2 Kɔrèn 11:22 - Meta’

²² Mbɨ wa kɨ mɨ̀Hibrù ə? Mɔ̌ yɨə bə wɨ mɔʼɔ. Mbɨ wa kɨ mɨ̀Izre ə? Mɔ̌ yɨə bə wɨ mɔʼɔ. Mbɨ wa kɨə bɔn tɨ ənɨ əghaŋ ə Abràham ə? Mɔ̌ yɨə bə wɨ mɔʼɔ.

Ikan feg

²² Mbɔb kə mə̀Ju? Mo inum ya bə̀ Ju. Mbɔb kə mə̀Izre? Mo inum ya bə̀ wə̀d Izre. Mbɔb kə bɔn ane aghaŋ inəbi Abràham? Mo inum ya bə̀ ŋwan ane aghaŋ inəbi Abràham.

2 Kɔrèn 11:22 Referans Kwoze

Fìlipì 3:5

Mbɨ nyaʼa nè əmɨ ənɨ mə̀ nyaʼa ɨni famɨ. Mɨ mbǎʼ mbɨ mɨ nɨŋ yɨə nyaʼə mɨ̀Izre rɨŋga ɨnəbɨ Benjamìn, əne mɔ̌ yɨə kàŋə̀ wə̀d Hibrù rəsìʼ. Ɨ beenɨ əbɔʼ rɨkə, mə yɨ rɨŋga ɨfɔtɨ mɨ̀Farisiî.

Rm 11:1

Mə wɨə biirɨə ni Ŋwìə̀ wa fə ton mbi bə̂d ə? Chə̂! Mə yɨə wə̀d Izre. Mə yɨə wan tɨ ənɨ əghaŋ ə Abràham. Mə yɨ rɨŋga ɨnəbɨ Benjamìn.

Rm 9:4

Mbɨ yɨ mɨ̀Izre. Ŋwìə̀ nyaʼa fə nɨŋ mɨ̀mə̌d ənɨ mbi bɔn, əne ghɨ̀ mbɨ zə ɨzeŋɨ zeŋɨ. Wɨ̀ nyaʼa san tɨso mbɨ mɨ̀mə̌d, nàʼ rɨkə əmbɨ mɨ̀mə̌d, ghɨ̀ mbɨ wumnɨ əməd bə̀ kàʼ ɨnû nɔnɔʼ əmbɨ mɨ̀mə̌d.

Ɨ̀fàʼì 22:3

“Mɔ̌ yɨə Jû. Mbɨ nyaʼa gywɨ əmɨ ə Tasùs ə Selisià. Mə nyaʼa kwi əgha ə Jèrusalèm bə̀ kwembɨ ə̀ŋwàʼnɨ̀ əton ə Gàmalièl. Mə nyaʼa kwembɨ rɨkə te nɨ mbɨ nyaʼa naʼ əmbɨ mba mɨ̀mbǎʼ rəŋwe. Mə wɨə nyaʼə bə̀ zɨ̀ ətu ənɨ ə̀fàʼì ə Ŋwiə̀ ɨchî nɨ mbə̀n mɨjìm ə zɨ̀ rə̀chɔ̀ŋ.

Matìyò 3:9

Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Ɨ̀fàʼì 6:1

À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Gàlesìyà 3:16

Ŋwìə̀ nyaʼa kàʼ ɨnû mbɔ̂ əmbɨ Abràham bə̀ kàʼ əmbɨ ə wan tɨ ənɨ əghaŋ əməd. Chəi Ə̀ŋwàʼnɨ̀ ə Ŋwiə̀ ə gha ni, “Əmbɨ ə bɔn tɨ ənɨ əghaŋ əməd,” əne yɨə bə̂d mɨ̀nɔnɔʼ. Zɨə ghà yeʼ ni, “Əmbɨ ə wan tɨ ənɨ e əghaŋ,” əne yɨə Kristo.