1 Kɔrèn 7:10 - Meta’

¹⁰ Mə wɨə ghà əmbɨ ə bə̂d mbe nɨ fə namɨ ni: Tɨ əyi ghabrɨ i tɨ ənɨ i ɨnom. Kaʼi mɔ̌ ə ghàə̀, à yɨ Ə̀nùŋɨ̀sɨg ə ghàə̀.

Ikan feg

¹⁰ Anug ne mə ghà abə bəd mbe ne nami ya gha, imbə̀ʼ àyi duwə yi inam ka. Kayi mo we ghà, à ya Anɔŋisəg.

1 Kɔrèn 7:10 Referans Kwoze

Matìyò 5:32

Àyɨə mə wɨə ghà ɨ nən ni, mbaŋə̀ mɔʼɔ mɨ saanɨ ɨnamɨ mbɨ i ɨwi, kɨrɨ ənɨ ɨwi məd we ni mbaŋə̀ cherə, njɨ wɨ̀ fə ghɨ̀ ɨwi məd we ənɨ əyi nɨə niirɨə mbaŋə̀. Mbaŋə̀ ze nɨ nam əyi we nɨ saanɨ ɨnamɨ fə ni əyi cherə.

Lk 16:18

“Mbaŋə̀ mɔʼɔ mɨ saanɨ ɨnamɨ mbɨ i ɨwi, nam əyi cherə, njɨ wɨ̀ fə ni əyi cherə. Mbaŋə̀ mɔʼɔ ze nɨ nam əyi nɨ saanɨ ɨnamɨ mbɨ i nom, fə bə̀ ni əyi cherə.”

1 Kɔrèn 7:15

Wə̀d mɔʼɔ rəbɔʼ mbe nɨ chəi mbɨ ben ə Kristo mɨ kə̀b saŋ we nɨ ben ə Kristo, mbə̀ saŋ əməd wɨ̀ wo i. Ɨchî nɨ zɨə yeʼ əne, chəi mbɨ kod ɨnom kɨ əyi we nɨ ben ə Kristo ni wɨ̀ berɨ chubɨ mbɨ məd. Ŋwìə̀ fə tɔŋ əwən ni mbə̀ chub ənɨ əbɔrəbɔd.

1 Kɔrèn 7:12

Mə wɨə ghà əmbɨ ə̀bùʼ ə bə̂d ni: Mbaŋə̀ mɔʼɔ ze nɨ ben ə Kristo mɨ berɨ i ɨwi nɨ chəi wɨ̀ ben ə Kristo, əne əyi we bə̀ ben ni tə bɨrɨ chubɨ mbɨ məd, tɨ wɨ̀ saanɨ i ɨnamɨ mbɨ əyi we. À yɨə mɔ̌ ə ghàə̀, kaʼi Ə̀nùŋɨ̀sɨg.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

1 Kɔrèn 7:6

Mə wɨə ghàə̀ ni mbə̀ ghɨ əne, kaʼi ni à yɨ mə̀ sobɨ sobɨ.

1 Kɔrèn 7:40

Ənɨ mɨ ɨkɔndɨ, mə kyerɨ ni wɨ̀ bɨrɨ ghaʼ chè əbɔ əwù ze nɨ chəi wɨ̀ wɨrɨ nam. Mə kɔndɨ ni Əzwî ə Ŋwiə̀ ə zɨ ɨŋga num, əne à yɨ əzɨ əwən ə ghɨ ni mə̀ gha əne.

Mk 10:2

Mɨ̀Farisiî mɔʼɔ nyaʼa wò əsɨ məd ɨmbə̀ʼ kwaʼnɨ əməd. Əne mbɨ nyaʼa biirɨ ɨ bɔ ni, “Tɨkə ə wa chwiə ni mbaŋə̀ saanɨ ɨnamɨ mbɨ i ɨwi ə?”

1 Kɔrèn 7:11

Àyɨə wɨ̀ mɨ ghàbrɨ̀ tɨ ənɨ i ɨnom, tɨ wɨ̀ wɨrɨ nam i. Wɨ̀ mɨ kə̀b nam, wɨ̀ berɨ maanɨ tàŋ wɨrɨ chubɨ mbɨ i ɨnom. Tɨ mbaŋə̀ saanɨ i ɨnamɨ mbɨ i ɨwi.