1 Kɔrèn 7:15 - Meta’

¹⁵ Wə̀d mɔʼɔ rəbɔʼ mbe nɨ chəi mbɨ ben ə Kristo mɨ kə̀b saŋ we nɨ ben ə Kristo, mbə̀ saŋ əməd wɨ̀ wo i. Ɨchî nɨ zɨə yeʼ əne, chəi mbɨ kod ɨnom kɨ əyi we nɨ ben ə Kristo ni wɨ̀ berɨ chubɨ mbɨ məd. Ŋwìə̀ fə tɔŋ əwən ni mbə̀ chub ənɨ əbɔrəbɔd.

Ikan feg

¹⁵ Àmə yaʼ aghi ne wə̀d ne kayi wə̀d Kristo kɔ̀ŋi ni sàkì inam, ghò yi, mbe saŋa aməd wì gho yi. Ìywin tì wə̀d bèrì apan ni ywiri nam yi. Ŋwiye kɔ̀ŋ gha bəd chughi ane àbɔrɔ̀bɔd.

1 Kɔrèn 7:15 Referans Kwoze

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

1 Kɔrèn 14:33

ɨmbə̀ʼ ɨghəm nɨ ka Ŋwìə̀ yɨ i Ŋwìə̀ nɨə bùùrɨ̀ ɨsɨ. Məd yɨə Ŋwìə̀ nɨə kə̀b əbɔrəbɔd. Ɨchî nɨ zɨə yeʼ ɨŋga tɨfetɨ bə̂d Ŋwiə̀ mɨ̀jìm,

Rm 12:18

Ɨchî mɨ chwiə, mbə̀ ghɨ ɨnû jìm ənɨ əzən əbà ɨ zə ni mbə̀ chub ənɨ əbɔrəbɔd mbɨ ə wə̀d jìm.

Matìyò 12:50

Wə̀d mɔʼɔ we nɨə ghɨ ɨnû mbe nɨ mɨ Mbǎʼ rɨkaŋ kə̀bɨ yɨ wum aŋgɔb, yɨ mɨ njàbɨ, bə̀ fɔrɨ mɨ nɨŋ.”

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Jems 2:15

Aŋgɔb mɔʼɔ kɨ̀ njàbɨ mɔʼɔ mɨ yeʼ əŋgu nɨ kwaŋ ngywɨ̌ bə̀ kwaŋ ɨghɨjɨg,

Lk 9:39

Əzwî rɨbɔ̀ŋ ə zɨə yim əməd wɨ̀ sàʼə̀ kyeŋə rɨ̀kǎ. Ə zɨə gywɨ̀ əməd tum ə si, bə̀ ghɨ̀ rɨjo jwɨ̀ rɨ ɨchû məd. Əzwî ze ə zɨə chə əməd kwàʼ rɨŋgəʼ. Chəi zɨə ghaʼ nɨ kɨə sàŋ əməd!