1 Kɔrèn 9:19 - Meta’

¹⁹ Ka à bè yeʼi ni mə wɨ ənɨ mɨ ɨghəm, nɨ chəi mə̀ ben ə̀bòʼò əmbɨ wə̀d mɔʼɔ, àyɨə mə fə ben ə̀bòʼò əmbɨ wə̀d jìm ɨmbə̀ʼ mə̀ ghɨ ni bə̂d mɨ̀nɔnɔʼ ben ə Kristo.

Ikan feg

¹⁹ Ka mə yaʼ amə ane ìmə ighəm, ne mo kayi àbòʼì abə wə̀d mɔ̀ʼɔ, mə fə niŋ ìmə nyɔd ane àbòʼì abə bəd məjìm ni ghì gha bəd nɔʼ nɔʼ bḛ Kristo.

1 Kɔrèn 9:19 Referans Kwoze

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

Matìyò 18:15

“We aŋgɔb mɨ ghɨ ənû rɨbɔ̀ŋ ənɨ ə ne, ndə̀ wo ghà ɨgu-ənû məd ɨ bɔ, àmei mbə̀n mbe mɨ̀be. Wɨ̀ mɨ zu ənû ze nɨ àwɔ̀ ə ghàə̀, əne à fə wɨrɨ nɨŋ əməd rəbɔʼɔ.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

1 Timotì 4:16

We əwe ɨmbə̀ʼ e nyamnyod bə̀ we əwe ɨmbə̀ʼ ɨnû mbe nɨ àwɔ̀ ə chwiə. Yim ɨnû mbe nɨ mə̀ gha ɨ ne ɨmbə̀ʼ ɨghəm nɨ à mɨ ghɨ̀ əne, àwɔ̀ mbɨ ə bə̂d mbe nɨə zu ɨnû mbe nɨ àwɔ̀ ə ghàə̀ bɨrɨ jwɨ̀ rəŋgəʼ.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Rm 15:2

Wə̀d mɔʼ mɔʼ rəbɔʼ na zə ni fîŋ aŋgɔb məd bɔŋ ɨmbə̀ʼ wɨ̀ chub ɨchî chɔ̀m. Wɨ̀ bə̀ ghɨ̀ ni ɨbenɨ məd kaanə.

1 Pità 3:1

À yɨ əndəŋ əndəŋ ni mbə̀n məyi berɨ zuunɨ mbə mɨnom, ɨmbə̀ʼ à mɨ yeʼ nɨ chəi wɨ mɔʼɔ rəbɔʼ mɨ̀mə̌d kɨrɨ ben ɨŋgam Ŋwiə̀, məyi mɨ̀mə̌d mbe tɨ mbɨ beŋ mɨ̀mə̌d ənɨ tə rɨghɨrɨ-ɨnû, nɨ chəi mbɨ gha ənû ə mɔʼɔ.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

Rm 1:14

Mə yɨə wə̀d njɔ̌ əmbɨ ə bə̂d mbe nɨ kyerɨ ənû fɔrɨ əmbɨ mbe nɨ chəi mbɨ kyerɨ ənû. Mə yɨə bə̀ wə̀d njɔ əmbɨ ə bə̂d ɨwe bə̀ fɔrɨ əmbɨ ɨneŋ.

Gàlesìyà 5:1

Kristo fə chɨ̀ əwa rɨ əton ə̀bòʼò, ɨmbə̀ʼ tɨ rɨ̀ wɨrɨ chub a əton ə̀bòʼò. Mbə̀ təm kàànɨ̀, ɨmbə̀ʼ tɨ wə̀d mɔʼɔ ghɨ̀ i ni mbə̀ wɨrɨ ben ə̀bòʼò əmbɨ rɨkə.

1 Kɔrèn 7:16

Əyi, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨnom rəŋgəʼ ə? Ɨnom, à kyerɨ tɨ ənɨ ə ye ni kaʼi àwɔ̀ bɨrɨ chɨ e ɨwi rəŋgəʼ ə?

Rm 11:14

ɨmbə̀ʼ mbɨ bɔŋgɔb mɨ̀Jû ghɨ ə̀dìì əne ghɨ̀ mə chɨ mbɨ mɔʼɔ rəŋgəʼ.

1 Kɔrèn 10:29

Mə wɨə ghà yeʼ fîŋ wə̀d we nɨ gha ənû ze ɨ nən, kaʼi zən. Əton nɨ fîŋ wə̀d cherə bɨrɨ saʼ əghɨ ze nɨ mɨə jɨgə kɨ̀ əze nɨ chəi mɨə jɨgə kɨ ɨmbə̀ʼ ə yè ə?

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

2 Kɔrèn 12:14

Mə wɨə tekɨ mɨ ɨnyod nɨ yeʼe əsɨ nən ənɨ ɨghəm nɨ pe tad. Chəi mə bɨrɨ chə əwən ɨmbə̀ʼ ɨghəm nɨ chəi mə kəb ɨkab. Mə kə̀b yeʼ əwən. Kaʼi bɔn berɨ nuŋ ɨghɨ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. À yɨə mɨ̀mbǎʼ mbɨ mɨ̀nɨ̌ŋ berɨ nuŋ ɨghɨ əmbɨ mbə bɔn.