2 Kɔrèn 8:18 - Meta’

¹⁸ Tɨ̀ wɨə chà əməd mbɨ aŋgɔb cherə nɨ tɨfetɨ bə̂d Kristo rɨ̀jìm jeŋgɨ kyerɨ əməd ɨmbə̀ʼ ɨchî nɨ wɨə ghà ɨkə̂n chɔ̀m.

Ikan feg

¹⁸ Tì we bə cha ìwa ifi ndəŋ tì Tayitùs. Ìwa ifi gho̰ ya wə̀d ne mbe ghùmnə aməd inga tifeti bəd Ŋwiye tijìm, gha məd we chètè ikən chɔm.

2 Kɔrèn 8:18 Referans Kwoze

2 Kɔrèn 12:18

Mə nyaʼa buʼ ɨbɔ əmbɨ Taitùs ni wɨ̀ yeʼe əsɨ nən. Mə nyaʼa bə̀ tom ə wə̀d Kristo cherə mbɨ məd. Taitùs wa nyaʼa nyèm əwən ɨmbə̀ʼ jɨg əwən ə? Tɨ̀ rɨ wa nyaʼa faʼ a ənɨ əzwî ə mɔʼ ə? Tɨ̀ rɨ wa nyaʼa ghɨ a ɨnû ənɨ ɨnə̂njɨ̀ mɔʼ ə?

2 Kɔrèn 8:19

Kaʼ àmei əze, tɨfetɨ bə̂d Kristo rɨ̀jìm fə bə̀ chɔʼ əməd ni wɨ̀ yenə mbɨ na ənɨ tɨə wo naʼ ə̀wèèrɨ̀ zɔ̂. Tɨ̀ wɨə wo nàʼ ɨmbə̀ʼ wumnɨ Ə̀nùŋɨ̀sɨg fɔrɨ ɨmbə̀ʼ chwiə fîŋ chɔ̀m ze nɨ tɨ̀ berɨ.

1 Kɔrèn 7:17

Wə̀d mɔʼ mɔʼ chub àmei ɨchî nɨ Ə̀nùŋɨ̀sɨg ghɨ ni wɨ̀ chubɨ. Wɨ̀ bə̀ chub àmei ɨchî nɨ Ŋwìə̀ nyaʼa tɔŋ əməd. Wɔ̂ yɨ mɨ ɨkə we nɨ mɨə nàʼ əmbɨ ə bə̂d ɨŋga tɨfetɨ bə̂d Kristo rɨ̀jìm.

2 Kɔrèn 2:12

Ənɨ mə nyaʼa wò ə Troàs ɨ gha ɨkə̂n chɔ̀m ɨmbə̀ʼ ə Kristo əŋgu, Ə̀nùŋɨ̀sɨg nyaʼa chwi əpan ɨ num ni mə faʼ ɨ bɔ.

Rm 16:4

Mbɨ nyaʼa sɔ̀ŋ ə ɨ̀tènɨ̀ ɨmbə̀ʼ əmɨ. Kaʼ àmei mɔ̌ ə nàʼ məben-əwe əmbɨ mɨ̀mə̌d, tɨfetɨ bə̂d Kristo rɨjìm te nɨ kaʼi tɨ mɨ̀Jû tɨə bə̀ nàʼə̀ məben-əwe əmbɨ mɨ̀mə̌d.

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

1 Kɔrèn 16:3

Ənɨ mə̀ yeʼe, mə bɨrɨ ŋwaʼnɨ ɨmbə̀ʼ bə̂d mbe nɨ mbə̀ chɔʼɔ, əne tom mɨ̀mə̌d nɨ mbɨ wo nàʼ ɨkab we nɨ mbə̀ chob ə Jèrusalèm.