2 Timotì 4:8 - Meta’

⁸ Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Ikan feg

⁸ Ane, igun aneg ze ne Anɔŋisəg Kristo biri yeʼe ni saʼ isəg, məd we ne sàʼa bəd ane icheg ne koʼi biri nàʼ ineʼi inum. À ya ineʼi we ne məd we nàʼà abə bəd ne ghìyə̀ inug ne təmi kòʼ. Chəyi wì biri nàʼ məyi inum. Wì biri nàʼ fɔrɔ abə bəd mbe ne ghɔ̀mɔ̀ gha wì ywirì yèʼe.

2 Timotì 4:8 Referans Kwoze

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

1 Pità 5:4

Ənɨ Ənə̂ŋgɨ̀-njɨ̀g kyeŋ yeʼe, mbə bɨrɨ nɨŋ əchwɨ̂ əgu ə zeŋɨ ze nɨ chəi zɨə bɨrɨ nɔ chɔʼrɨ.

1 Pità 1:4

Zɨə fə bə̀ ghɨ̀ ni mbə̀ jɨg ɨghɨ mbe nɨ wɨ̀ nuŋ ɨkaŋ əmbɨ mbi bə̂d. Wɨ̀ fə nùŋ ɨghɨ mbe ɨkaŋ əsɨ nɨ chəi mbɨ bɨrɨ nɔ bɔb, chəi mbɨ bɨrɨ nɔ bə, chəi mbɨ bɨrɨ nɔ chɔʼrɨ.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

1 Kɔrèn 9:25

Bə̂d mɨ̀jìm mbe nɨə ferɨə mbɨə yimbɨ ɨnyod ɨchî chɔ̀m ənɨ ɨnû jìm. Ɨ mbɨə ghɨ̀ əne ɨmbə̀ʼ nɨŋ ɨchwɨ nɨ yeʼ tɨ̀kwě te nɨə bə̀ə. Àyɨə tɨ̀ wɨə ghɨ̀ əne ɨmbə̀ʼ nɨŋ te nɨ chəi tɨə bə̀ə.

Kòlosè 1:5

Tɨ̀ wɨə bə̀ nàʼ ɨmbə̀ʼ ɨnû mbe nɨ mbə nuŋ rɨkɔndɨ wòm nɨ Ŋwìə̀ nuŋ ɨ nən ɨkaŋ. Mbə nyaʼa fə be zu ənû zɔ̂ ɨŋga ɨŋgam rəsìʼ we nɨ yeʼ ɨkə̂n chɔ̀m we

Ɨnû 1:7

Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Tayitùs 2:13

Tɨ̀ wɨə nùŋə̀ rɨkɔndɨ wòm əbɔrəbɔd ze nɨ Ŋwiə̀ kaʼ ɨ na. Əbɔrəbɔd ze ə bɨrɨ yeʼe ənɨ ə nyùmə̀ we nɨ a Ŋwìə̀ kyeŋ Ə̀nùŋɨ̀sɨg Yeso Kristo wɨrɨ yeʼe mbɨ ɨwumnɨ.

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

2 Timotì 2:5

Chəi mbɨə nàʼ ɨneʼe əmbɨ wə̀d we nɨ notɨ, kɨrɨ ənɨ wɨ̀ beenɨ əbɔʼ tɨkə ə̀nòtɨ̀.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

1 Timotì 6:19

Mbɨ mɨ yeʼə ghɨ̀ ɨnû mbɔ̂, njɨ mbɨ fə zì əchɨ nɨ kaanɨ ɨmbə̀ʼ ɨghɨ mbe nɨ mbɨ bɨrɨ berɨ əwu rənjìm. Mbɨ bɨrɨ bɨ jɨg ɨ̀tènɨ̀ we nɨ yeʼ wɨ rəsìʼ.

1 Kɔrèn 2:9

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ənû ze nɨ chəi ɨghə kweʼ zə, kɨ̀ ə̀tǒŋ ə kweʼ zu, kɨ̀ nɨ wə̀d kweʼ kɔndɨ ɨŋga i fîŋ, yɨ əze nɨ Ŋwìə̀ fə tekɨ nùŋ əmbɨ ə bə̂d mbe nɨ ghaʼ əməd.”

Ɨnû 22:20

Wə̀d we nɨ gha ɨnû mbɔ̂ jìm ə ghà ni, “À yɨ rəsìʼ, mə bɨrɨ zambɨ yeʼe.” À yɨ əne, Ə̀nùŋɨ̀sɨg Yeso, yeʼe!

