2 Timotì 2:14 - Meta’

¹⁴ Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

Ikan feg

¹⁴ Àghò che imbìghè ni wendi inug mbo̰ abə bəd Kristo. Àghò pati awɔb imbìghè abə Ŋwiye gha imbə̀ʼ mbi ya tàŋà awɔb tìngam ako ne chəyi tì ti wètì wə̀d. Tìngam te ya chìkə̀ fìŋ abə bəd mbe ne zi atog ni zug tiwən.

2 Timotì 2:14 Referans Kwoze

2 Timotì 2:23

Tɨrə̀ berɨ e ənû ə mɔʼɔ nɨ ghɨ mbɨ ɨnû əneŋ mbe nɨ bə̂d ə tàŋ ɨmbə̀ʼ mbɨwən, nɨ chəi ɨwe ɨŋga. À fə bè kyerɨ e ni taŋ te tɨə yeʼe mbɨ əchɔb.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Timotì 5:21

Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

2 Pità 1:13

Mə kàŋ kɔndɨ ni zɨə kùʼ ni mə nɔɔrɨ mbə ɨtu ɨmbə̀ʼ ɨnû mbɔ̂ ənɨ mə kɨrɨ ɨkǎ.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.

2 Timotì 2:16

Ton mɨŋgam mɔʼɔ mbe nɨ chəi mbɨə ghɨ̀ ni bə̂d kyerɨ ə Ŋwiə̀, ɨmbə̀ʼ ɨghəm nɨ ənɨ mbɨə ghàmə̀, mbɨ bɨrɨ gha ɨnû nɔnɔʼ nɨ chwiə ni chəi mbɨə wumnɨ ə Ŋwiə̀.

1 Timotì 4:8

Ənû nɨ ghɨ ɨnû mbe nɨ bɨrɨ ghɨ ni ɨnyod kaanɨ ə bɔ̀ŋ, àyɨə ənû nɨ ghɨ mbe nɨ chwi ni à wɨə wumnɨ ə Ŋwiə̀ ə bɔ̀ŋ chè ənɨ ɨnû jìm, ɨmbə̀ʼ ɨghəm nɨ Ŋwìə̀ fə kàʼ ɨ̀tènɨ̀ rɨ mì ɨ ne tɨ̀nîn bə̀ fɔrɨ ənɨ ə nyùmə̀ we nɨ bɨrɨ yeʼe.

Efesùs 4:17

Mə wɨə ghà ɨ nən kwàʼ rɨkǎ ənɨ ɨkum Ə̀nùŋɨ̀sɨg ni tɨ mbɨ rəbə chub ə ɨchî nɨ bə̂d mbe nɨ kaʼi mɨ̀Jû ə chubə. Tɨkɔndɨ tɨ mɨ̀mə̌d yɨ ətu ə̀kǒ.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Ɨ̀fàʼì 13:10

“Àwɔ̀, wan Debɨ̀rə̀! À bàn ɨnû jìm mbe nɨ kùʼnɨ̀. À berɨ mɨnə̂njɨ̀ jìm nɨ tambɨ bə̂d. Ɨnû rɨbɔ̀ŋ bə̀ swi ɨŋga e fîŋ. Ka à wa bɨrɨ sob e nɨ beŋ ɨnû chɔ̀m mbe nɨ Ə̀nùŋɨ̀sɨg ə ghɨ̀ə̀ ə?

Matìyò 16:26

Njìm nɨ wə̀d bɨrɨ jɨg əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ kɨə yè? Kɨ̀ wə̀d bɨrɨ naʼ ye ɨ kob ɨ̀tènɨ̀ we əŋgu ə?

2 Timotì 1:6

Ɨchî nɨ à ben ə Kristo əni, mə wɨə kə̀bə̀ ni à nɔɔrɨ ɨneʼe we nɨ yeʼ ɨŋga ne, nɨ Ŋwìə̀ nyaʼa naʼ ɨ ne ənɨ ə nyùmə̀ we nɨ mə nyaʼa zab mbɨ ɨbɔ ɨgwɨ ne.

1 Timotì 1:6

Bə̂d mɔʼɔ fə waʼ ɨnû mbe nɨ mbɨ berɨ nɨ ghà. Əne mbɨ fə bèŋ sɨə ghàə̀ yeʼ mɨŋgam əko.

1 Timotì 1:4

Gha əmbɨ mɨ̀mə̌d ni tɨ mbɨ wɨrɨə gha ə tɨpoʼ əko mbɨ ənû ɨmbə̀ʼ tɨwaŋ bə̂d nɨ chəi ɨnwǐ. Ɨnû mbɔ̂ mbɨə ghɨ̀ə̀ ni bə̂d taŋ ə. Chəi tàŋ ə ghɨ̀ ni bə̂d ghɨ ɨnû mbe nɨ Ŋwìə̀ kəbɨ. Bə̂d bɨrɨ kyerɨ ɨnû mbe nɨ Ŋwìə̀ kəbɨ àmei ənjìm ɨbenɨ.

1 Tèsàlonikà 4:1

Mba bɔŋgɔb, ɨ wo ɨmbì, tɨ̀ nyaʼa fə chwi ɨchî nɨ tɨ̀ mbə̀ chubɨ ɨmbə̀ʼ ghɨ ni fîŋ Ŋwìə̀ bɔŋ ə. À yɨ rəsìʼ ni mbə mbɨə chub əne. Tɨ̀nîn tɨ̀ wɨə buʼ ɨbɔ bə̀ ghà ɨ nən ənɨ ɨkum Ə̀nùŋɨ̀sɨg Yeso ni mbə̀ wo ɨmbì ghɨ əne chè ɨchî nɨ mbə̀ nyaʼə bèə̀ ghɨ̀ə̀.

Tayitùs 3:1

Nɔɔrɨ ətu bə̂d Kristo mbe rɨ ə Kret ni mbɨ zuunɨ bə̂d mbe nɨə tùmbɨ̀ mɨ̀mə̌d bə̀ zuunɨ mbe nɨ berɨ ɨka ɨgwɨ mɨ̀mə̌d. Tɨ mbɨ ghɨ ə rɨ̀zuə̀ əmbɨ mɨ̀mə̌d. Mbɨ tekɨ ɨnyod nɨ kɨə ghɨ̀ ɨ̀chɔ̀m.