2 Kɔrèn 4:2 - Meta’

² Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Ikan feg

² Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

2 Kɔrèn 4:2 Referans Kwoze

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 5:11

Tɨ̀ kyerɨ əton ɨmbə̀ʼ ənû nɨ wumnɨ Ə̀nùŋɨ̀sɨg, əne tɨ̀ wɨə kywɨ ənywɨ ɨ ghɨ ni bə̂d cherə bə kyerɨ. Ŋwiə̀ fə kyerɨ əwa màànɨ̀, əne mə kyerɨ ni mbə fə bə̀ kyerɨ ənû zɔ̂ tə fîŋ zeŋ.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

Efesùs 5:12

À yɨ tɨ̀nìd ətu ɨ be ghà ɨmbə̀ʼ ɨnû mbe nɨ bə̂d mbe ə ghɨ̀ ənə̀mə.

2 Kɔrèn 7:14

Mə wɨə nyaʼə goŋ ɨgɔ̂ əmbɨ Taitùs ɨmbə̀ʼ əwən, əne chəi mbə̀ naʼ tɨ̀nìd ətu ɨ num. Ɨchî nɨ ɨnû jìm mbe nɨ tɨ̀ nyaʼa gha ɨ nən yɨə nyaʼa ɨnû rəsìʼ, əne bə̂ ənû ze nɨ tɨ̀ nyaʼə goŋ ɨgɔ̂ ɨfě Taitùs ɨmbə̀ʼ əwən fə bə̀ jwɨ̀ ənɨ rəsìʼ.

Rm 1:16

Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Efesùs 4:14

Əne tɨ rɨ̀ yeʼ a ɨghabɨ ə bɔn kwa nɨə ben ɨnû jìm mbe nɨ bə̂d mɨghab ə chwi əmbɨ mɨ̀mə̌d. Bə̂d mɨghab mbɔ̂ mbɨə tiə mɨghab tambɨə bə̂d ɨmbə̀ʼ mbɨ febə.

2 Kɔrèn 11:6

Chəi mə̀ kyerɨ ɨchî nɨ ghàm ɨchî chɔ̀m, àyɨə mə berɨ ɨwe. Tɨ̀ fə nɨŋ tɨkwɨrɨ ɨnə̂njɨ̀ jìm ɨ ghɨ ni ɨnû mbɔ̂ zeŋ ɨ nən.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

Rm 6:21

Mbə nyaʼa jɨg ye tɨ ənɨ ɨnû mbe nɨ mbə ɨtu ə nìd ɨmbə̀ʼ mbɨwən tɨ̀nîn ə? Ɨnwǐ rɨ ənɨ ɨnû mbe yɨ ɨvɨ.

2 Kɔrèn 6:8

Bə̂d mɔʼɔ mbɨə wumnɨ əwa, mbɨ mɔʼɔ tìbrɨ̀ əwa. Bə̂d mɔʼɔ mbɨə ghà ɨnû rɨbɔ̀ŋ ɨmbə̀ʼ əwa, mbɨ mɔʼɔ gha ɨnû chɔ̀m ɨmbə̀ʼ əwa. Bə̂d mɔʼɔ mbɨə ghàə̀ ni ka tɨ̀ yɨ a bə̂d mbe nɨ tɨ̀ yeʼ mbɨwən, àyɨə tɨ̀ yɨə kaŋ mbɨwən.