2 Tès 3:2 - Meta’

² Mbə̀ kɔŋgɨ ə Ŋwiə̀ ni wɨ̀ chɨ əwa rɨŋga rɨkyerɨ-ɨbɔ bə̂d nɨə ghɨ̀ ɨzɨg bə̀ chɨ̀ rɨŋga rɨkyerɨ-ɨbɔ bə̂d ɨnû rɨbɔ̀ŋ, ɨmbə̀ʼ ɨghəm nɨ kaʼi bə̂d mɨjìm ben ə Yeso Kristo.

Ikan feg

² Mbə̀ chaʼra Ŋwiye gha wì chiye awa ikye ibo abə bəd inug izəg fɔrɔ ikye abo abə bəd inug tibɔ̀ŋ imbə̀ʼ icheg ne kayi bəd məjìm mbe bḛ ikən chɔm we ne te chètè.

2 Tès 3:2 Referans Kwoze

Rm 15:31

Mbə̀ kɔŋgɨ ə Ŋwiə̀ ni wɨ̀ chɨ əmɨ rɨŋga tɨkyerɨ-ɨbɔ bə̂d mbe nɨ chəi mbɨ ben ə Kristo ə Jùdeyà, bə̀ kɔ̀ŋgɨ̀ ni bə̂d Ŋwiə̀ mbe rɨ ə Jèrusalèm nɨŋ ɨkab we nɨ mɨə wò nàʼ əmbɨ mɨ̀mə̌d.

Rm 10:16

Àyɨə kaʼi bə̂d mɨjìm kɨrɨ ben ɨkə̂n chɔ̀m we. Wə̀d ɨ̀kə̀n Ŋwìə̀ Aizayà nyaʼa ghà ni, “Ə̀nùŋɨ̀sɨg, à kɨə we fə ben ɨkə̂n we nɨ tɨə ghà ə?”

Ɨ̀fàʼì 28:24

Bə̂d mɔʼɔ nyaʼa ben ənû ze nɨ wɨ̀ nyaʼə ghàə̀, àyɨə chəi mbɨ mɔʼɔ nyaʼa benɨ.

1 Tèsàlonikà 2:18

Tɨ̀ nyaʼa kàŋ kə̀b nɨ wɨrɨ yeʼe əsɨ nən àyɨə Satàn nyaʼa kən əwa. Mɔ̌ Pɔ̂l nyaʼa kàŋ kəb yeʼe ɨghəm nɔnɔʼ.

Ɨ̀fàʼì 14:2

Àyɨə mɨ̀Jû mbe nɨ chəi mbɨ nyaʼa ben Kristo nyaʼa no bə̂d mbe nɨ kaʼi mɨ̀Jû, chə̀kɨ̀ fîŋ tɨ mɨ̀mə̌d ni mbɨ kɔ ban bə̂d mbe nɨ nyaʼa ben ə Kristo.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 13:45

Àyɨə ənɨ mɨ̀Jû nyaʼa zə mɨnɔ̂n bə̂d mbe, ə̀dìì ə nyaʼa swi ɨŋga fîŋ tɨ mɨ̀mə̌d, əne mbɨ nyaʼa kɔ zɔm ə Pɔ̂l ghàə̀ ni ənû ze nɨ wɨə ghàə̀ yɨ mɨghab.

Lk 18:8

Mə ghà ɨ nən ni wɨ̀ bɨrɨ zambɨ weerɨ mɨ̀mə̌d. Àyɨə ənɨ Wan Wə̀d wɨrɨ yeʼe, wɨ̀ wa bɨrɨ zə ɨchî nɨ bə̂d rɨŋga ɨsɨg nuŋ fîŋ ɨgwɨ məd ə?”

Matìyò 23:23

“Ŋgəʼ kyeŋ bɨrɨ nyɨ ɨgwɨ nən mbə̀nə məchwiə̀ rɨ̀kə̌ bə̀ nyɨ ɨgwɨ nən mbə̀nə mɨ̀Farisiî. Mbə̀ yɨ ɨbekɨ bə̂d! Zɨ̀ bɨrɨ nyɨ ɨmbə̀ʼ ɨghəm nɨ mbə mbɨə ghàpə̀ tɨtiirɨ te nɨ mbɨə tɔŋ ənɨ ə mint fɔrɨ ə dill bə̀ fɔrɨ ə kumìn ɨsɨ wum, əne nàʼ əsɨ ə fibɨ̀ əmbɨ ə Ŋwìə̀. Àyɨə mbə mbɨə waʼ ɨnû kyeŋ mbe nɨ yeʼ ɨŋga rɨ̀kə̌, ɨghabɨ ənû nɨ ghɨ̀ mbɨ ə bə̂d ɨchî nɨ kuʼnɨ, ənû nɨ diirɨ bə̂d mbɨ ənû ɨmbə̀ʼ ɨbenɨ. Zɨə bɔ̀ŋ ni mbə̀ ghɨ ɨnû mbɔ̂ jìm zɨ rɨ waʼ mbɨ mɔʼɔ.

Matìyò 17:17

Yeso nyaʼa wììrɨ̀ ni, “Chəi ɨghəm bə̂d wɔ̂ rɨ̀nîn berɨ ɨbenɨ. Ɨ mbɨə ghɨ̀ ɨnû nɨ chəi mbɨ kuʼu. Mə̀ kɨə wò chubɨ mbɨ nən ənɨ əgha nɨ sa rɨ ye ə? Mə̀ kɨə wò yim fîŋ mbɨ nən ənɨ əgha nɨ sa rɨ ye ə? Mbə̀ nɨŋ wan mbaŋə̀ we yeʼe naʼ ɨ num.”

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 25:27

À bɨrɨ kaŋ yeʼ ənû ə neŋ ni mə̀ cha wə̀d ndəŋ əsɨ ɨfɔ̂n kyeŋ nɨ chəi mə ŋwaʼnɨ ɨsaʼi we nɨ mbɨ zɨ ɨgwɨ məd.”