1 Jɔn 4:15 - Meta’

¹⁵ Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

Ikan feg

¹⁵ Wə̀d ne bḛ gha Yeso ya Ŋwan Ŋwiye, Ŋwiye biri yaʼ ane ifɔti tì məd, məd bə̀ yaʼ ane ifɔti tì Ŋwiye.

1 Jɔn 4:15 Referans Kwoze

1 Jɔn 5:5

À kɨə we nɨ tɨ̀ wɨ̀ baŋ ɨsɨg ə? Àmei wə̀d we nɨ ben ni Yeso yɨə Wan Ŋwìə̀.

Rm 10:9

À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Matìyò 10:32

“Wə̀d jìm we nɨ ben ɨfě bə̂d ni tə kyerɨ əmɨ, mə bɨrɨ bɨ ben ɨfě mɨ Mbǎʼ we nɨ yeʼ ɨkaŋ ni mə kyerɨ əməd.

1 Jɔn 4:2

Ɨchî nɨ mbə̀ bɨrɨ kyerɨ wə̀d we nɨ Əzwî ə Ŋwìə̀ ə yeʼ ɨŋga məd yɨ ni: Wə̀d jìm we nɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù, Əzwî ə Ŋwiə̀ ə zɨ ɨŋga məd.

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

1 Jɔn 4:12

Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

Lk 12:8

“Mə ghà ɨ nən ni, wə̀d jìm we nɨ ben ɨfě bə̂d ni tə kyerɨ əmɨ, Wan Wə̀d bɨrɨ bɨ ben ɨfě mbɨ̀aŋgɨrə̀ Ŋwiə̀ ni tə kyerɨ əməd.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

Jn 6:56

Wə̀d jìm we nɨ kud mɨ nyamnyod bə̀ nɔ mɨ ənəm wɨ ənɨ ənû ə mɔʼ mbɨ num, mə wɨə bə̀ ənɨ ənû ə mɔʼ mbɨ məd.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 2:24

Ɨnû mbe nɨ mbə̀ nyaʼa zu tɨ ənɨ mbə̀ nyaʼa ben ə Kristo, mbə̀ nuŋ ɨŋga tə fîŋ. Mbə mɨ nùŋ ɨnû mbe, mbə bɨrɨ yeʼ ənɨ ɨfɔtɨ mbɨ ə Wan fɔrɨ mbɨ ə Mbǎʼ.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.

Ɨ̀fàʼì 8:37

Filip nyaʼa ghà ni, “À mɨ ben ə Yeso Kristo ənɨ e fîŋ jìm, mə we tɨ̀ mə nàʼ mɨnib ɨ ne.” Wə̀d kyeŋ we nyaʼa wììrɨ̀ ni, “Mə ben ni Yeso Kristo yɨə Wan Ŋwìə̀.”]