1 Kɔrèn 6:15 - Meta’

¹⁵ Chəi mbə̀ kyerɨ ni tə nyamnyod yɨ ɨba rɨ ənɨ ə nyamnyod Kristo ə? Əne mə̀ wa nɨŋ ɨba rɨ ənɨ nyamnyod Kristo fɔtɨ mbɨ nyamnyod ə̀kùnɨ̀ ə? Chə̂!

Ikan feg

¹⁵ Àkə chəyi mbə̀ kyeri gha ìtən nyàmnyɔd ya isiŋi nyɔd ane nyàmnyɔd Kristo? Tì wə̀d niŋ aba ane nyàmnyɔd Kristo ghò fɔ̀ti tì nyàmnyɔd àkwàrì? Indèʼ ka!

1 Kɔrèn 6:15 Referans Kwoze

Efesùs 5:30

Tɨ̀ yɨə ɨsɨ ɨnyod rɨ ənɨ ə nyamnyod məd.

Rm 12:5

Əne mba mbɔ̂ nɨ nɔʼɔ, tɨ̀ yɨə nyamnyod mɔʼ ɨchî nɨ tɨ̀ yeʼ ənɨ ɨfɔtɨ mbɨ Kristo. Wə̀d mɔʼ mɔʼ fə sɨ ɨba rɨ ənɨ ə nyamnyod wə̀d jìm.

Kòlosè 2:19

Chəi mɨ̀mə̌d ə wɨrɨə beenɨ əbɔʼ Kristo we nɨ yeʼ ətu rɨ ənɨ ə nyamnyod mɨ̀mə̌d. Nyamnyod ze yɨ ɨfetɨ bə̂d Kristo. À yɨə Kristo ə jəə nyamnyod ze. À yɨə məd ə fɔtɨ ɨsɨ ɨnyod mbe nɨ gumə, bə̀ fɔtɨ rɨnye tɨ kwiə ɨchî nɨ Ŋwiə̀ kəbɨ.

1 Kɔrèn 12:27

Tɨ̀nîn, mbə̀ yɨə nyamnyod Kristo, əne wə̀d mɔʼ mɔʼ rəbɔʼ nən yɨ əba rɨ ənɨ ə nyamnyod ze.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

1 Kɔrèn 11:3

Mə wɨə kə̀bə̀ ni mbə̀ kyerɨ ni ətu ɨgwɨ ə mbaŋə̀ rɨ̀jìm yɨə Kristo, kyerɨ ni ətu ɨgwɨ əyi yɨ ɨnom məd, bə̀ kyerɨ ni ətu ɨgwɨ ə Kristo yɨə Ŋwiə̀.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

Efesùs 5:23

ɨmbə̀ʼ ɨghəm nɨ ɨnom yɨ ətu ɨgwɨ i wi, ɨchî nɨ Kristo yeʼ ətu ɨgwɨ ɨfetɨ bə̂d Kristo. Ɨfetɨ we yɨə nyamnyod məd nɨ wɨ̀ chɨ rəŋgəʼ.

Lk 20:16

Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

Gàlesìyà 3:21

Tɨkə ə wa ton ɨnû mbe nɨ Ŋwìə̀ kàʼ ə? Chə̂! Ɨkə mɔʼɔ mɨ kə̀ʼ yeʼ əŋgu nɨ tɨ̀ wɨ nàʼ ɨ̀tènɨ̀, njɨ ənû nɨ təm kùʼnɨ̀ ɨfě Ŋwiə̀ berɨ yeʼe ənjìm ɨchî nɨ bə̂d ə nùŋə̀ rɨkə.

Gàlesìyà 2:17

Tɨ̀ mɨ yeʼə kə̀b nɨ təm kùʼnɨ̀ ɨchî nɨ tɨ̀ yeʼ ənɨ ɨfɔtɨ mbɨ Kristo, àyɨə tɨ̀ zə ni tɨ̀ wɨə kɨrɨ ghɨ ɨnû rɨbɔ̀ŋ, əze ə wa chwiə ni Kristo wɨə ghɨ̀ə̀ ni bə̂d ghɨ ɨnû rɨbɔ̀ŋ ə? Chə̂!

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

Rm 7:13

Əghɨ ze nɨ nyaʼa bɔŋ ə wa nyaʼa yeʼe ɨmbə̀ʼ zwiirɨ əmɨ ə? Chə̂! À yɨ ɨnû rɨbɔ̀ŋ nyaʼa ghɨ ni mə̀ che ənjìm ɨnû mbe nɨ nyaʼa bɔŋɨ ghɨ̀ mbe nɨ tɨ̀ mbɨ zwiirɨ əmɨ. Əne tɨ̀ we tɨ̀ rɨ̀ zə ni ɨnû rɨbɔ̀ŋ yɨ ɨnû rɨbɔ̀ŋ, bə̀ zə ni ənjìm rɨkə, ɨnû rɨbɔ̀ŋ wɨrɨ bə chè əbɔ.

Rm 7:7

Tɨ̀ kɨə wo gha ni yè ə? Ni tɨkə yɨ ənû rɨbɔ̀ŋ ə? Chə̂! À kɨ nɨ chə nyaʼa i rɨkə, njɨ chəi mə̀ nyaʼa kyerɨ ənû rɨbɔ̀ŋ. Njɨ chəi mə̀ nyaʼa kyerɨ ənû nɨ feenɨ ɨghɨ wə̀d cherə ənɨ chəi nyaʼa i ɨŋga rɨkə ni, “Tɨrə̀ feenɨ e ɨghɨ wə̀d cherə.”

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Rm 3:31

Əne tɨ̀ wa waʼ rɨkə ɨmbə̀ʼ ɨbenɨ wɔ̂ ə? Chə̂! Àyɨə tɨ̀ wɨə yim rɨkə kwàʼ ɨchî chɔ̀m.

Rm 3:6

Chə̂! À mɨ yeʼ nɨ chəi Ŋwìə̀ ə ghɨ̀ ɨnû nɨ kuʼnɨ, njɨ wɨ̀ kɨə wò saʼ ɨsɨg rɨ ye ə?

1 Kɔrèn 6:3

Chəi mbə̀ kyerɨ ni à yɨə mbǎ bɨrɨ saʼ mbɨ̀aŋgɨrə̀ ə? À nɨə yeʼ əne, njɨ tɨ̀ berɨ bɨ saʼ ɨnû nɨ dè ɨ̀tènɨ̀ wɔ̂!

1 Kɔrèn 6:17

Àyɨə wə̀d we nɨ fɔtɨ i ɨnyod mbɨ Ə̀nùŋɨ̀sɨg, əzwî əməd mbɨ Əzwî Ə̀nùŋɨ̀sɨg fə sɨ əzwî ə mɔʼ.