2 Kɔrèn 10:1 - Meta’

¹ Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

Ikan feg

¹ Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 10:1 Referans Kwoze

2 Kɔrèn 10:10

ɨmbə̀ʼ ɨghəm nɨ bə̂d mɔʼɔ mbɨə ghàə̀ ni, “Ɨ̀ŋwàʼnɨ̀ mbe nɨ wɨ̀ ŋwaʼnɨ mbɨə kà əku bə̀ tɔə, àyɨə ənɨ wɨ̀ yeʼ əkaʼ na, ɨ wɨə bɔrə, chəi ɨŋgam məd ə bə̀ yim mɨnib.”

Matìyò 11:29

Mbə̀ zuunɨ əmɨ, əne kwembɨ ɨnû rɨ num, ɨmbə̀ʼ ɨghəm nɨ mə wɨə bɔtɨə rɨ ə fîŋ bə̀ swiə mɨ ɨnyod ə si. Mbə mɨ ghɨ̀ əne, tə fîŋ bɨrɨ zùtɨ̀,

Gàlesìyà 5:2

Mbə̀ zwetɨ! Mɔ̌ Pɔ̂l wɨə ghà ɨ nən ni mbə mɨ tɔ ben ni mbɨ ne əwən, njɨ ənû ze nɨ Kristo ghɨ̌ ɨmbə̀ʼ əwən ə chè ətu ə̀kǒ.

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

2 Kɔrèn 11:30

À mɨ kàŋ yeʼ ni mə berɨ goŋ ɨgɔ̂, njɨ mə bɨrɨ goŋ ɨmbə̀ʼ ɨnû mbe nɨ chwiə ni mə bɔd.

1 Kɔrèn 2:3

Ənɨ mə̀ nyaʼa yeʼe əsɨ nən, mə nyaʼa bɔd, əne ɨbɔɔ nyaʼa ghɨ̀ mə bindɨ ni chəi mə̀ bɨrɨ faʼ ɨchî chɔ̀m.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,

2 Tès 3:17

À yɨə mɔ̌ Pɔ̂l ŋwaʼnɨ ə̀chàʼrɨ̀ zɔ̂ ənɨ mɨ əbɔ. Əzɔ̂ yɨ ənweenɨ nɨ mɨə zɨ ɨgun ɨ̀ŋwàʼnɨ̀ jìm mbe nɨ mɨə ŋwàʼnɨ̀ə̀. Əzɔ̂ yɨ mɨ əbɔ ə̀ŋwàʼnɨ̀.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Gàlesìyà 4:13

Mbə̀ kàŋ kyerɨ ə ni à yɨ ɨmbə̀ʼ əwɔn nɨ mə̀ nyaʼa be ghà ɨkə̂n chɔ̀m ɨ nən.

2 Kɔrèn 12:5

Mə bɨrɨ goŋ ɨgɔ̂ ɨmbə̀ʼ ə mbaŋə̀ ɨghabɨ zɔ̂, àyɨə chəi mə bɨrɨ goŋ ɨgɔ̂ ɨmbə̀ʼ mɨ ɨghəm. Mə bɨrɨ goŋ àmei ɨmbə̀ʼ ɨnû mbe nɨ chwiə ni mə bɔd.

2 Kɔrèn 11:21

Mɨ ətu ə zɨə nìrə̀ nɨ gha ɨ nən ni tɨ̀ nyaʼa bɔd əku nɨ ghɨ tɨkwɨrɨ ɨnû tɔ̂! Ənû ze nɨ wə̀d mɔʼɔ yim fîŋ goŋ ɨgɔ̂ ɨmbə̀ʼ əzɨ əwən, mə wɨə ghàm ɨghabɨ əneŋ, mə bɨrɨ bɨ yim fîŋ goŋ ɨgɔ̂ ɨmbə̀ʼ əzɨ əwən.

