2 Tès 3:15 - Meta’

¹⁵ Tɨ mbə̀ nɨŋ əməd ɨghabɨ ni à yɨə wə̀d pə̀n, àyɨə mbə̀ patɨ əməd ɨchî nɨ mbə̀ə patɨ aŋgɔb nɨ ben ə Kristo.

Ikan feg

¹⁵ Si ya gha, imbə̀ʼ mbə̰ si nḛ awən iku wə̀d we icheg wə̀d ìpàb. Mbə̀ pati aməd icheg ìwa ifi mba bəd Kristo.

2 Tès 3:15 Referans Kwoze

Tayitùs 3:10

Ənɨ à fə patɨ wə̀d mɔʼɔ we nɨə saanɨə bə̂d ɨghəm mɔʼ kɨ ɨghəm be, tɨrə̀ wɨrɨ berɨ e ənû ə mɔʼɔ nɨ ghɨ̀ mbɨ məd.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

1 Kɔrèn 5:5

mbə̀ saŋ mbaŋə̀ zɔ̂ ɨŋga tɨkyerɨ-ɨbɔ Satàn ni wɨ̀ chəkɨ nyamnyod məd, ɨmbə̀ʼ əzwî əməd ə jwɨ rəŋgəʼ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe.

1 Kɔrèn 4:14

Chəi mɨə ŋwàʼnɨ̀ ənû zɔ̂ ɨmbə̀ʼ ɨ naʼ tɨ̀nìd ətu ɨ nən. Mə wɨə ŋwàʼnɨ̀ ɨmbə̀ʼ kəərɨ əwən ɨchî nɨ mbə̀ yeʼ mbɨ bɔn nɨ mə̀ ghaʼi kwàʼ rɨŋgəʼ.

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Matìyò 18:15

“We aŋgɔb mɨ ghɨ ənû rɨbɔ̀ŋ ənɨ ə ne, ndə̀ wo ghà ɨgu-ənû məd ɨ bɔ, àmei mbə̀n mbe mɨ̀be. Wɨ̀ mɨ zu ənû ze nɨ àwɔ̀ ə ghàə̀, əne à fə wɨrɨ nɨŋ əməd rəbɔʼɔ.

2 Kɔrèn 13:10

Mə wɨə ŋwaʼnɨ ɨnû mbɔ̂ nɨ chəi əmɨ mbɨ nən, ɨmbə̀ʼ ənɨ mə̀ yeʼe, chəi mə bɨrɨ nɨŋ ɨka we nɨ Ə̀nùŋɨ̀sɨg naʼ ɨ num nya əbɔʼ nən. Ɨka we yɨ nɨ ghɨ ni mbə̀ təm kàànɨ̀, kaʼi nɨ ghɨ ni mbə̀ bɔd.

2 Kɔrèn 10:8

Ka à bè yeʼi ni mə wɨə goŋ ɨgɔ̂ əku ɨmbə̀ʼ ɨka we nɨ Ə̀nùŋɨ̀sɨg naʼ ɨ na, chəi mɨ ətu ə bɨrɨ nìd. Ɨka we yɨ ni tɨ̀ ghɨ mbə təm kàànɨ̀, kaʼi nɨ ghɨ ni tə fîŋ bɔd.

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.

2 Tès 3:13

Mba bɔŋgɔb, tɨ mbə̀ bɔd ə nɨ ghɨ ɨnû nɨ kuʼnɨ.