2 Kɔrèn 5:7 - Meta’

⁷ Tɨ̀ wɨ ɨkǎ ɨmbə̀ʼ ɨbenɨ, kaʼi ɨmbə̀ʼ ɨghɨ mbe nɨ tɨə zəə.

Ikan feg

⁷ Aghi ne nɔ̀ŋɔ̀ awa ya ibḛfiŋ, kayi ighi mbe ne te bàrà.

2 Kɔrèn 5:7 Referans Kwoze

2 Kɔrèn 4:18

Əne yɨ ni chəi tɨə nèŋ ɨghɨ mbe nɨ bə̂d ə zəə. Tɨ̀ wɨə nèŋə̀ yeʼ mbe nɨ chəi ənɨ tɨ̀ bə̂d zə, ɨmbə̀ʼ ɨghəm nɨ ka ɨghɨ mbe nɨ bə̂d ə zəə bɨrɨ tandɨ i, àyɨə mbe nɨ chəi ənɨ tɨ̀ bə̂d zə bɨrɨ ten i koŋ.

1 Pità 1:8

Mbə ghaʼ əməd, ka à be yeʼi ni chəi mbə kɨrɨ zə əməd. Mbə nuŋ fîŋ ɨgwɨ məd, ka à be yeʼi ni chəi mbə̀ə zə əməd. Mbə̀ kàŋ ghaʼrɨ mbɨ ɨkwɨ ɨghaʼi we nɨ chəi ənɨ tɨ wə̀d ghà ənɨ ɨchù.

Mə̀Hibrù 10:38

Wə̀d we nɨə ghɨ̀ ɨnû nɨ kuʼnɨ bɨrɨ chubɨ ɨkǎ ənjìm ɨbenɨ. Wɨ̀ mɨ bèŋ rəbɔʼɔ, ka mɨ fîŋ bɨrɨ bɔŋ i mbɨ məd.”

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

1 Pità 5:9

Tɨ mbə̀ benə ni ə ɨbenɨ bɔd. Mbə̀ fe ə ɨnyod rɨ bɔ. Mbə̀ kyerɨ ni mbə bɔŋgɔb ɨŋga ɨsɨg jìm mbɨə zə ɨkwɨ ŋgəʼ we nɨ mbə̀n ə zəə.

1 Kɔrèn 13:12

Tɨ̀nîn, əghɨ ze nɨ tɨə zə ɨghabɨ ni à yɨ ɨŋga əneŋ-ɨfě yɨ əziŋ nɨ yeʼ əfubrɨ əfubrɨ̀, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, tɨ̀ bɨrɨ zə əməd tɨfě rɨfě. Tɨ̀nîn, mə kyerɨ ə Ŋwiə̀ əkwirɨ əkwirɨ, àyɨə ənɨ ə nyùmə̀ we nɨ Kristo bɨrɨ wɨrɨ yeʼe, mə bɨrɨ kyerɨ əməd màànɨ̀, àmei ɨchî nɨ məd bə̀ kyerɨ əmɨ màànɨ̀.

2 Kɔrèn 1:24

Chəi tɨə nyèm əwən ni mbə̀ ben ɨnû mbe nɨ tɨə ghàə̀. Tɨ̀ kyerɨ ni mbə fə nùŋ fîŋ zɨ̀ kàànɨ ɨgun ə Kristo. Àyɨə tɨ̀ wɨə fàʼə̀ mbɨ nən ɨmbə̀ʼ ɨghaʼi swi ɨŋga tə fîŋ.