Efesùs 1:11 - Meta’

¹¹ Ŋwìə̀ nyaʼa ghɨ̀ ɨnû jìm ɨchî nɨ wɨ̀ nyaʼa fə taŋɨ bə̀ nùŋ. Wɨ̀ nyaʼa chɔʼ əwa ənɨ ɨfɔtɨ mbɨ Kristo ni tɨ̀ yeʼ mbi bə̂d àmei ɨchî nɨ wɨ̀ nyaʼa kəbɨ bə̀ nùŋ.

Ikan feg

¹¹ Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Efesùs 1:11 Referans Kwoze

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

1 Pità 1:4

Zɨə fə bə̀ ghɨ̀ ni mbə̀ jɨg ɨghɨ mbe nɨ wɨ̀ nuŋ ɨkaŋ əmbɨ mbi bə̂d. Wɨ̀ fə nùŋ ɨghɨ mbe ɨkaŋ əsɨ nɨ chəi mbɨ bɨrɨ nɔ bɔb, chəi mbɨ bɨrɨ nɔ bə, chəi mbɨ bɨrɨ nɔ chɔʼrɨ.

Efesùs 1:14

Əzwî ə Zeŋɨ ze yɨ ənweenɨ nɨ chwiə ni tɨ̀ bɨrɨ kɔ berɨ ɨghɨ mbe nɨ Ŋwiə̀ kaʼ əmbɨ mbi bə̂d wò pè ənɨ wɨ̀ choʼ ətu mɨ̀mə̌d. Tɨ̀ yiirɨ ə Ŋwiə̀.

Efesùs 3:11

Əzɔ̂ yɨ ənû nɨ wɨ̀ nyaʼa fə taŋɨ bɔŋ wɨ̀ nyaʼa sɨə tekɨ ɨsɨg. Wɨ̀ fə chè ənjìm ə Kristo Yeso a Ə̀nùŋɨ̀sɨg ghɨ̀ ənû rəŋgu.

Efesùs 1:5

Wɨ̀ nyaʼa fə bè chɔʼ nùŋ ni wɨ̀ bɨrɨ nɨŋ əwa ənɨ mbi bɔn ənjìm ə Yeso Kristo. Wɨ̀ nyaʼa chɔʼ əne ɨchî nɨ wɨ̀ nyaʼa kaŋ ghaʼ bə̀ kəb nɨ ghɨ.

Gàlesìyà 3:18

Ŋwìə̀ mɨ yeʼe nàʼ ɨghɨ əmbɨ ə bə̂d ənjìm ɨchî nɨ mbɨə nùŋə̀ rɨkə, njɨ ka à yɨə wɨrɨ i ɨchî nɨ wɨ̀ nyaʼa kàʼi. Wɨ̀ nyaʼa nàʼ ɨghɨ əmbɨ Abràham àmei ɨchî nɨ wɨ̀ nyaʼa kaʼi.

Mə̀Hibrù 6:17

Ənɨ Ŋwìə̀ nyaʼa kəb ghɨ zɨə zeŋ əmbɨ ə bə̂d mbe nɨ wɨ̀ nyaʼa kaʼ mɨ̀mə̌d ni chəi tə bɨrɨ nɔ kwepɨ ənû ze nɨ tə nyaʼa fə nuŋɨ, wɨ̀ nyaʼa nɨŋ i ɨkum kàn əŋgu.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

Kòlosè 1:12

bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 3:24

Mbə mɨ yeʼə fàʼə̀, mbə̀ kyerɨ ni Ə̀nùŋɨ̀sɨg bɨrɨ chɔʼ ə ə̀fàʼì ənɨ ɨghɨ mbe nɨ wɨ nuŋ ɨ nən ɨkaŋ. Mbə mbɨə fàʼə̀ yeʼ əmbɨ Ə̀nùŋɨ̀sɨg Kristo.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Ɨ̀fàʼì 4:28

ɨmbə̀ʼ ghɨ ɨnû jìm mbe nɨ à nyaʼa nuŋ ənɨ e ɨka bə̀ fɔrɨ ənɨ e ɨkɔndɨ ni mbɨ bɨrɨ ghɨ̀.

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.

Rm 11:34

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À kɨə we nɨ kyerɨ ɨkɔndɨ Ə̀nùŋɨ̀sɨg ə? Kɨ̀ à kɨə we nɨə kəərɨ əməd ə?

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Efesùs 1:8

Ɨ wɨə ghɨ̀ ɨ̀chɔ̀m we ənɨ ə na ə̀bù-ə̀bù. Ɨ wɨə bə̀ ghɨ̀ə̀ ni tɨ̀ berɨ ɨwe jìm bə̀ kyerɨ əton ɨnû jìm.

Ɨ̀fàʼì 13:48

Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

Rm 8:30

Bə̂d mbe nɨ wɨ̀ nyaʼa chɔʼɔ, wɨ̀ nyaʼa bə̀ tɔŋ ənɨ mbi; mbe nɨ wɨ̀ nyaʼa tɔŋə, wɨ̀ nyaʼa bə̀ ghɨ̀ mbɨ təm kùʼnɨ̀; mbe nɨ wɨ̀ nyaʼa ghɨ mbɨ təm kùʼnɨ̀, wɨ̀ nyaʼa bə̀ ghɨ̀ mbɨ berɨ ɨwumnɨ.

Rm 9:11

Àyɨə bɔŋ Rèbekà nyaʼa sɨə gywɨ mɨ̀mə̌d, kɨ̀ bɔŋ bɔn mbe nyaʼa sɨə ghɨ̀ ənû ə chɔ̀m kɨ̀ ənû rɨbɔ̀ŋ, (əne yɨ ɨmbə̀ʼ ənû ze nɨ Ŋwìə̀ ə chɔʼɔ mbi bə̂d ə wo ɨmbì

Efesùs 1:9

Wɨ̀ nyaʼa nɨŋ ɨwe jìm mbɨ ɨkyerɨ-ɨnû jìm ghɨ̀ tɨ̀ kyerɨ ɨnû mɔʼɔ mbe nɨ nyaʼa ənə̀mə. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ fɔrɨ ɨmbə̀ʼ ɨchî nɨ wɨ̀ nyaʼa fə taŋ nùŋ ənɨ ɨfɔtɨ mbɨ Kristo.

Efesùs 1:18

Mə wɨə kɔ̀ŋgɨ̀ ə Ŋwiə̀ ni wɨ̀ fiʼ tə fîŋ mbə̀ zə ɨzeŋɨ zeŋɨ ɨmbə̀ʼ mbə̀ kyerɨ ənû mbe nɨ mbɨə nùŋ rɨkɔndɨ wòmə̀, nɨ yeʼ ɨnû mbe nɨ Ŋwìə̀ tɔŋ əwən ɨmbə̀ʼ mbɨwən. Ɨnû mbe yɨ ɨ̀chɔ̀m rɨ mì we nɨ Ŋwìə̀ kaʼ əmbɨ mbi bə̂d.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.