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Kɔrèn 10:2

Mə wɨə buʼ ɨbɔ ni ənɨ mə̀ yeʼe əsɨ nən, tɨ mbə̀ nyeŋ əmɨ mə̀ ghamə mbɨ ɨka fîŋ. Mə kyerɨ ni mə we tɨ̀ mə ghàm mbɨ ɨka fîŋ əbɔʼ bə̂d mbe nɨ kɔndɨ ni tɨ̀ wɨə ghɨ̀ ɨnû ɨchî nɨ bə̂d mɨ̀sɔŋɨchù ə ghɨ̀ə̀.

2 Kɔrèn 7:4

Mɨ fîŋ zɨə kaŋ ɨgwɨ nən. Mə wɨə kàŋə̀ nɔ ɨnyod ɨmbə̀ʼ əwən. Mbə fə tìmbɨ̀ əmɨ kwàʼ ɨchî chɔ̀m. Ɨŋga a ŋgəʼ jìm, ɨghaʼi nɨ chè əbɔ ə swi ɨŋga mɨ fîŋ ɨmbə̀ʼ əwən.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

2 Kɔrèn 3:12

Ɨchî nɨ tɨ̀ nuŋ ta rɨkɔndɨ ɨgun ənû zɔ̂, tɨ̀ wɨə ghɨ̀ ɨnû mbɨ ɨka fîŋ.

1 Kɔrèn 4:10

Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

Rm 15:15

Mə fə ŋwàʼnɨ̀ ɨnû mɔʼɔ ɨ nən mbɨ ɨka fîŋ ɨmbə̀ʼ nɔɔrɨ mbə ɨtu, ɨmbə̀ʼ ɨ̀chɔ̀m we nɨ Ŋwìə̀ naʼ ɨ num

Rm 10:20

Aizayà nyaʼa berɨ fîŋ nɨ kǎ ɨchî nɨ wɨ̀ nyaʼa gha ni, “Bə̂d mbe nɨ chəi mbɨ nyaʼə kəb əmɨ fə zə əmɨ. Mə fə chwi mɨ ɨnyod əmbɨ ə bə̂d mbe nɨ chəi mbɨ nyaʼə biirɨ əmɨ.”

Ɨ̀fàʼì 8:32

Əsɨ Ə̀ŋwàʼnɨ̀ ə Ŋwiə̀ ze nɨ wɨ̀ nyaʼə foŋə yɨ ni: “Məd yɨ ɨghabɨ njɨ̀g nɨ mbɨ nɨŋ ɨ wo kyemɨ, bə̀ fɔrɨ ɨghabɨ ə wan njɨ̀g nɨ kəm rəziə ənɨ mbɨə serə nyôŋ rɨ məd, əne chəi wɨ̀ nyaʼa fiʼ i ɨchû.

Matìyò 21:5

“Mbə̀ gha əmbɨ bə̂d mbe nɨə chub ə Zayɔ̀n ni, mbə̀ zə, ə ɨfɔ̀n wɨə yeʼe ɨ nən! Wɨ̀ fə swi i ɨnyod, əne kɔʼ ə jàkas bə̀ kɔʼ wan jàkas.”

1 Kɔrèn 4:21

Mbə kɨə kəbə ni ye ə? Mbə̀ wa kə̀b yeʼ ni mə̀ yeʼe əsɨ nən mbɨ fɨŋgyeŋ, kɨ̀ ni mə̀ yeʼe mbɨ ɨghaʼi fɔrɨ əzwî ə bɔtɨ bɔtɨ ə?

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Fìlipì 4:5

Mbə̀ chwi əmbɨ wə̀d jìm ni mbə berɨ ɨbɔtɨ fîŋ. Ə̀nùŋɨ̀sɨg bɨrɨ zambɨ yeʼe.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

Filemɔ̀n 1:19

Àyɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂ ənɨ mɨ əbɔ, mə bɨrɨ wi ɨ ne. Kyerɨ ni à yim njɔ ɨ num ɨmbə̀ʼ ɨchî nɨ mə nyaʼa ghɨ ni à ben ə Kristo.