1 Timotì 5:14 - Meta’

¹⁴ Əne mə wɨə kəərɨə mɨku əyi mbe nɨ chəi mbɨ kɨrɨ nunə ni mbɨ wɨrɨ nam, gywɨ bɔn, nəŋgɨ bə̂d mbe nɨ yeʼ ɨŋga nəb tɨ mɨ̀mə̌d, ɨmbə̀ʼ tɨ bə̂d pə̀n berɨ ə əpan nɨ gha ɨnû rɨbɔ̀ŋ ɨgwɨ na,

Ikan feg

¹⁴ Ane, mə we nàʼà ikə abə məku àyi mbe ne chəyi mbi kiri nṵ gha, mbe ywiri nam, gwi bɔn, kyèʼì bəd mbe ne yaʼi inga nəb tì inɔb. Mbe ghiyə ane ni gha imbə̀ʼ bəd ìpàb nɔ̀ʼ bèrì apan ni ghà inug tibɔ̀ŋ igun ina.

1 Timotì 5:14 Referans Kwoze

Tayitùs 2:5

ni mbɨ yimbɨ ə ɨnyod chub àmei mbɨ mbə mɨnom, ni mbɨ kyerɨ ɨchî nɨ nuŋ tə nəb, ni mbɨ ghɨ ɨ̀chɔ̀m, ni mbɨ zuunɨ mbə mɨnom. Mbɨ mɨ ghɨ̀ əne, chəi bə̂d bɨrɨ gha ɨnû rɨbɔ̀ŋ ɨmbə̀ʼ ɨŋgam Ŋwiə̀.

1 Timotì 6:1

Bə̂d Kristo mɨ̀jìm mbe nɨ yeʼ ɨ̀bòʼò berɨ naʼ ɨwumnɨ əmbɨ mbə mɨ̀mbǎʼ ə̀fàʼì ənɨ rɨkwɨ ɨnə̂njɨ̀ jìm, ɨmbə̀ʼ tɨ bə̂d mbe nɨ chəi mbɨ ben ə Kristo gha ə ɨnû rɨbɔ̀ŋ mɔʼɔ ɨmbə̀ʼ ə Ŋwiə̀ fɔrɨ ɨmbə̀ʼ ɨkə̂n chɔ̀m we nɨ tɨə ghàə̀.

Tayitùs 2:8

Gha àmei ɨŋgam nɨ kuʼnɨ nɨ chəi ənɨ tɨ̀ wə̀d zə ənû rɨbɔ̀ŋ ɨŋga. À mɨ ghɨ̀ əne, tɨ̀nìd ətu bɨrɨ yim mbe bə̂d pə̀n, ɨmbə̀ʼ ɨghəm nɨ chəi mbɨ zə ənû rɨbɔ̀ŋ nɨ tɨ̀ mbɨ gha ɨmbə̀ʼ əwa.

1 Timotì 4:3

Ɨ mbɨə tonə ni tɨ bə̂d nam ə mbɨ ni tɨ mbɨ jɨg ə tɨkwɨrɨ ɨghɨjɨg mɔʼɔ. Ŋwiə̀ nyaʼa tekɨ rɨjɨg tɔ̂ ni bə̂d mbe nɨ ben əməd bə̀ kyerɨ rəsìʼ naʼ məben-əwe ɨ bɔ jɨg.

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

1 Timotì 5:11

Tɨrə̀ ŋwaʼnɨ e rɨkum mɨku əyi mbe nɨ chəi mbɨ kɨrɨ pè ɨghəm ɨwu ɨwum rɨ̀fuə, ɨmbə̀ʼ ɨghəm nɨ ɨnû mbe nɨ nyamnyod tɨ mɨ̀mə̌d ə feenɨə bɨrɨ ghɨ̀ ni mbɨ kəb nɨ wɨrɨ nam, əne waʼ ənû nɨ faʼ əmbɨ Kristo.

1 Timotì 2:8

Mə kə̀b ni ɨsɨ jìm mbe nɨ bə̂d fetɨ əŋgu ɨ wumnɨ ə Ŋwiə̀, mbaŋə̀ te nɨ zeŋɨ nɔɔrɨ ɨbɔ kɔŋgɨ ə Ŋwiə̀. Mbɨ berɨ ghɨ əne nɨ chəi mbɨə sə ɨtəm bə̀ fɔrɨ ənɨ chəi mbɨə tàŋə̀.

2 Kɔrèn 11:12

Mə bɨrɨ wo ɨmbì ghɨ ənû ze nɨ mɨə ghɨ̀ə̀, ɨmbə̀ʼ chɨ ətən rɨ ɨnyɨ bə̂d mbe nɨə ghàə̀ nɨ mbə mbɨ əndəŋ əndəŋ mbɨ na ənɨ ɨnû mbe nɨ mbɨə goŋ ɨgɔ̂ ɨmbə̀ʼ mbɨwən.

Rm 14:13

Tɨ tɨrə̀ bə̀ saʼ a mba bɔŋgɔb, àyɨə tɨ̀ nuŋ ɨŋga ta fîŋ ni chəi tɨ̀ bɨrɨ nuŋ əghɨ nɨ tɨ̀ wə̀d tɨgrɨ ɨgun, kɨ̀ əghɨ nɨ tɨ̀ zɨə kən ɨnə̂njɨ̀ əmbɨ wa aŋgɔb.