Biblia Todo Logo
Bib sou entènèt

- Piblisite -




1 Timotì 6:17 - Meta’

17 À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

Gade chapit la Kopi

Ikan feg

17 Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

Gade chapit la Kopi




1 Timotì 6:17
62 Referans Kwoze  

Àyɨə məd ziə fə chwi ɨnweenɨ ni tə wɨ əŋgu ɨchî nɨ wɨə ghɨ̀ ɨ̀chɔ̀m ənɨ ə bə̂d. Ɨ wɨə ghɨ̀ ni mbə̀ŋ nɔ. Ɨ wɨə bə̀ ghɨ̀ ni mbə̀ berɨ tɨjɨg ənɨ ə nyùmə̀ we nɨ mbə̀ə kwəŋ ɨghɨ. Ɨ wɨə nàʼ ɨghɨjɨg ɨ nən. Ɨ wɨə bə̀ ghɨ̀ ni ɨghaʼi swi ɨŋga tə fîŋ.”


Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.


Yeso nyaʼa sɨ ghà əmbɨ mbi mə̀mə̀ə̀nɨ̀-ɨnû ni, “Mə ghà rəsìʼ ɨ nən ni zɨə bɨrɨ se əmbɨ wə̀d mbɔ̂n nɨ nyɨ ɨŋga ənû ɨfɔ̀n rɨkaŋ.


Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.


Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.


Mbaŋə̀ mɔʼɔ nyaʼə əŋgu nɨ ɨkum məd nyaʼə Sàkiò. Wɨ̀ yɨə nyaʼə ətu ɨgwɨ məfetɨ mɨ̀tagsɨ̀. Wɨ̀ yɨə nyaʼə bə̀ ə wə̀d mbɔ̂n.


Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.


ɨmbə̀ʼ ɨghəm nɨ Demàs fə waʼ əmɨ wo əwi ə Tèsàlonikà. Wɨ̀ fə wò əŋgu ɨmbə̀ʼ ɨghəm nɨ wɨ̀ ghaʼ ɨnû rɨŋga ɨsɨg wɔ̂. Kresèn fə wò ə Gàlesià. Taitùs fə bə̀ wò ə Dalmatià.


Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,


Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.


ɨmbə̀ʼ ɨghəm nɨ bə̂d mbe nɨ yeʼ ɨŋga ɨba ɨbeŋ mbe fə ghà mbənə mbənə ɨmbə̀ʼ ɨkwɨ ɨchî nɨ mbə̀ nyaʼa nɨŋ əwa əkaʼ nən. Mbɨ fə bə̀ ghà ɨmbə̀ʼ ɨchî nɨ mbə̀ nyaʼa ton ənû nɨ wumnɨ mbɨ̀anèŋ sɨ bèŋ kɔ wumnɨ ə Ŋwiə̀ we nɨ yeʼ ɨka bə̀ yeʼ wɨ rəsìʼ.


Mbə kyerɨ ni chəi wə̀d we nɨə ni əyi kɨ̀ mbaŋə̀ əbəŋ əbəŋ, kɨ̀ we nɨə nyɔɔnɨə, kɨ̀ we nɨə feenɨ ɨghɨ bə̂d (əne yɨə wə̀d nɨə wumnɨə mbɨ̀anèŋ) berɨ əghɨ ə mɔʼɔ nɨ wɨ̀ bɨrɨ jɨg ɨŋga ənû ɨfɔ̀n ə Kristo mbɨ ə Ŋwiə̀.


kɨ̀ ni à yɨə bə̂d mɨ̀sɔŋɨchù ə nàʼ ɨghɨ ɨ bɔ, ɨghabɨ ni məd ə kwaŋ əghɨ ə mɔʼɔ. Àyɨə məd ziə ə nàʼ ɨ̀tènɨ̀ bə̀ nàʼ əzwî bə̀ nàʼ ɨghɨjìm əmbɨ ə bə̂d mɨ̀jìm.


Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.


