1 Timotì 3:11 - Meta’

¹¹ Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

Ikan feg

¹¹ À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

1 Timotì 3:11 Referans Kwoze

Tayitùs 2:3

Əndəŋ əndəŋ, bə ghà əmbɨ məyi mbe nɨ fə kaanɨ ni mbɨ chub ɨzeŋɨ zeŋɨ. Tɨ mbɨ chəkɨ ə tɨkum bə̂d kɨ̀ bè ben ə̀bòʼò əmbɨ mɨnoʼ. Mbɨ berɨ yeʼ məyi nɨə chwi ɨnû chɔ̀m,

Tayitùs 3:2

Tɨ mbɨ gha ə ənû rɨbɔ̀ŋ ɨgwɨ ə wə̀d. Mbɨ chub ənɨ əbɔrəbɔd, ghɨ̀ ɨ̀chɔ̀m bə̀ chwi ɨbɔtɨ fîŋ ənɨ wə̀d jìm.

1 Timotì 3:2

Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

2 Timotì 3:3

Chəi mbɨ bɨrɨ neŋ bə̂d ni mbɨ yɨə bə̂d. Chəi mbɨ bɨrɨ diirɨ bə̂d. Mə bɨrɨ sɨə chə̀kɨ̀ rɨkum bə̂d cherə. Chəi mbɨ bɨrɨ yimbɨ ɨnyod. Mbɨ bɨrɨ sɨə tɔə. Mbɨ bɨrɨ ban ɨnû chɔ̀m.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

1 Timotì 6:2

Tɨ ɨ̀bòʼò mbe nɨ berɨ mɨ̀mbǎʼ ə̀fàʼì nɨ ben ə Kristo təənɨ ə mɨ̀mbǎʼ ə̀fàʼì mbe ɨmbə̀ʼ ɨghəm nɨ mɨ̀mə̌d mɨjìm yeʼ bə̂d Kristo. Àyɨə mbɨ berɨ faʼ əmbɨ mɨ̀mə̌d kwàʼ ɨchî chɔ̀m, chè ɨchî nɨ tɨ mbɨ faʼ əmbɨ mɨ̀mbǎʼ mbe nɨ chəi mbɨ ben ə Kristo. Mbɨ berɨ ghɨ əne ɨmbə̀ʼ ɨghəm nɨ bə̂d mbe nɨ bɨrɨ jɨg njìm tɨ ənɨ ə̀fàʼì ze yɨə bə̂d nɨ ben ə Kristo nɨ bə̀ yeʼ mbe nɨ mbɨ ghaʼi kwàʼ rɨŋgəʼ. À berɨ chwi ɨnû mbɔ̂ bə̀ zə ni bə̂d Kristo beenɨ əbɔʼ.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

Jn 6:70

Yeso nyaʼa wììrɨ̀ əmbɨ mɨ̀mə̌d ni, “Ɨmbə̀ʼ mə nyaʼa chɔʼ əwən mbə̀n mbɔ̂ wum chɔ̀b rɨ̀be ə? Àyɨə wɨ fibɨ̀ rəbɔʼ nən yɨə debɨ̀rə̀.”

Matìyò 4:1

Ənɨ gɨ̂ ze nyaʼa fə ghamɨ màànɨ̀, Əzwî ə Ŋwiə̀ ə nyaʼa ghɨ̀ ni Yeso wò ɨŋga ɨbad rɨkwàʼi ɨmbə̀ʼ ə Debɨ̀rə̀ numbɨ əməd əŋgu.

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,