1 Jɔn 3:11 - Meta’

¹¹ Ɨkə̂n we nɨ mbə̀ nyaʼa kɔ zu tɨ ənɨ mbə̀ nyaʼa ben ə Kristo yɨ ni: tɨ̀ berɨ ghaʼ a ɨnyod mbǎ mbǎ.

Ikan feg

¹¹ Ikən we ne mbə̀ ya zughi kwàʼ ane nyumə̀ ne mbə̀ ya bḛ Yeso Kristo ya gha; tì ya kɔ̀ŋɔ̀ mə̀mbin.

1 Jɔn 3:11 Referans Kwoze

Jn 15:12

“Mɨ ɨkə we nɨ mə̀ naʼ ɨ nən yɨ ni, mbə ghaʼ mbə bɔŋgɔb ɨchî nɨ mə bə̀ ghaʼ əwən.

2 Jɔn 1:5

Tɨ̀nîn mə wɨə buʼ ɨbɔ ɨ ne, kyɨ àwɔ̀ Əyi Kyeŋ, ni kaʼ ɨkə wɔ̂ nɨ mɨə ŋwàʼnɨ̀ ɨ ne yɨ i ɨkə fi. À yɨ ɨkə nɨ tɨ̀ nyaʼa fə kyerɨ tɨ ənɨ tɨ̀ nyaʼa ben ə Kristo. Ɨkə rəŋgu yɨ ni tɨ̀ ghaʼ əwa mbǎ mbǎ.

1 Jɔn 4:7

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ wo ɨmbì nɨ ghaʼ mba bɔŋgɔb, ɨmbə̀ʼ ɨghəm nɨ à yɨə Ŋwìə̀ ə ghɨ̀ə̀ ni bə̂d ghaʼ mbə bɔŋgɔb. Wə̀d we nɨ ghaʼ mbi bɔŋgɔb yɨə wə̀d Ŋwìə̀, əne məd ə kyerɨ ə Ŋwìə̀.

1 Jɔn 4:21

Ɨkə we nɨ Ŋwìə̀ fə naʼ ɨ na yɨ ni, wə̀d we nɨ ghaʼ əməd berɨ bɨ ghaʼ wi aŋgɔb.

1 Pità 4:8

Ənû nɨ chè ɨnû jìm yɨ ni mbə̀ ghaʼ ə ɨnyod mbənə mbənə kwàʼ rɨŋga fîŋ, ɨmbə̀ʼ ɨghəm nɨ ɨghaʼi wɨə kubrɨ ɨnû rɨbɔ̀ŋ nɔnɔʼ.

1 Pità 3:8

Ɨ nwìə̀, mbə̀n mɨjìm berɨ chub ənɨ ənû ə mɔʼ. Mbə̀ kən ənɨ mbə bɔŋgɔb, ghaʼ mbə bɔŋgɔb, ghɨ̀ ɨ̀chɔ̀m ənɨ bɔŋgɔb bə̀ swi ə ɨnyod ənɨ mbə̀ yeʼ əkaʼ bɔŋgɔb.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

1 Jɔn 1:5

Ɨkə̂n we nɨ tɨ̀ nyaʼa zu rɨ əmbɨ ə Wan Ŋwìə̀, nɨ tɨə bə̀ ghà ɨ nən yɨ ni, Ŋwiə̀ yɨ ɨzeŋɨ zeŋɨ, fɔrɨ ni chəi ɨsɨ firɨ berɨ ənû ə mɔʼɔ nɨ ghɨ̀ mbɨ məd.

1 Tèsàlonikà 4:9

Tɨ̀nîn chəi tɨ̀ berɨ əton nɨ wɨrɨ ŋwaʼnɨ ɨ nən ɨmbə̀ʼ ɨchî nɨ mbə̀ berɨ ghaʼ mbə bɔŋgɔb. Ŋwìə̀ ziə fə chwi ɨ nən ni mbə̀ ghaʼ bɔŋgɔb.

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

Jn 13:4

Əne wɨ̀ nyaʼa nɔ̀ʼ rɨ ənɨ wɨ̀ nyaʼə jɨgə, chɨ i ngywɨ̌ maʼi nùŋ, əne nɨŋ ə tawòrə̀ kod ənɨ i ɨkyerɨ.

1 Jɔn 4:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, wɔ̂ mɨ yeʼ ɨchî nɨ Ŋwìə̀ ghaʼ əwa, njɨ tɨ̀ berɨ bɨ ghaʼ a ɨnyod mbǎ mbǎ.