2 Kɔrèn 2:7 - Meta’

⁷ Àyɨə rɨ̀nîn, mbə berɨ waʼ ɨnû rɨbɔ̀ŋ məd bə̀ nəərɨ əməd ɨmbə̀ʼ tɨ wɨ̀ kən əku, njɨ ə̀kə̀nɨ̀ ze ə bɨrɨ ghɨ̀ ni ɨbenɨ məd wɨrɨ bɔd.

Ikan feg

⁷ Nyùmə̀ fə kòʼ ni waʼ inug tibɔ̀ŋ məd bə̀ nə̀ri aməd. Àmə chəyi ane, nji wì biri sɔ̀mnɔ̀, ibḛfiŋ məd se bɔ̀rɔ.

2 Kɔrèn 2:7 Referans Kwoze

Efesùs 4:32

Àyɨə mbə ghɨ ɨ̀chɔ̀m ənɨ mbə bɔŋgɔb, berɨ ɨbɔtɨ fîŋ bə̀ waʼ ɨnû rɨbɔ̀ŋ mbə bɔŋgɔb, ɨchî nɨ Ŋwiə̀ fə che ənjìm ə Kristo waʼ mba ɨnû rɨbɔ̀ŋ.

Kòlosè 3:13

Əne mbə̀ yim fîŋ mbənə mbənə bə̀ waʼ tɨ̀gurɨ-ɨnû wə̀d we nɨ gu ənû əmbɨ aŋgɔb. Ɨchî nɨ Ə̀nùŋɨ̀sɨg fə waʼ mbə ɨgu ɨnû, əne bə̂, mbə berɨ bɨ waʼ mbɨ bə̂d cherə.

2 Tès 3:6

Mba bɔŋgɔb, tɨ̀ wɨə ghà ɨ nən ənɨ ɨkum Ə̀nùŋɨ̀sɨg Yeso Kristo ni tɨ mbə̀ jɨgnɨ ə mbɨ ə bə̂d Kristo mbe nɨə ghɨ̀ ɨgwed, nɨ chəi mbɨə beenɨ əbɔʼ rɨkə te nɨ tɨ̀ nyaʼa naʼ ɨ nən.

1 Tèsàlonikà 4:13

Mba bɔŋgɔb, tɨ̀ kə̀b ni mbə̀ kyerɨ rəsìʼ ɨmbə̀ʼ bə̂d mbe nɨ fə kwɨ, ɨmbə̀ʼ tɨ mbə kən ə ɨghabɨ ə bə̂d nɨ chəi mbɨ nuŋ ɨkɔndɨ ni mbə bɨrɨ chubɨ mbɨ ə Ŋwiə̀.

Fìlipì 2:27

À yɨ rəsìʼ ni wɨ̀ nyaʼa wɔ̀n sɨə wò kwɨ. Àyɨə chəi Ŋwìə̀ nyaʼa diirɨ àmei əməd. Wɨ̀ nyaʼa bə̀ dììrɨ̀ əmɨ, njɨ ə̀kə̀nɨ̀ nɨ che əbɔ ə nyaʼa swi ɨgwɨ num.

2 Kɔrèn 7:10

Ɨkwɨ ə̀kə̀nɨ̀ we nɨ Ŋwiə̀ kəb ə zɨə ghɨ̀ ni bə̂d beŋ tə fîŋ. Ə zɨə ghɨ̀ ni bə̂d jwɨ rəŋgəʼ. Chəi bə̂d berɨ nɨ kə̀n ɨmbə̀ʼ ənû zɔ̂! Àyɨə ɨkwɨ ə̀kə̀nɨ̀ we nɨ bə̂d rɨŋga ɨsɨg kəb ə zɨə ghɨ̀ ni bə̂d kwɨ.

2 Kɔrèn 5:4

Ənɨ tɨ̀ kɨrɨ ɨŋga nyamnyod zɔ̂, tɨ̀ wɨə sɔ ɨchû əton ɨghɨ mbe nɨə nìd əwa. Chəi tɨ̀ kəb nimnɨ nyamnyod ənun. Tɨ̀ wɨə kə̀bə̀ yeʼ ni Ŋwiə̀ zɨ nyamnyod fi ɨgwɨ na, ɨmbə̀ʼ nyamnyod ze nɨ bɨrɨ ten i koŋ nɨŋ rɨmbin ze nɨə kwɨə.

1 Kɔrèn 15:54

Ənɨ əghɨ ze nɨə kwɨə ə fə beŋ ənɨ əze nɨ chəi zɨə kwɨə, nyamnyod ze nɨə kwɨə bə̀ beŋ ənɨ ze nɨ chəi zɨə kwɨə, ɨŋgam Ŋwiə̀ we nɨ mbɨ ŋwaʼnɨ bɨrɨ jwɨ̀ ənɨ rəsìʼ ni, “Ŋwìə̀ fə baŋ ɨvɨ nimnɨ.”

2 Kɔrèn 2:8

Əne mə wɨə buʼ ɨbɔ ɨ nən ni mbə̀ chwi ɨ bɔ ni mbə kɨrɨ ghaʼ əməd.