2 Kɔrèn 5:17 - Meta’

¹⁷ Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

Ikan feg

¹⁷ Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

2 Kɔrèn 5:17 Referans Kwoze

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

1 Kɔrèn 1:30

À yɨə Ŋwìə̀ nyaʼa ghɨ̌ ni mbə̀ yeʼ ənɨ ɨfɔtɨ mbɨ Kristo Yeso. Məd yɨ we nɨ Ŋwìə̀ ghɨ ni tɨ̀ che ənjìm məd berɨ ɨwe. Wɨ̀ fə ghɨ̀ ni tɨ̀ təm kùʼnɨ̀. Wɨ̀ fə zeŋnɨ əwa bə̀ choʼ mba ɨtu.

Jn 15:5

“Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Efesùs 2:15

Ənɨ wɨ̀ nyaʼa kwɨ əzed ə baʼnɨ, wɨ̀ nyaʼa nimnɨ tɨkə rɨ Mose bə̀ nimnɨ ɨnû mbe nɨ tɨkə nyaʼə kə̀bə̀ ni bə̂d ghɨ ə. Wɨ̀ nyaʼa ghɨ əne ɨmbə̀ʼ nɨŋ tɨnəbɨ tɔ rɨ̀be tekɨ ɨnəbɨ fi mɔʼ. Əze ə nyaʼa ghɨ̀ ni əbɔrəbɔd ə nyɨ əkaʼ tɨnəbɨ tɔ̂ rɨ̀be.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Jn 15:2

Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Jn 17:23

mə yeʼ ənɨ ənû ə mɔʼ mbɨ mɨ̀mə̌d, àwɔ̀ bə yeʼ ənɨ ənû ə mɔʼ mbɨ num, ɨmbə̀ʼ mɨ̀mə̌d mɨjìm bə yeʼ ənɨ ənû ə mɔʼ. Mbɨ mɨ ghɨ əne, ɨsɨg we tɨ̀ wɨ kyerɨ ni à yɨ àwɔ̀ nyaʼa tom əmɨ fɔrɨ ni à ghaʼ mɨ̀mə̌d ɨchî nɨ à ghaʼ əmɨ.

Jn 14:20

Ənɨ əni ze ə pe, mbə bɨrɨ kyerɨ ni mə wɨ ənɨ ənû ə mɔʼ mbɨ mɨ Mbǎʼ, kyerɨ ni mbə mbɨ ənɨ ənû ə mɔʼ mbɨ num bə̀ kyerɨ ni mə wɨ ənɨ ənû ə mɔʼ mbɨ nən.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Matìyò 12:33

“Əzed mɨ bɔ̀ŋ, tɨtam məd bɨrɨ bɨ bɔ̀ŋ. Əzed mɨ bə, tɨtam məd bɨrɨ bɨ bə. Bə̂d mbɨə kyerɨ əzed tɨ ənɨ tɨtam məd.

Matìyò 24:35

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

1 Kɔrèn 13:11

Ənɨ mə̀ nyaʼə wan kwa, mə wɨə nyaʼə ghàm ɨghabɨ ə wan kwa, mə wɨə nyaʼə kɔndɨ ɨnû ɨghabɨ wan kwa, mə nyaʼa berɨ ɨwe wan kwa. Ənɨ mə nyaʼa kwi sɨə wə̀d kyeŋ, mə nyaʼa waʼ ɨnû bɔn kwa.

2 Kɔrèn 5:19

Əne yɨ ni, Ŋwiə̀ nyaʼa chè ənjìm ə Kristo màànɨ̀ taŋ mbɨ ə bə̂d ɨmbə̀ʼ mbɨ yeʼ bə̂d ɨməd. Chəi wɨ̀ nyaʼa taŋ tɨ̀gurɨ-ɨnû bə̂d ɨgwɨ mɨ̀mə̌d. Wɨ̀ nyaʼa zɨ̀ ɨkə̂n ɨmbə̀ʼ ənû nɨ maanɨ taŋ ɨŋga ta rɨkyerɨ-ɨbɔ ni tɨ sɨə ghà əmbɨ ə bə̂d.

2 Kɔrèn 12:2

Mə kyerɨ mbaŋə̀ Kristo mɔʼɔ, nɨ ɨghəm ɨwu fə che wum chɔ̀b rɨkwè, nɨ Ŋwìə̀ nyaʼa ghɨ̌ wɨ̀ wò ɨkaŋ we nɨ che rɨkaŋ jìm. Kɨ̀ wɨ̀ nyaʼa wo ənɨ i nyamnyod kɨ̀ ənɨ əzwî, chəi mə kyerɨ, à yɨə Ŋwìə̀ kyerɨ.

Fìlipì 4:21

Mbə̀ chaʼrɨ bə̂d Kristo mɨ̀jìm əwɔ. Mba mɨjìm mbɨ ənɨ ɨfɔtɨ mbɨ Kristo ɨchî nɨ tɨ̀ nùŋ fîŋ ɨgwɨ məd.

Rm 16:7

Mbə̀ chaʼrɨ ə Àndronikùs mbɨ Juniàs. Mbɨ yɨ mbɨ ɨfurɨ nɨ tɨ̀ nyaʼa ə nəb ndəŋ ɨnɔ̂n. Bə̂d tom Kristo jeŋgɨ kyerɨ mɨ̀mə̌d kwàʼ ɨchî chɔ̀m. Mbɨ nyaʼa bè ben ə Kristo rəbɔʼ num.

Rm 16:11

Mbə̀ chaʼrɨ ə Hèrɔdiòn. Məd yɨ mɨ əfurɨ. Mbə̀ bə chàʼrɨ̀ bə̂d Kristo mbe nɨ yeʼ ɨŋga nəb Nasisùs.

Rm 16:3

Mbə̀ chaʼrɨ ə Priskà mbɨ Àkwilà. Mɔ̌ mbɨ mɨ̀mə̌d mbɨə fàʼ əmbɨ Kristo Yeso.

Rm 16:9

Mbə̀ chaʼrɨ ə Òbanùs. Məd yɨə wə̀d ə̀fàʼì Kristo mbɨ na. Mbə̀ bə̀ chàʼrɨ̀ ə Stakìs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ.

Rm 16:10

Mbə̀ chaʼrɨ ə Apelès. Məd fə chwi ni tə yɨə kàŋ ə wə̀d Kristo. Mbə̀ chaʼrɨ bə̂d mbe nɨ yeʼ ɨŋga nəb Àrìstobulùs.

Lk 5:38

Mbɨ berɨ zɨ mɨnoʼ zwɨ̀ yeʼ ɨŋga chəŋ rɨ fi.