2 Kɔrèn 1:11 - Meta’

¹¹ ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

Ikan feg

¹¹ Wì biri chì awa icheg ne mbə ya chàʼrà Ŋwiye ina. Àze biri ghì gha bəd nɔʼ nɔʼ biri fɔti ichug ni chàʼra Ŋwiye ina. Ane, Bəd ndan ndàn biri se nàʼà məyakà abə Ŋwiye icheg ne wì zughi ìwɔb ichaʼri, ghì tì chùghi ane àbɔrɔ̀bɔd.

2 Kɔrèn 1:11 Referans Kwoze

Fìlipì 1:19

Mə wɨə ghaʼ ɨmbə̀ʼ ɨghəm nɨ mə̀ kyerɨ ni ənjìm ə̀kɔ̀ŋgɨ̀ ze nɨ mbən ə kɔ̀ŋgɨ̀ə̀ bə̀ fɔrɨ ənjìm ə̀wèèrɨ̀ ze nɨə nɔʼ rɨ əmbɨ Əzwî ə Yeso Kristo, Ŋwiə̀ bɨrɨ chɨ əmɨ rəŋgəʼ koŋ.

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

Ɨ̀fàʼì 12:5

Əne mbɨ nyaʼa nuŋ ə Pità ə nəb ndəŋ. Àyɨə ɨfetɨ bə̂d Kristo wɨə nyaʼə kɔ̀ŋgɨ̀ ə Ŋwiə̀ ɨgwɨ məd ənɨ tə fîŋ rɨjìm.

Kòlosè 4:3

Mbə̀ bə kɔŋgɨ ə Ŋwiə̀ ə ɨgwɨ na, ɨmbə̀ʼ wɨ̀ naʼ əpan ni tɨ̀ gha ɨnû mbe nɨ yeʼ ənə̀mə ɨmbə̀ʼ ə Kristo. À yɨ ɨnû mbe ghɨ ni mə̀ yeʼ ə nəb ndəŋ.

Mə̀Hibrù 13:18

Mbə̀ kɔŋgɨ ə Ŋwìə̀ ɨgwɨ na. Tɨ kàŋ kyerɨ ni ta fîŋ ə zeŋ. Tɨ wɨə bə̀ kəb ghɨ̀ ɨnû jìm ɨchî nɨ kuʼnɨ.

Filemɔ̀n 1:22

Ənû ə cherə yɨ ni, tekɨ ətu ə nəb ə bə̂d rɨ̀sɔ̀ʼɔ̀ ɨ num, ɨmbə̀ʼ ɨghəm nɨ mə wɨə wòmə̀ ni ənjìm ə̀kɔ̀ŋgɨ̀ ze nɨ mbə̀ə kɔ̀ŋgɨ̀ə̀, Ŋwiə̀ we tɨ wɨ̀ wɨrɨ nàʼ əmɨ ɨ nən.

2 Tès 3:1

Mba bɔŋgɔb, ɨ wo ɨmbì, mbə̀ kɔŋgɨ ə Ŋwiə̀ ɨgwɨ na ni ɨkə̂n chɔ̀m ɨmbə̀ʼ Ə̀nùŋɨ̀sɨg zambɨ kɨə jàŋə̀ wo ɨmbì, bə̂d zu benɨ bə̀ wumnɨ, àmei ɨchî nɨ mbə̀ nyaʼa zu benɨ bə̀ wumnɨ.

1 Tèsàlonikà 5:25

Mba bɔŋgɔb, mbə̀ kɔŋgɨ ə Ŋwiə̀ ɨgwɨ na.

2 Kɔrèn 9:14

Mbɨ bɨrɨ kɔŋgɨ ə Ŋwiə̀ ɨgwɨ nən mbɨ ɨghaʼi ɨŋga tə fîŋ ɨmbə̀ʼ chɔ̀m kyeŋ we nɨ Ŋwiə̀ ghɨ ənɨ ə nən.