1 Pità 4:8 - Meta’

⁸ Ənû nɨ chè ɨnû jìm yɨ ni mbə̀ ghaʼ ə ɨnyod mbənə mbənə kwàʼ rɨŋga fîŋ, ɨmbə̀ʼ ɨghəm nɨ ɨghaʼi wɨə kubrɨ ɨnû rɨbɔ̀ŋ nɔnɔʼ.

Ikan feg

⁸ Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

1 Pità 4:8 Referans Kwoze

Kòlosè 3:14

Ɨgwɨ ɨnû mbɔ̂ jìm yɨ ɨghaʼi. Ɨghaʼi yɨ əghɨ nɨə korə bə̂d mɨjìm ni mbɨ yeʼ ənɨ mbɨ mɔʼ.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Jems 5:20

wɨ̀ kyerɨ ni wə̀d we nɨ wɨrɨ nɨŋ wə̀d nɨ ghɨ̀ ɨnû rɨbɔ̀ŋ tɨ ənɨ ɨchî nɨ wɨ̀ febə, bɨrɨ chɨ ɨ̀tènɨ̀ wə̀d we nɨə ghɨ̀ ɨnû rɨbɔ̀ŋ rɨ ɨchû ɨvɨ, əne ghɨ̀ Ŋwìə̀ waʼ ɨnû rɨbɔ̀ŋ nɔnɔʼ mbe nɨ wɨ̀ nyaʼə ghɨ̀ə̀.

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

1 Tèsàlonikà 3:12

Ə̀nùŋɨ̀sɨg ghɨ ni ɨghaʼi we nɨ yeʼ əkaʼ nən bə̀ fɔrɨ əkaʼ bə̂d mɨ̀jìm swi gwèə̀, àmei ɨchî nɨ wa bə̀ swi ɨgwɨ nən gwèə̀.

Mə̀Hibrù 13:1

Mbə̀ che ɨmbì ghaʼ əwən mbənə mbənə ɨchî nɨ bɔŋgɔb ə ghaʼ ə ɨnyod.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

3 Jɔn 1:2

Wum aŋgɔb nɨ mə̀ ghaʼi kwàʼ rɨŋgəʼ, mə wɨə kɔ̀ŋgɨ̀ ə Ŋwiə̀ ni ɨnû jìm yen mbɨ ne kwàʼ ɨchî chɔ̀m. Mə wɨə bə̀ kɔ̀ŋgɨ̀ə̀ ni e ɨnyod kaanə ɨchî nɨ e fîŋ bə̀ kàànɨ̀.

Jems 5:12

Mbɨ bɔŋgɔb, ənû nɨ che ɨnû jìm yɨ ni tɨ mbə̀ kan ə, kɨ̀ à kɨ ənɨ ɨkaŋ, kɨ̀ à kɨ ənɨ ə si, kɨ̀ ənɨ əghɨ ə cherə nɨ tɨ̀ bə̂d kàn ɨgun. Mbə mɨ ben ənû ə mɔʼɔ, mbə̀ gha àmei ni, “Ee”. Mbə mɨ ton ənû ə mɔʼɔ, mbə̀ gha àmei ni, “Chə̂.” Mbə̀ ghɨ àmei əne ɨmbə̀ʼ tɨ Ŋwìə̀ zɨ i ɨsaʼi ɨgwɨ nən.

1 Kɔrèn 13:4

Ɨghaʼi wɨə ghɨ̀ ni wə̀d yim fîŋ. Ɨ wɨə bə̀ ghɨ̀ ni wə̀d ghɨ ɨ̀chɔ̀m. Ka ɨghaʼi wɨə ghɨ̀ i ni wə̀d ghɨ ə̀dìì, kɨ̀ ni wə̀d goŋ ɨgɔ̂, kɨ̀ ni wə̀d nɔ ɨnyod.