2 Kɔrèn 9:8 - Meta’

⁸ Ŋwiə̀ we tɨ̀ wɨ̀ nàʼ ɨghɨjìm ɨ nən chè mbe nɨ mbə̀ kəbɨ, ɨmbə̀ʼ mbə̀ berɨ ɨghɨjìm ənɨ mɨ̀nyùmə̀ jìm ɨmbə̀ʼ mbə̀ bɨ nàʼ ni mbɨ ghɨ̀ ɨnû chɔ̀m əŋgu.

Ikan feg

⁸ Ŋwiye we tì wì nàʼ ighi inən abu abu ne che mbe ne mbə̀ kòʼi ni bèrì ni ghì gha mbə biri se ghàpà ighi abə bəd ndəŋ.

2 Kɔrèn 9:8 Referans Kwoze

Efesùs 3:20

À yɨə Ŋwìə̀ naʼ ɨka we nɨə fàʼ ɨŋga na. Məd we nɨ tɨ̀ wɨ̀ ghɨ̀ ɨnû nɨ nɔʼ chè mbe nɨ tɨ̀ rɨ̀ biirɨ, kɨ̀ mbe nɨ tɨ̀ kɔndɨ.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

2 Kɔrèn 8:7

Tɨ̀nîn, ɨchî nɨ mbə̀ yeʼ ɨmbì ənɨ ɨnû jìm, əne yɨ ənɨ ɨbenɨ, ənɨ ɨŋgam, ənɨ ɨkyerɨ ɨnû, ənɨ ə fîŋ chɔ̀m nɨ weerɨ bə̂d bə̀ fɔrɨ ənɨ ɨghaʼi we nɨ mbə̀ ghaʼ əwa, mbə̀ zə ni mbə̀ bə yeʼ ɨmbì ənɨ ənû nɨ saŋnɨ.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

2 Kɔrèn 9:11

Mbə mɨ yeʼə sàŋnə, njɨ Ŋwìə̀ bɨrɨ ghɨ ni mbə̀ berɨ ɨghɨ nɔnɔʼ ənɨ ɨkwɨ ɨnə̂njɨ̀ jìm. Ɨsaŋnɨ we bɨrɨ ghɨ ni bə̂d mɨ̀nɔnɔʼ che ənjìm na nàʼ məben-əwe əmbɨ ə Ŋwiə̀.

2 Kɔrèn 8:2

Ɨ mbɨə nyaʼa zə ŋgəʼ əku, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Əze ə nyaʼa ghɨ̀ ni mbɨ saŋnɨ chè əbɔ, ka à bè yeʼi ni ɨkwaŋ mɨ̀mə̌d nyaʼa bə̀ chè əbɔ.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

1 Pità 4:10

Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

2 Tès 2:17

Wɨ̀ nəərɨ əwən bə̀ nàʼ ɨka ɨ nən ni mbə̀ ghɨ ənû chɔ̀m jìm bə̀ ghà ɨŋgam chɔ̀m jìm.

2 Timotì 3:17

ɨmbə̀ʼ wə̀d we nɨə fàʼ əmbɨ ə Ŋwìə̀ kyerɨ ɨnû jìm bə̀ kyerɨ ɨchî nɨ ghɨ ɨnû chɔ̀m jìm.

2 Kɔrèn 13:3

Ɨchî nɨ mbə̀ kəb ənweenɨ ni ɨŋgam we nɨ mɨə ghàə̀ yɨ rɨ əmbɨ ə Kristo, mə bɨrɨ chwi ɨ nən. Chəi Kristo bɔd nɨ ghɨ ənû ɨ nən, àyɨə məd wɨə fàʼə̀ kwàʼ rɨ̀kǎ əkaʼ nən.

Fìlipì 4:11

Chəi mə̀ gha əne ɨmbə̀ʼ ɨghəm nɨ mə̀ nyaʼa kwaŋ əghɨ ə mɔʼɔ. Mə wɨə ghà yeʼ ɨmbə̀ʼ ɨghəm nɨ mə fə kwembɨ ni kɨ̀ à kɨ ənû ə ye ə, ɨghɨ mbe nɨ mə berɨ mbɨ kùʼ.

2 Timotì 2:21

Wə̀d mɔʼɔ mɨ zeŋnɨ i ɨnyod waʼ mbi ɨnû rɨbɔ̀ŋ, wɨ̀ bɨrɨ yeʼ ɨghabɨ əkaŋ ze nɨ Ŋwìə̀ bɨrɨ nɨŋ fàʼ mbɨ əzɨ əwən əni ənû. Wɨ̀ bɨrɨ fə zeŋ màànɨ̀. Əne Mbǎʼ ə̀fàʼì məd bɨrɨ nɨŋ əməd fàʼ mbɨ məd ɨchî nɨ wɨ̀ fə tekɨ i ɨnyod nɨ ghɨ ɨnû chɔ̀m jìm.