1 Pità 3:11 - Meta’

¹¹ Wɨ̀ berɨ waʼ ɨnû rɨbɔ̀ŋ əne bèŋ sɨə ghɨ̀ yeʼ ɨnû chɔ̀m. Wɨ̀ berɨ kywɨ ənywɨ ɨmbə̀ʼ chub ənɨ əbɔrəbɔd mbɨ wə̀d jìm.

Ikan feg

¹¹ Tengàŋ mənyìʼ to̰ inug tìbɔŋ, se fàʼà inug chɔm. Wì mənyìʼ ya kìrə ika ni chughi ane àbɔrɔ̀bɔd tì wə̀d ijìm.

1 Pità 3:11 Referans Kwoze

Matìyò 5:9

Ŋwìə̀ zɨ əbɔrəbɔd ɨgun ə bə̂d mbe nɨə ghɨ̀ ni bə̂d chub ənɨ əbɔrəbɔd, ɨmbə̀ʼ ɨghəm nɨ wɨ̀ bɨrɨ tɔŋ mɨ̀mə̌d ənɨ mbi bɔn.

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 12:18

Ɨchî mɨ chwiə, mbə̀ ghɨ ɨnû jìm ənɨ əzən əbà ɨ zə ni mbə̀ chub ənɨ əbɔrəbɔd mbɨ ə wə̀d jìm.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.

Jems 4:17

Əne wə̀d we nɨ kyerɨ ənû nɨ kuʼnɨ nɨ tɨ̀ wɨ̀ ghɨ̀, àyɨə chəi wɨ̀ ghɨ̌, fə ghɨ̀ gù ənû.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

1 Timotì 6:18

Gha əmbɨ mɨ̀mə̌d ni mbɨ ghɨ̀ tɨkwɨrɨ chɔ̀m jìm bə̀ ghà ni mbɨ saŋnɨ mbɨ ni mbɨ naʼ ɨghɨ əmbɨ ə bə̂d mbe nɨ kwaŋ ɨghɨ.

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Rm 8:6

Wə̀d mɨ nuŋ fîŋ ɨgwɨ ɨghɨ mbe nɨ nyamnyod ə feenɨə, wɨ̀ bɨrɨ kwɨ, àyɨə wɨ̀ mɨ nuŋ fîŋ yeʼ ɨgwɨ ɨghɨ mbe nɨ Əzwî ə nàʼə̀, wɨ̀ bɨrɨ jɨg ɨ̀tènɨ̀ bə̀ chub ənɨ əbɔrəbɔd.

Rm 7:21

Əne mə fə zə ni ɨkə mɔʼɔ wɨ əŋgu ni mə mɨ kə̀b ghɨ ɨ̀chɔ̀m, à yɨ ɨbə ə yeʼe.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Jn 17:15

Chəi mə̀ gha ni à chɨ mɨ̀mə̌d rɨŋga ɨsɨg. Mə ghà yeʼ ni à kən mɨ̀mə̌d tɨ əmbɨ ə wə̀d rɨ̀bɔ̀ŋ.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Matìyò 5:45

ɨmbə̀ʼ mbə̀ yeʼ bɔn ə Mbǎʼ we nɨ yeʼ ɨkaŋ. Mbə̀ ghɨ əne ɨmbə̀ʼ ɨghəm nɨ məd wɨə ghɨ̀ə̀ ni nyùmə̀ te ɨgwɨ ə bə̂d rɨbɔ̀ŋ bə̀ fɔrɨ ɨgwɨ ə bə̂d chɔ̀m. Ɨ wɨə ghɨ̀ə̀ ni mbə̀ŋ nɔ ɨgwɨ ə bə̂d mbe nɨə ghɨ̀ ɨnû nɨ kuʼnɨ bə̀ fɔrɨ ɨgwɨ mbe nɨ chəi mbɨə ghɨ̀ ɨnû nɨ kuʼnɨ.

Rm 7:19

Chəi mɨə ghɨ̀ ɨ̀chɔ̀m we nɨ mə kə̀b nɨ ghɨ̀, àyɨə ɨbə we nɨ chəi mə̀ kəb nɨ ghɨ̀ yɨ wɨwən we nɨ mɨə ghɨ̀ə̀.

Lk 6:35

Àyɨə mbə ghaʼ mbə bə̂d pə̀n bə̀ ghɨ̀ ɨ̀chɔ̀m ənɨ mɨ̀mə̌d. Mbə̀ bə chɔʼ ɨkab nàʼ əmbɨ bə̂d mbe nɨ chəi mbɨə wòmə̀ ni mbɨ bɨrɨ wi ɨ nən. Mbə mɨ ghɨ̀ əne, mbə bɨrɨ berɨ ɨchɔʼ ə̀fàʼì kyeŋ bə̀ yeʼ bɔn Ə̀chè-ɨsɨg, ɨmbə̀ʼ ɨghəm nɨ məd wɨə ghɨ̀ ɨ̀chɔ̀m ənɨ ə bə̂d mbe nɨ chəi mbɨə nàʼ məben-əwe ɨ bɔ. Ɨ wɨə bə̀ ghɨ̀ ɨ̀chɔ̀m ənɨ mbe nɨə ghɨ̀ ɨzɨg.

Lk 6:9

Əne Yeso nyaʼa ghà əmbɨ mɨ̀mə̌d ni, “Mə wɨə biirɨ ɨ nən ni tɨkə ə wa chwiə ni tɨ̀ ghɨ̀ ɨ̀chɔ̀m əni əkwɨ, kɨ̀ ni tɨ̀ ghɨ ɨbə ə? Tɨ wa chwiə ni tɨ̀ chɨ wə̀d rəŋgəʼ, kɨ̀ ni tɨ̀ nimnɨ wə̀d ə?”

Lk 1:79

ɨmbə̀ʼ nàʼ ɨzeŋɨ zeŋɨ əmbɨ ə bə̂d mbe nɨ yeʼ ɨŋga ɨsɨ firɨ fɔrɨ əmbɨ mbe nɨə bɔ ɨvɨ, bə̀ nəŋgɨ əwa ɨmbə̀ʼ tɨ̀ chub ənɨ əbɔrəbɔd.”

Mk 14:7

Bə̂d ɨkwaŋ mbɨ əkaʼ nən ɨghəm jìm, əne mbə mbe tɨ̀ mbə ghɨ ɨ̀chɔ̀m ənɨ mɨ̀mə̌d ənɨ ə nyùmə̀ we nɨ mbə̀ ghaʼi, àyɨə chəi əmɨ mbɨ nən ɨghəm jìm.

1 Pità 3:12

Əghə Ə̀nùŋɨ̀sɨg ə zɨ ɨgun ə bə̂d nɨə ghɨ̀ ɨnû chɔ̀m. Ɨ̀tǒŋ məd mbɨ əjə nɨ zu ə̀kɔ̀ŋgɨ̀ mɨ̀mə̌d. Àyɨə chəi wɨ̀ ghaʼ bə̂d mbe nɨə ghɨ̀ ɨnû rɨbɔ̀ŋ.”