1 Timotì 1:2 - Meta’

² Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

Ikan feg

² Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

1 Timotì 1:2 Referans Kwoze

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

2 Timotì 1:2

Mə wɨə ŋwàʼnɨ̀ ɨ ne, àwɔ̀ Timotì, nɨ yeʼ mɨ wan nɨ mə̀ ghaʼi kwàʼ rɨŋgəʼ. Ŋwìə̀ Mbǎʼ mbɨ ə Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

2 Timotì 2:1

À yeʼ ɨmbə̀ʼ əwe, àwɔ̀ Timotì mɨ wan, à berɨ təm kaanɨ ɨŋga ɨ̀chɔ̀m we nɨ Ŋwiə̀ ghɨ ənɨ ə na ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

1 Timotì 1:18

Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

Gàlesìyà 1:3

Ŋwìə̀ Mbǎʼ mbɨ a Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

1 Timotì 1:12

Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

Tayitùs 2:2

Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

Tayitùs 3:15

Bə̂d mɨjìm mbe nɨ yeʼ əgha mbɨ num chàʼrɨ̀ əwe. Bə chàʼrɨ̀ bə̂d Kristo mɨ̀jìm mbe nɨ ghaʼ əwa. Ŋwìə̀ ghɨ ɨ̀chɔ̀m ənɨ mbə̀n mɨjìm.

2 Jɔn 1:3

Ŋwìə̀ Mbǎʼ mbɨ Yeso Kristo, Wan Mbǎʼ, ghɨ ɨ̀chɔ̀m ənɨ ə nən, dììrɨ̀ əwən bə̀ nàʼ əbɔrəbɔd ɨ nən. Ɨnû mbɔ̂ bɨrɨ yeʼ mba ɨchî nɨ tɨ̀ kyerɨ rəsìʼ fɔrɨ ɨmbə̀ʼ ɨchî nɨ tɨ̀ ghaʼ əwa mbǎ mbǎ.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.

Jûd 1:2

Ŋwìə̀ diirɨ əwən, naʼ əbɔrəbɔd ɨ nən bə̀ ghɨ̀ ni ɨghaʼi swi ɨŋga tə fîŋ.