Mə̀mə̀ə̀nɨ̀-ɨnû mbe nyaʼa zu ɨŋgam we, yiirɨ kwàʼ rɨŋgəʼ. Àyɨə Yeso nyaʼa yì ghà əmbɨ mɨ̀mə̌d ni, “Bɔn, zɨə kàŋ seə nɨ nyɨ ɨŋga ənû ɨfɔ̀n ə Ŋwiə̀!


À nyaʼa ɨkwirɨ kwirɨ, wə̀d mbɔ̂n mɔʼɔ rɨ ə Àrɨmateà nyaʼa yeʼe. Ɨkum məd yɨə nyaʼə Jòsêf. Wɨ̀ yɨə nyaʼə bə̀ wɨ mɔʼɔ rəbɔʼ mə̀mə̀ə̀nɨ̀-ɨnû Yeso.


Bə̂d mbe nɨ kaʼi mɨ̀Jû mbɨə kə̀b ɨghɨ mbɔ̂ jìm. Ə Mbǎʼ rɨkaŋ ə bə̀ kyerɨ ni mbə kə̀b ɨghɨ mbɔ̂ jìm.


Ŋwìə̀ nyaʼa che ənjìm ə Yeso Kristo nɨə chɨ̀ əwa rəŋgəʼ əne naʼ Əzwî ə Zeŋɨ ze ɨ na ə̀bù-ə̀bù.


Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.


à mɨ yeʼ nɨ mə̀ tanɨ, à we tɨ à kyerɨ ɨchî nɨ tɨ̀ bə̂d ghɨ̀ ɨnû ɨŋga ɨfetɨ bə̂d Ŋwiə̀, nɨ yeʼ ɨfetɨ Ŋwìə̀ we nɨ yeʼ ɨkǎ. Bə̂d Ŋwiə̀ mbɔ̂ mbɨə yimə rəsìʼ we nɨ yeʼ ɨŋga ɨkə̂n chɔ̀m àmei ɨchî nɨ təʼ mbɨ əchɨ ə yimə nəb.


Ŋwìə̀ bɨrɨ waʼ ɨnû rɨbɔ̀ŋ wə̀d mɔʼɔ we nɨ gha ɨŋgam rɨbɔ̀ŋ ɨmbə̀ʼ ə Wan Wə̀d, àyɨə chəi wɨ̀ bɨrɨ waʼ mbɨ wə̀d we nɨ gha ɨŋgam rɨbɔ̀ŋ ɨmbə̀ʼ Əzwî ə Ŋwiə̀, kɨ̀ à kɨ ɨŋga ɨsɨg wɔ̂, kɨ̀ ɨŋga ɨsɨg we nɨ bɨrɨ yeʼe.


Wɨ̀ nyaʼa wììrɨ̀ əmbɨ mɨ̀mə̌d ni, “Wə̀d we nɨ berɨ ngywɨ̌ rɨ̀be naʼ zɨ fìbɨ̀ əmbɨ we nɨ chəi wɨ̀ berɨ. We nɨ berɨ ɨghɨjɨg bə̀ ghɨ̀ əndəŋ əndəŋ.”


Àyɨə bə̂d mbe nɨə kəb berɨ ɨkab bɨrɨ nyɨ ɨŋga ə̀kwàʼnɨ̀ əne feŋ ɨŋga ətam ze nɨ bɨrɨ ghɨ ni mbɨ ghɨ ɨnû ɨneŋ nɔnɔʼ bə̀ ghɨ̀ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨnû rɨbɔ̀ŋ rəŋgu mbe tɨ mbɨ chəkɨ mɨ̀mə̌d bə̀ nimnɨ mɨ̀mə̌d,


Əne Ŋwìə̀ bɨrɨ naʼ ɨka jìm ɨ nən nɨ nyɨ ɨŋga ənû ɨfɔ̀n rɨ mì a Ə̀nùŋɨ̀sɨg Yeso Kristo we nɨə chɨ̀ əwa rəŋgəʼ.


Wə̀d ə̀fàʼì we nɨ nyaʼa nɨŋ ɨ̀bàm ɨkab gôl tân nyaʼa wò ghɨ̀ ɨwin, jɨg njìm ɨ̀bàm cherə tân.


Swiv nou:

Piblisite


Piblisite