3 Jɔn 1:12 - Meta’

¹² Wə̀d jìm wɨə ghà ɨnû chɔ̀m ɨmbə̀ʼ ə Dèmetriùs. Məd wɨə chub àmei ɨchî nɨ rəsìʼ we nɨ yeʼ ɨŋga Ə̀ŋwàʼnɨ̀ ə Ŋwiə̀ kəbɨ. Mba bə tɨ̀ bə̀ ben ni məd wɨə chub ɨchî nɨ rəsìʼ chwiə. Əne mbə̀ kyerɨ ni ənû ze nɨ tɨ̀ gha yɨ ənû rəsìʼ.

Ikan feg

¹² Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

3 Jɔn 1:12 Referans Kwoze

1 Timotì 3:7

Bə̂d mbe nɨ kaʼi bə̂d Kristo berɨ gha ɨnû chɔ̀m ɨmbə̀ʼ əməd, ɨmbə̀ʼ tɨ wɨ̀ berɨ i tɨ̀nìd ətu əne feŋ ɨŋga ətam ə Debɨ̀rə̀.

Jn 21:24

Ə̀mə̀ə̀nɨ̀-ɨnû wɔ̂ yɨ we nɨə ghà ɨnû mbɔ̂. Məd yɨ we nɨ bə̀ ŋwàʼnɨ̀ ə si. Tɨ̀ kyerɨ ni ənû ze nɨ wɨ̀ ghǎ yɨ ənû rəsìʼ.

Ɨ̀fàʼì 22:12

“Mbaŋə̀ mɔʼɔ zɨə nyaʼə əŋgu nɨ ɨkum məd nyaʼə Ànàniàs. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ nùŋə̀ tɨkə rɨ Mose. Mɨ̀Jû mɨ̀jìm mbɨə nyaʼə ghà ɨnû chɔ̀m ɨmbə̀ʼ əməd.

Ɨ̀fàʼì 10:22

Mbaŋə̀ te nyaʼa wììrɨ̀ ni, “Kɔneliùs, nɨ yeʼ ətu ɨgwɨ mɨ̀sɔgyɨ̀ ɨkɨ fibɨ̀, fə tom əwa əsɨ ne. Məd wɨə ghɨ̀ ɨnû nɨ kuʼnɨ. Məd wɨə wumnɨ ə Ŋwiə̀. Mɨ̀Jû mɨ̀jìm mbɨə ghà ɨnû chɔ̀m ɨmbə̀ʼ əməd. Aŋgɨrə̀ Zeŋɨ kəʼ ghà ɨ bɔ ni wɨ̀ tom bə̂d əsɨ ne ni à wo əkwɨ məd, ɨmbə̀ʼ wɨ̀ zu ənû ze nɨ à berɨ nɨ gha ɨ bɔ.”

Jn 19:35

Wə̀d we nɨ nyaʼa zə ənû zɔ̂ fə ghà ɨmbə̀ʼ əzɨ əwən, ɨmbə̀ʼ mbə̀n bə̂ bə̀ benɨ. Məd ziə ə kyerɨ ni ənû ze nɨ wɨ̀ ghǎ yɨ ənû rəsìʼ.

1 Tèsàlonikà 4:12

Mbə ghɨ əne ɨmbə̀ʼ bə̂d mbe nɨ kaʼi bə̂d Kristo wumnɨ əwən fɔrɨ ɨmbə̀ʼ tɨ mbə̀ kəb ə ni bə̂d cherə naʼ ɨghɨ mbe nɨ mbə̀ kəbɨ.

Ɨ̀fàʼì 6:3

Əne kyɨə bɔŋgɔb, mbə̀ chɔʼ mbaŋə̀ sambe rəkaʼ nən nɨ bə̂d ə ghà ɨnû chɔ̀m ɨmbə̀ʼ mɨ̀mə̌d, nɨ Əzwî ə Zeŋɨ ə swi ɨŋga mɨ̀mə̌d, mbɨ bə̀ berɨ ɨwe, ɨmbə̀ʼ tɨ̀ naʼ ənû nɨ ghapɨ rɨjɨg əmbɨ mɨ̀mə̌d.