Biblia Todo Logo
Bib sou entènèt

- Piblisite -




3 Jɔn 1:8 - Meta’

8 Əne tɨ̀ berɨ kəŋgɨ bə̂d ɨghabɨ mbɔ̂, ɨmbə̀ʼ tɨ̀ faʼ ɨnɔ̂n mbɨ mɨ̀mə̌d ɨchî nɨ tɨə ghà rəsìʼ ɨmbə̀ʼ Kristo.

Gade chapit la Kopi

Ikan feg

8 À ya mba bəd Kristo mənyìʼ wètì awɔb nàʼ ighi inɔb. Tì mə ghì ane, ze chwi gha tè fɔ̀ti tì inɔb bə̀ fàʼ àza tì àfàʼì ni chètì tesiʼ.

Gade chapit la Kopi




3 Jɔn 1:8
17 Referans Kwoze  

Ənɨ mə̀ yeʼe, mə bɨrɨ ghɨ mbə̀ kyerɨ ɨnû jìm mbe nɨ wɨ̀ fə ghɨ̌, əne yɨ ɨnû rɨbɔ̀ŋ mbe nɨ wɨə ghà ɨmbə̀ʼ əwa. Ɨghabɨ ni chəi əze ə kɨrɨ kuʼ, chəi məd ə nɨŋə bɔŋgɔb əkwɨ ni əwù ze nɨ mbɨ yeʼe. Ɨ wɨə bə̀ təmnɨə bə̂d mbe nɨə kəb nɨŋ bɔŋgɔb mbɔ̂ əkwɨ nən. Mbɨ mɨ tɔ nɨŋ, wɨ̀ chɨ̀ mɨ̀mə̌d rɨŋga ɨfetɨ bə̂d Kristo.


Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.


Tɨ̀ wɨə bə̀ ŋwàʼnɨ̀ ɨ ne, àwɔ̀ Afìà, nɨ yeʼ a njàbɨ. Tɨ̀ wɨə bə̀ ŋwàʼnɨ̀ ɨ ne, àwɔ̀ Akipùs, nɨ yeʼ ə sɔgyɨ̀ Kristo ɨghabɨ ə mbǎ. Tɨ̀ wɨə bə̀ ŋwàʼnɨ̀ əmbɨ ə bə̂d mɨ̀jìm mbe nɨ yeʼ ɨŋga ɨfetɨ bə̂d Kristo we nɨə nyɨ ɨŋga e nəb.


Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.


Yeso we nɨ mbɨə tɔŋ ənɨ Jostùs wɨə bə chàʼrɨ̀ əwən. Mbɔ̂ mei mɨ̀Jû mbe nɨ yeʼ əbɔʼ bə̂d mbe nɨə fàʼə̀ mbɨ num ɨmbə̀ʼ ənû ɨfɔ̀n ə Ŋwiə̀. Mbɨ fə kàŋ kəŋgɨ əmɨ kwàʼ ɨchî chɔ̀m.


Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.


À yeʼ ɨmbə̀ʼ ə Taitùs, məd wɨə fàʼə̀ mbɨ num ɨchî nɨ tɨə fàʼ ɨ nən ɨnɔ̂n. À yeʼ ɨmbə̀ʼ mba bɔŋgɔb, à yɨ tɨfetɨ bə̂d Kristo tom mɨ̀mə̌d. Ɨ mbɨə ghɨ̀ ni Kristo berɨ ɨwumnɨ.


Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.


E sə̀ʼ mɨ wììrɨ̀ rɨŋga nəb ni, 'Tɨrə̀ chə e əmɨ! Mə fə fə̀n mɨ nəb. Mɔ̌ mbɨ mbɨ bɔn fə nòkɨ̀ a. Chəi mə bɨrɨ nɔʼ naʼ əghɨ ə mɔʼɔ ɨ ne.'


“Wə̀d mɔʼɔ we nɨ nɨŋ əwən, fə bə̀ nɨŋ əmɨ. Wə̀d mɔʼɔ we nɨ nɨŋ əmɨ, fə bə̀ nɨŋ wə̀d we nɨ nyaʼa tom əmɨ.


À mɨ yeʼ nɨ chəi wə̀d mɔʼɔ nɨŋ əwən, kɨ̀ bè zu ənû ze nɨ mbə̀ə ghàə̀, mbə̀ kud əgywɨ rɨ ənɨ mbə ɨwu ənɨ mbə̀ə jwɨ̀ rɨŋga nəb ze kɨ̀ rɨŋga əsɨ ze.


ɨmbə̀ʼ ɨghəm nɨ mbɨ fə jwɨ̀ ɨ wo fàʼ əmbɨ Kristo nɨ chəi mbɨ ben nɨ nɨŋ əghɨ ə mɔʼɔ rɨ əmbɨ ə bə̂d mbe nɨ chəi mbɨ kɨrɨ ben ə Kristo.


Mə fə ŋwàʼnɨ̀ ənû ə mɔʼɔ əmbɨ ɨfetɨ bə̂d Kristo. Àyɨə chəi Dìotrefès, nɨə kɨə ghaʼ ənû nɨ che ɨmbì ənɨ ɨnû jìm, ben ni mə berɨ ɨka nɨ gha ənû ə mɔʼɔ.


Swiv nou:

Piblisite


Piblisite