmbə̀ʼ à yeʼ wə̀d ə̀fàʼì nɨ chəi e ətu ə nìrə̀, bə yeʼ we nɨə chwi ɨŋgam we nɨ yeʼ wɨ rəsìʼ ənɨ ɨnə̂njɨ̀ nɨ kuʼnɨ.

Efesùs 4:21

Mə kyerɨ ni mbə nyaʼa fə zu ɨmbə̀ʼ əməd. Mə bə̀ kyerɨ ni mbɨ nyaʼa bə̀ chwi ɨnû ɨ nən ɨmbə̀ʼ əməd nɨ yeʼ ɨnû rəsìʼ ɨmbə̀ʼ ə Yeso.

2 Kɔrèn 6:7

Tɨ̀ wɨə ghà ɨŋgam rəsìʼ. Tɨ̀ wɨə ghɨ̀ ɨnû ənɨ ɨka we nɨ Ŋwìə̀ naʼ ɨ na. Mba ɨnû mbe nɨ təm kùʼnɨ̀ yɨ ɨghɨ bid nɨ tɨ̀ yim əbɔ ə jɨgɨ, ɨ zɔ̀ŋ, bə̀ yim əbɔ ə tweŋ, ɨ kən ɨnyod.

Jn 3:33

Wə̀d we nɨ ben ənû ze nɨ wɨ̀ ghǎ fə bə̀ ben ni ənû ze nɨ Ŋwìə̀ ghǎ yɨ rəsìʼ.

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.