2 Timotì 1:7 - Meta’

⁷ Chəi Əzwî ze nɨ Ŋwìə̀ naʼ ɨ na ə ghɨ̀ ni tɨ̀ beŋ ənɨ ɨkwèd. Ə zɨə ghɨ̀ yeʼ ni tɨ̀ berɨ ɨka, ghaʼ bə̂d bə̀ yimbɨ ɨnyod.

Ikan feg

⁷ Azwighi ze ne Ŋwiye nàʼi ina kayi àze ne ghìyə̀ tì bɔ ni ghàm. À ya Azwighi ne nàʼà ika ina bə̀ ghìyə̀ tì kɔ̀ŋɔ̀ bəd bə̀ kyère icheg ni nyimbi nyɔd.

2 Timotì 1:7 Referans Kwoze

Rm 8:15

Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

1 Jɔn 4:18

Chəi ɨbɔɔ əsɨ ze nɨ ɨghaʼi yeʼ əŋgu. Àyɨə ɨghaʼi we nɨ bɔŋɨ màànɨ̀ wɨə fid ɨbɔɔ jìm, ɨmbə̀ʼ ɨghəm nɨ ɨbɔɔ ə berɨ ənû nɨ ghɨ̀ mbɨ ɨchə, əne chəi ɨghaʼi swi ɨŋga fîŋ wə̀d we nɨə bɔə.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Jn 14:27

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Lk 10:19

Mbə̀ zə, mə fə nàʼ ɨka ɨ nən ni mbə̀ yen ɨgwɨ ə jɔ, yèn ɨgun mbɨ̀rɨkafuʼ-ɨkon. Mə fə bə̀ nàʼ ɨka ɨ nən ni mbə̀ baŋ ɨka jìm we nɨ wə̀d pə̀n berɨ. Chəi əghɨ ə mɔʼɔ bɨrɨ kundɨ əwən.

Ɨ̀fàʼì 1:8

Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Mə̀Hibrù 2:15

Wɨ̀ bɨrɨ nimnɨ əne chɨ̀ bə̂d mbe nɨ ənû nɨ bɔ ɨvɨ ə nyaʼa ghɨ̌ mbɨ chub ənɨ ɨ̀bòʼò ənɨ mbɨ nyaʼa kɨrɨ ɨkǎ.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

1 Kɔrèn 2:4

Ənɨ mə̀ nyaʼə ghà ɨŋgam Ŋwiə̀ ɨ nən, chəi mə̀ nyaʼa nɨŋ ɨwe mbɨ ɨŋgam nəmɨ nəmɨ bɔŋ ghàm. Mə wɨə nyaʼə ghàə̀ yeʼ ɨchî nɨ Əzwî ə nyaʼə chwi ɨnə̂njɨ̀ ɨ num bə̀ nàʼ ɨka ɨ num.

Lk 24:49

Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”

Ɨ̀fàʼì 10:38

Mbə kyerɨ ɨchî nɨ Ŋwìə̀ nyaʼa naʼ Əzwî ə Zeŋɨ bə̀ nàʼ ɨka əmbɨ Yeso we rɨ ə Nazàret. Mbə kyerɨ ɨchî nɨ Yeso nyaʼa ghanə yèn ɨsɨ jìm, yènə̀ ghɨ̀ ɨ̀chɔ̀m ənɨ bə̂d bə̀ vɨ̀ə̀ bə̂d mɨjìm mbe nɨ Debɨ̀rə̀ nyaʼə tùmbɨ̀ə̀ mɨ̀mə̌d. Ɨ wɨə nyaʼə ghɨ̀ əne ɨmbə̀ʼ ɨghəm nɨ Ŋwìə̀ wɨə nyaʼa mbɨ məd.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Kòlosè 1:8

Məd fə ghɨ tɨ̀ kyerɨ ni Əzwî ə Ŋwiə̀ ə zɨə ghɨ̀ ni tɨ̀ ghaʼ mba bɔŋgɔb.

Ɨ̀fàʼì 6:8

Ŋwiə̀ nyaʼa ghɨ̀ ɨ̀chɔ̀m ənɨ ə Stɨfɨ̀n bə̀ naʼ ɨka ɨ bɔ. Əne wɨ̀ nyaʼa kɔ ghɨ̀ ɨnû yiirɨ bə̀ kɔ ghɨ̀ ɨnweenɨ-ɨnû ka ka əkaʼ ə bə̂d.

Ɨ̀fàʼì 9:22

Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.

Lk 8:35

Bə̂d nyaʼa jwɨ̀ ɨ wo zə ənû ze nɨ nyaʼa ghɨ̌. Ənɨ mbɨ nyaʼa wò pè əsɨ Yeso, mbɨ nyaʼa zə mbaŋə̀ ze nɨ ɨzwî rɨbɔ̀ŋ mbe nyaʼa jwɨ rɨŋga məd. Wɨ̀ nyaʼa chub ɨban ɨwu Yeso mbɨ ə ngywɨ̌ bòm. Ətu əməd ə nyaʼa fə zeŋ i. Əne mɨ̀mə̌d mɨjìm nyaʼa bɔ.

Ɨ̀fàʼì 26:25

Àyɨə Pɔ̂l nyaʼa wììrɨ̀ ni, “Chəi məə beə, kyɨə wə̀d kyeŋ Festùs. Mə wɨə ghàə̀ yeʼ ɨnû rəsìʼ.

Lk 15:17

Ənɨ ɨwe məd nyaʼa wɨrɨ bə̀ndɨ̀ yeʼe, wɨ̀ nyaʼa ghà ɨŋga i fîŋ ni, 'Bə̂d ə̀fàʼì mɨjìm mbe nɨ mɨ mbǎʼ nɨŋɨ mbɨə jɨgə korə ə̀bùʼ ə bùʼ, àyɨə mɔ̌ wɔ̂ əgha kwɨə njì!

Ɨ̀fàʼì 26:11

Mə wɨə nyaʼə chəə mɨ̀mə̌d ɨghəm nɔnɔʼ ɨŋga nəb ə̀kàtɨ̀ rɨjìm. Mə wɨə nyaʼə kəb ghɨ̀ ni mbɨ zɔm ə Yeso. Mə nyaʼa kàŋ jeŋgɨ sə ɨtəm əbɔʼ mɨ̀mə̌d, əne mə nyaʼa wò ɨŋga ɨsɨ rɨsɔ̀ʼɔ̀ ɨmbə̀ʼ nwendɨ tɨkyerɨ-ɨwu mɨ̀mə̌d.