1 Kɔrèn 8:9 - Meta’

⁹ Mbə̀ we əwən ni tɨ ɨchî nɨ tɨ mbə̀ jɨg əghɨ ə mɔʼɔ kɨ̀ ɨchî nɨ chəi ənɨ tɨ̀ mbə̀ jɨg ə ghɨ ni bə̂d mbe nɨ ɨbenɨ mɨ̀mə̌d bɔd gu ənû.

Ikan feg

⁹ Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

1 Kɔrèn 8:9 Referans Kwoze

Gàlesìyà 5:13

Mbɨ bɔŋgɔb, Ŋwìə̀ nyaʼa tɔŋ əwən ni mbə̀ yeʼ mbi bə̂d, ɨmbə̀ʼ tɨ mbə̀ wɨrɨ ben ə ɨ̀bòʼò əmbɨ rɨkə. Tɨ ənû zɔ̂ ni chəi mbə̀ wɨrɨ ben ɨ̀bòʼò ə chwi ni mbə̀ ghɨ ɨnû mbe nɨ tə nyamnyod ə feenɨə. Mə kə̀b yeʼ ni ɨghaʼi ghɨ ni mbə̀ faʼ əmbɨ mbə bɔŋgɔb,

1 Pità 2:16

Mbə̀ chub ɨghabɨ ə bə̂d mbe nɨ yeʼ ənɨ ə ɨghəm, àyɨə tɨ mbə nɨŋ əwən ɨchî nɨ mbə̀ə chub ənɨ ə ɨghəm ɨmbə̀ʼ ghɨ ɨnû rɨbɔ̀ŋ. Mbə̀ chub ɨchî nɨ bə̂d ə̀fàʼì Ŋwiə̀ berɨ chubɨ.

2 Pità 2:19

Ɨ mbɨə kàʼə̀ ni mbə bɨrɨ chɨ̀ bə̂d mbɔ̂ rəŋgəʼ, àyɨə ənɨ ə ɨghəm, mbɨ yɨ ɨ̀bòʼò əmbɨ ɨnû rɨbɔ̀ŋ, ɨmbə̀ʼ ɨghəm nɨ wə̀d yɨ ə̀bòʼò əmbɨ əghɨ ze nɨ baŋ əməd.

1 Kɔrèn 10:24

Tɨ wə̀d mɔʼɔ kəb i àmei ɨnû mbe nɨ bɔŋ ɨ bɔ. Wɨ̀ kəb yeʼ mbe nɨ bɔŋ əmbɨ ə bə̂d cherə.

1 Kɔrèn 10:32

Mbə̀ we əwən ni tɨ mbə̀ ghɨ ə ənû ə mɔʼɔ ze nɨ bɨrɨ ghɨ ni mɨ̀Jû kɨ̀ bə̂d mbe nɨ kaʼi mɨ̀Jû kɨ̀ bə̂d rɨŋga ɨfetɨ bə̂d Ŋwiə̀ gu ənû.

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

1 Kɔrèn 8:12

Ənɨ à ghɨ ənû rɨbɔ̀ŋ ənɨ mbe bɔŋgɔb ənɨ ɨkwɨ ɨchî wɔ̂, əne zɨ̀ əna ənɨ ə fîŋ tɨ mɨ̀mə̌d te nɨ fə be bɔrɨ i, kyerɨ ni à fə ghɨ̀ ənû rɨbɔ̀ŋ ənɨ Kristo.

1 Kɔrèn 8:10

Wə̀d mɔʼɔ we nɨ fîŋ məd bɔrɨ mɨ zə əwe, àwɔ̀ nɨ berɨ ɨwe, nɨ àwɔ̀ ə jɨg ɨŋga mbàn anèŋ, ka wɨ̀ wa bɨrɨ ghaʼi nɨ bɨ jɨg ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ ə?

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

2 Kɔrèn 11:21

Mɨ ətu ə zɨə nìrə̀ nɨ gha ɨ nən ni tɨ̀ nyaʼa bɔd əku nɨ ghɨ tɨkwɨrɨ ɨnû tɔ̂! Ənû ze nɨ wə̀d mɔʼɔ yim fîŋ goŋ ɨgɔ̂ ɨmbə̀ʼ əzɨ əwən, mə wɨə ghàm ɨghabɨ əneŋ, mə bɨrɨ bɨ yim fîŋ goŋ ɨgɔ̂ ɨmbə̀ʼ əzɨ əwən.

1 Kɔrèn 10:29

Mə wɨə ghà yeʼ fîŋ wə̀d we nɨ gha ənû ze ɨ nən, kaʼi zən. Əton nɨ fîŋ wə̀d cherə bɨrɨ saʼ əghɨ ze nɨ mɨə jɨgə kɨ̀ əze nɨ chəi mɨə jɨgə kɨ ɨmbə̀ʼ ə yè ə?

Rm 15:1

Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

1 Kɔrèn 10:28

Àyɨə wə̀d mɔʼɔ mɨ ghà ɨ nən ni, “Mbɨ fə nàʼ ɨghɨ mbɔ̂ ənɨ ɨghɨ ə̀fà əmbɨ mbɨ̀anèŋ,” tɨ mbə̀ jɨg ə ɨghɨ mbe ɨmbə̀ʼ wə̀d we nɨ ghà ənû ze ɨ nən. Tɨ mbə̀ bɨ jɨg ə ɨmbə̀ʼ tɨ fîŋ saʼ i wə̀d mɔʼɔ.

2 Kɔrèn 6:3

Chəi tɨə kən ɨnə̂njɨ̀ əmbɨ wə̀d mɔʼɔ, ɨmbə̀ʼ tɨ mbɨ gha ə ənû rɨbɔ̀ŋ ɨmbə̀ʼ ə̀fàʼì ze nɨ tɨə fàʼə̀.

2 Kɔrèn 11:29

À kɨə we nɨ bɔrɨ, nɨ chəi mə̀ bə bɔd ə? À kɨə we nɨ mbɨ ghɨ ni wɨ̀ ghɨ̌ ənû rɨbɔ̀ŋ, nɨ chəi mɨ fîŋ tɔb əmɨ ə?

Kòlosè 2:8

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.