2 Timotì 1:14 - Meta’

¹⁴ Nəŋgɨ rəsìʼ we nɨ Əzwî ə Zeŋɨ ze nɨ yeʼ ɨŋga na ə zɨ ɨŋga te rɨkyerɨ-ɨbɔ.

Ikan feg

¹⁴ Àghò taŋ nyìmi ineʼi chɔm we ne Ŋwiye ya nàʼi ine. Azwighi Ŋwiye ze ne chùghə inga ina biri wètì awe gha àghò nyimi ineʼi we.

2 Timotì 1:14 Referans Kwoze

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Rm 8:13

Mbə mɨ chub ɨchî nɨ nyamnyod kəbɨ, mbə bɨrɨ kwɨ, àyɨə mbə mɨ che ənjìm Əzwî zwiirɨ ɨnû rɨbɔ̀ŋ mbe nɨ nyamnyod ə ghɨ̀ə̀, mbə bɨrɨ tènə̀.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Tèsàlonikà 5:19

Tɨ̀ mbə̀ kən ə ə̀fàʼì ze nɨ Əzwî ə Zeŋɨ ə fàʼ ɨŋga nən.

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

Efesùs 5:18

Tɨ mbə̀ nɔ ə mɨnoʼ be, ɨmbə̀ʼ ɨghəm nɨ mbə mɨ nɔ be, mbə bɨrɨ ghɨ ɨnû mbe nɨ bɨrɨ chəkɨ əwən. Mbə̀ saŋə yeʼ ni Əzwî ə Zeŋɨ ə swi ɨŋga nən.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

1 Kɔrèn 9:17

Mə mɨ yeʼə ghà ɨkə̂n chɔ̀m ənɨ mɨ ɨghəm, njɨ mə bɨrɨ kəb ɨchɔʼ ə̀fàʼì. À mɨ yeʼ nɨ chəi mɨə ghà ənɨ mɨ ɨghəm, njɨ mə wɨə ghɨ̀ yeʼ ənû ze nɨ Ŋwìə̀ zɨ ɨŋga tum rɨkyerɨ-ɨbɔ.

Kòlosè 4:11

Yeso we nɨ mbɨə tɔŋ ənɨ Jostùs wɨə bə chàʼrɨ̀ əwən. Mbɔ̂ mei mɨ̀Jû mbe nɨ yeʼ əbɔʼ bə̂d mbe nɨə fàʼə̀ mbɨ num ɨmbə̀ʼ ənû ɨfɔ̀n ə Ŋwiə̀. Mbɨ fə kàŋ kəŋgɨ əmɨ kwàʼ ɨchî chɔ̀m.

Gàlesìyà 2:7

Àyɨə mbɨ nyaʼa zə ni Ŋwìə̀ fə zɨ̀ ənû nɨ gha ɨkə̂n chɔ̀m əmbɨ ə bə̂d mbe nɨ kaʼi mɨ̀Jû ɨŋga tum rɨkyerɨ-ɨbɔ, àmei ɨchî nɨ wɨ̀ nyaʼa zɨ ənû nɨ gha ɨkə̂n chɔ̀m əmbɨ mɨ̀Jû ɨŋga rɨkyerɨ-ɨbɔ Pità.

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 3:2

Wɨ̀ bɨrɨ jɨg njìm nɔnɔʼ ənɨ mɨnə̂njɨ̀ jìm. Ənû rɨtu yɨ ni, Ŋwìə̀ nyaʼa bè zɨ̀ i ɨŋgam ɨŋga tɨkyerɨ-ɨbɔ mɨ̀Jû.

Lk 16:11

À mɨ yeʼ nɨ chəi mbə̀ə fàʼ ənɨ tə fîŋ rɨjìm nɨ yim mbɔ̂n rɨŋga ɨsɨg, njɨ à kɨə we bɨrɨ naʼ mbɔ̂n rəsìʼ ɨ nən ə?