Ɨnû 4:10

bə̂d kyeŋ mbe ɨwum be chɔ̀b rɨkwè gundɨ ə si ɨfě məd we nɨ chub ɨgun ətən ɨfɔ̀n, wumnɨ əməd we nɨ ten i koŋ. Mbɨ màʼrɨ̀ tə rɨdəm mɨfɔ̀n ə si ɨfě ətən ɨfɔ̀n ze, kwerɨ ɨkyî ghà ni,

Ɨnû 4:4

Ɨtən ɨfɔ̀n cherə ɨwum be chɔ̀b rɨkwè nyaʼa kad ətən ɨfɔ̀n ze. Bə̂d kyeŋ ɨwum be chɔ̀b rɨkwè nyaʼa chub ɨgun ɨtən ɨfɔ̀n mbe. Mbɨ nyaʼa zɨ̀ ngywɨ̌ tɨ rɨ̀fɨ bə̀ zɨ̀ rɨdəm mɨfɔ̀n nɨ mbɨ nyaʼa tekɨ ənɨ gôl.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Rm 2:5

Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

Matìyò 24:36

“Chəi wə̀d mɔʼɔ kyerɨ əni ze kɨ̀ nyùmə̀ we nɨ ɨnû mbɔ̂ bɨrɨ ghɨ̀, ka àbei mbɨ̀aŋgɨrə̀ mbe nɨ yeʼ ɨkaŋ kɨ̀ bè ə Wan. Àmei Mbǎʼ rə̀zìʼ wi kyerɨ.

Matìyò 7:22

Bə̂d mɨ̀nɔnɔʼ bɨrɨ gha ɨ num əni ze nɨ Ŋwìə̀ ə sob mɨsaʼi ni, 'Ə̀nùŋɨ̀sɨg, Ə̀nùŋɨ̀sɨg, ɨmbə̀ʼ tɨ̀ nyaʼa ghà ɨkə̂n Ŋwiə̀ ənɨ e ɨkum, bə̀ chɨ̀ ɨzwî rɨbɔ̀ŋ ənɨ e ɨkum, bə̀ ghɨ̀ ɨnû yiirɨ ənɨ e ɨkum ə?'

1 Tèsàlonikà 5:4

Àyɨə mba bɔŋgɔb, chəi mbən ə ghɨ̀ ɨnû rɨbɔ̀ŋ ɨghabɨ ə bə̂d mbe nɨ yeʼ ɨŋga ɨsɨ firɨ, nɨ əni ze ə bɨrɨ saʼ yeʼe ɨgwɨ nən ɨchî nɨ ɨjɨ ə yeʼe.

2 Kɔrèn 5:2

Tɨ̀ wɨə sɔ ɨchû ɨŋga nyamnyod zɔ̂, əne tɨ̀ wɨə kə̀bə̀ ni Ŋwìə̀ naʼ nyamnyod fi ze rɨkaŋ ɨ na.

Lk 10:12

Mə ghà ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm chè ɨchî nɨ tɨ̀ wɨ̀ dììrɨ̀ bə̂d mbe rɨŋga əsɨ ze!”

1 Kɔrèn 3:13

mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

Fìlipì 3:11

ɨmbə̀ʼ ɨchî mɨ chwiə, mə bə̀ zwemə.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

2 Timotì 1:10

Àyɨə rɨ̀nîn, ɨnû mbɔ̂ jìm fə jwɨ̀ zeŋ ɨ na ənjìm ɨchî nɨ Kristo Yeso we nɨə chɨ̀ əwa rəŋgəʼ nyaʼa yeʼe. Wɨ̀ fə nimnɨ ɨka we nɨ ɨvɨ berɨ ɨgwɨ na, əne chè ənjìm ɨkə̂n chɔ̀m chwi ɨchî nɨ bə̂d bɨrɨ chub ɨkǎ bə̀ chwi ɨchî nɨ chəi bə̂d bɨrɨ nɔ kwɨ.

Mə̀Hibrù 12:11

Chəi ənû ze nɨ mbɨə chə əwa ə nyaʼa bɔŋ ənɨ ə nyùmə̀ we. Ə zɨə nyaʼə tɔə kwàʼ rɨŋgəʼ. Àyɨə əmad ə nɨə zombɨ, ɨchə we ghɨ ni bə̂d mbe nɨ mbɨ chə mɨ̀mə̌d ghɨ ɨnû nɨ kuʼnɨ bə̀ ghɨ̀ ni mbɨ chub ənɨ əbɔrəbɔd.