2 Kɔrèn 7:13 - Meta’

¹³ Ənû zɔ̂ ə fə kàŋ nəərɨ əwa. Ɨ yì əbɔʼ ɨchî nɨ mbə̀ fə nəərɨ əwa, tɨ̀ wɨə bə̀ kàŋə̀ ghaʼ ɨchî nɨ ɨghaʼi nyaʼa swi ɨŋga fîŋ Taitùs, ɨmbə̀ʼ ɨghəm nɨ mbə̀n mɨjìm nyaʼa ghɨ̀ fîŋ məd zùtɨ̀.

Ikan feg

¹³ À ya anug ne taŋ nə̀rə ìta fìŋ ya aze. Ni yètì abɔ̀ʼ anug azo̰ ne nə̀rə ìta fìŋ, tì ya taŋ gyèndi ane icheg ne mbə̰ ya niŋi Tayitùs, ghì aməd wì se gyènde bə̀ ghì fìŋ məd zùtì.

2 Kɔrèn 7:13 Referans Kwoze

2 Kɔrèn 7:6

Àyɨə Ŋwiə̀ we nɨə nəərɨə bə̂d mbe nɨ ɨnû ə chè mɨ̀mə̌d, nyaʼa nəərɨ əwa ɨchî nɨ Taitùs nyaʼa yeʼe.

1 Kɔrèn 16:13

Mbə̀ we əwən. Mbə̀ nùŋ fîŋ nɨ kaanɨ ɨgun ə Kristo. Tɨ mbə̀ bɔ ə. Mbə̀ təm kàànɨ̀.

1 Kɔrèn 12:26

Əsɨ ɨnyod ə mɔʼ ə mɨ yeʼə zəə ŋgəʼ, ɨsɨ ɨnyod jìm bɨrɨ bɨ zə ŋgəʼ mbɨ məd. Mbɨ mɨ nàʼ ɨwumnɨ əmbɨ əsɨ ɨnyod ə mɔʼ, ɨsɨ ɨnyod jìm bɨrɨ ghaʼrɨ mbɨ məd.

Rm 15:32

Mbə̀ ghɨ əne, ɨmbə̀ʼ Ŋwìə̀ mɨ benɨ, mə we tɨ̀ mə yeʼe əsɨ nən mbɨ ɨghaʼi, mbə ghɨ̀ mɨ fîŋ zùtɨ̀.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

Filemɔ̀n 1:20

Ee, kyɨə aŋgɔb, mə kəb ni à ghɨ ɨ̀chɔ̀m wɔ̂ ɨ num ənɨ ɨkum Ə̀nùŋɨ̀sɨg. Kaŋ zùtɨ̀ mɨ fîŋ ɨchî nɨ tɨ̀ yeʼ ənɨ ɨfɔtɨ mbɨ Kristo.

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

Fìlipì 2:28

Əne mə wɨə kàŋə̀ ghaʼə nɨ wɨrɨ cha əməd, ɨmbə̀ʼ ənɨ mbə̀ zə əməd, ɨghaʼi bɨrɨ swi ɨŋga tə fîŋ. Chəi mə bɨrɨ wɨrɨ nwìʼ ɨnyod ɨmbə̀ʼ əwən.

2 Kɔrèn 7:15

Ɨ wɨə ghaʼ əwən rɨ̀nîn chè ɨchî nɨ wɨ̀ nyaʼə beə ghaʼə, màànɨ̀ ənɨ wɨ̀ kɔndɨ ɨchî nɨ mbə̀n mɨjìm nyaʼə zuunɨ əməd fɔrɨ ənɨ wɨ̀ kɔndɨ ɨchî nɨ mbə̀ nyaʼa nɨŋ əməd mbɨ ɨbɔɔ fɔrɨ ɨwumnɨ kyeŋ.

2 Kɔrèn 2:13

Chəi mɨ fîŋ nyaʼa zurɨ ɨmbə̀ʼ ɨghəm nɨ chəi mə̀ nyaʼa zə wum aŋgɔb Taitùs əŋgu. Əne mə nyaʼa ndàʼnɨ̀ mbɨ ə bə̂d mbe nɔ̀ʼ wò ə Màsèdonià.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

Rm 12:15

Mbə̀ ghaʼrɨ mbɨ ə bə̂d mbe nɨə ghaʼə, bə̀ zə̀ʼ mbɨ mbe nɨə zə̀ʼə̀.

1 Kɔrèn 16:18

Mbɨ nyaʼa ghɨ̀ mɨ fîŋ zùtɨ̀ ɨchî nɨ mbɨ nyaʼa bə̀ ghɨ tən zùtɨ̀. Zɨə bɔ̀ŋ ni bə̂d kyerɨ ni mɨ̀mə̌d mbɨə fàʼ ə̀fàʼ ə chɔ̀m.

2 Kɔrèn 7:14

Mə wɨə nyaʼə goŋ ɨgɔ̂ əmbɨ Taitùs ɨmbə̀ʼ əwən, əne chəi mbə̀ naʼ tɨ̀nìd ətu ɨ num. Ɨchî nɨ ɨnû jìm mbe nɨ tɨ̀ nyaʼa gha ɨ nən yɨə nyaʼa ɨnû rəsìʼ, əne bə̂ ənû ze nɨ tɨ̀ nyaʼə goŋ ɨgɔ̂ ɨfě Taitùs ɨmbə̀ʼ əwən fə bə̀ jwɨ̀ ənɨ rəsìʼ.

Filemɔ̀n 1:7

Aŋgɔb, ɨchî nɨ à ghaʼ bə̂d ə fə ghɨ̀ ni ɨghaʼi kaŋ swi ɨŋga mɨ fîŋ. Ɨchî nɨ àwɔ̀ ə zùtə̀ fîŋ rɨ bə̂d Ŋwiə̀ fə bə̀ nəərɨ əmɨ.