1 Kɔrèn 7:40 - Meta’

⁴⁰ Ənɨ mɨ ɨkɔndɨ, mə kyerɨ ni wɨ̀ bɨrɨ ghaʼ chè əbɔ əwù ze nɨ chəi wɨ̀ wɨrɨ nam. Mə kɔndɨ ni Əzwî ə Ŋwiə̀ ə zɨ ɨŋga num, əne à yɨ əzɨ əwən ə ghɨ ni mə̀ gha əne.

Ikan feg

⁴⁰ Ane àmə ikɔndi, àyi we mə̀ chùghi yi ane, wì biri ya taŋ gyènde chè icheg ne nji wì kə̀ ywìrì nam. Mə kɔ̀ndi gha, à ya Azwighi Ŋwiye ze ne bə yaʼ inga inum ze ghi mə ghàm inug mbo̰.

1 Kɔrèn 7:40 Referans Kwoze

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

1 Kɔrèn 7:35

Mə wɨə ghà ənû zɔ̂ ɨmbə̀ʼ weerɨ əwən, kaʼi ni mə kə̀b ton ni tɨ mbə̀ ghɨ̀ə̀ mbə ɨnû. Mə wɨə kə̀bə̀ yeʼ ni mbə̀ chub ɨchî nɨ kuʼnɨ. Mə wɨə bə̀ kə̀bə̀ ni tɨ əghɨ ə mɔʼɔ ə ghabrɨ i tə rɨkɔndɨ ɨchî nɨ mbə̀ə fàʼ əmbɨ Ə̀nùŋɨ̀sɨg.

1 Kɔrèn 7:8

Tɨ̀nîn, mə wɨə ghà əmbɨ ə bə̂d mbe nɨ chəi mbɨ namɨ bə̀ ghà əmbɨ mɨku əyi ni: zɨə bɔ̀ŋ ni mbɨ chub rɨ nam ɨchî nɨ mə̀ bə chubɨ.

1 Kɔrèn 7:6

Mə wɨə ghàə̀ ni mbə̀ ghɨ əne, kaʼi ni à yɨ mə̀ sobɨ sobɨ.

1 Kɔrèn 7:1

Tɨ̀nîn, ɨ wo ənɨ ɨnû mbe nɨ mbə̀ nyaʼa ŋwaʼnɨ: Mə ghà ni zɨə bɔ̀ŋ ni tɨ mbaŋə̀ nam i.

2 Kɔrèn 8:10

Ɨkə we nɨ mə̀ berɨ nɨ naʼ ɨ nən ɨmbə̀ʼ ənû zɔ̂ yɨ ni: zɨə kùʼ ni mbə̀ maanɨ ənû ze nɨ mbə̀ nyaʼa be kɔ əghəm əwu. Mbə yɨə bə̂d rɨtu nɨ nyaʼa be kəb wèèrɨ̀. Mbə yɨə bə̀ ə bə̂d rɨtu nɨ nyaʼa ghɨ əne.

2 Kɔrèn 13:3

Ɨchî nɨ mbə̀ kəb ənweenɨ ni ɨŋgam we nɨ mɨə ghàə̀ yɨ rɨ əmbɨ ə Kristo, mə bɨrɨ chwi ɨ nən. Chəi Kristo bɔd nɨ ghɨ ənû ɨ nən, àyɨə məd wɨə fàʼə̀ kwàʼ rɨ̀kǎ əkaʼ nən.