1 Kɔrèn 6:14 - Meta’

¹⁴ Ŋwìə̀ we nɨ nyaʼa zwemnɨ Ə̀nùŋɨ̀sɨg bɨrɨ bɨ zwemnɨ əwa ənɨ i ɨka.

Ikan feg

¹⁴ Ŋwiye we ne ya zwemni Anɔŋisəg biri bə zwemni awa ane ìwi ika.

1 Kɔrèn 6:14 Referans Kwoze

2 Kɔrèn 4:14

Tɨ̀ kyerɨ ni Ŋwìə̀ we nɨ nyaʼa zwemnɨ Ə̀nùŋɨ̀sɨg Yeso bɨrɨ bɨ zwemnɨ əwa mbɨ Yeso. Wɨ̀ bɨrɨ nɨŋ əwa mbɨ nən wò ɨfě məd.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

1 Tèsàlonikà 4:14

Tɨ̀ ben ni Yeso nyaʼa kwɨ wɨrɨ zwemə. Tɨ̀ bə̀ ben ni Ŋwìə̀ bɨrɨ wɨrɨ nɨŋ bə̂d mbe nɨ nyaʼa ben Yeso bɔŋ kwɨ ni mbɨ chub mbɨ Yeso.

1 Kɔrèn 15:23

Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

Ɨ̀fàʼì 17:31

Wɨ̀ nyaʼa fə nùŋ əni nɨ wɨ̀ bɨrɨ chè ənjìm ə Wə̀d we nɨ wɨ̀ nyaʼa chɔʼɔ, saʼ wə̀d jìm ɨŋga ɨsɨg wɔ̂ ɨchî nɨ kuʼnɨ. Wɨ̀ fə chwi ənweenɨ əmbɨ ə bə̂d mɨ̀jìm ni ənû zɔ̂ yɨ ənû rəsìʼ. Wɨ̀ nyaʼa ghɨ̀ əne ɨchî nɨ wɨ̀ nyaʼa zwemnɨ wə̀d we.”

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

2 Kɔrèn 13:4

Mbɨ nyaʼa kombɨ əməd əzed ə baʼnɨ ənɨ ə nyùmə̀ we nɨ wɨ̀ nyaʼa bɔrɨ, àyɨə ɨ wɨ ɨkǎ ənɨ ɨka Ŋwiə̀. Ɨchî nɨ tɨ̀ yeʼ ənɨ ɨfɔtɨ mbɨ məd, tɨ̀ bə̀ bɔd, àyɨə ɨchî nɨ tɨə fàʼ ɨ nən, tɨ̀ bɨrɨ chubɨ mbɨ məd ənjìm ɨka Ŋwiə̀.