2 Timotì 2:22 - Meta’

²² Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

Ikan feg

²² Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀.

2 Timotì 2:22 Referans Kwoze

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

1 Pità 3:11

Wɨ̀ berɨ waʼ ɨnû rɨbɔ̀ŋ əne bèŋ sɨə ghɨ̀ yeʼ ɨnû chɔ̀m. Wɨ̀ berɨ kywɨ ənywɨ ɨmbə̀ʼ chub ənɨ əbɔrəbɔd mbɨ wə̀d jìm.

1 Kɔrèn 6:18

Mbə̀ ton ɨfabrɨ-ɨnû! Chəi ɨnû rɨbɔ̀ŋ jìm cherə mbe nɨ bə̂d ə ghɨ̀ ə bètɨ̀ə̀ nyamnyod, àyɨə wə̀d we nɨə ghɨ̀ ɨfabrɨ-ɨnû wɨə ghɨ̀ ɨnû rɨbɔ̀ŋ ənɨ i nyamnyod.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Kɔrèn 10:14

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ ton ənû nɨ wumnɨ mbɨ̀anèŋ.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

1 Kɔrèn 1:10

Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

1 Kɔrèn 14:1

Mbə̀ kywɨ ənywɨ zə ni ɨghaʼi yeʼ əghɨ ze nɨə tin əwən wò ɨmbì. Mbə̀ jeŋgɨ kə̀b yeʼ mɨneʼe mbe nɨ Əzwî ə Zeŋɨ ə nàʼə̀, màànɨ̀ ɨneʼe nɨ gha ɨkə̂n Ŋwiə̀.

1 Kɔrèn 1:2

Tɨ̀ wɨə ŋwaʼnɨ əmbɨ ɨfetɨ bə̂d Ŋwiə̀ we rɨ ə Kɔrèn, əmbɨ ə bə̂d mbe nɨ Ŋwìə̀ ghɨ̌ mbɨ zeŋ ɨchî nɨ mbɨ yeʼ ənɨ ɨfɔtɨ mbɨ Kristo, nɨ Ŋwìə̀ nyaʼa bə̀ tɔŋə ni mbɨ yeʼ mbi bə̂d. Tɨ̀ wɨə bə̀ ŋwaʼnɨ əmbɨ ə bə̂d mɨ̀jìm mbe nɨə wumnɨ a Ə̀nùŋɨ̀sɨg Yeso Kristo ɨsɨ jìm. Məd yɨ Ə̀nùŋɨ̀sɨg mɨ̀mə̌d bə̀ fɔrɨ wa.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Ɨ̀fàʼì 9:14

Wɨ̀ fə nɨŋ ɨka rɨ əmbɨ ə bə̂d kyeŋ mbe rɨ ə mbàn Ŋwìə̀, əne wɨ̀ fə yeʼe əgha ɨmbə̀ʼ gywɨ̀ bə̂d mɨjìm mbe nɨə wumnɨ əwe.”

1 Timotì 2:8

Mə kə̀b ni ɨsɨ jìm mbe nɨ bə̂d fetɨ əŋgu ɨ wumnɨ ə Ŋwiə̀, mbaŋə̀ te nɨ zeŋɨ nɔɔrɨ ɨbɔ kɔŋgɨ ə Ŋwiə̀. Mbɨ berɨ ghɨ əne nɨ chəi mbɨə sə ɨtəm bə̀ fɔrɨ ənɨ chəi mbɨə tàŋə̀.

1 Timotì 1:14

À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

Ɨ̀fàʼì 7:59

Ənɨ mbɨ nyaʼə tumbɨ ə Stɨfɨ̀n əne, wɨ̀ nyaʼa kɔ̀ŋgɨ̀ ə Ŋwiə̀ ghà ni, “Ə̀nùŋɨ̀sɨg Yeso, nɨŋ mɨ əzwî!”