1 Kɔrèn 4:8 - Meta’

⁸ Mbə mbɨə ghɨ̀ ɨghabɨ ni mbə fə berɨ ɨghɨjìm mbe nɨ mbə̀ kəbɨ! Mbə mbɨə ghɨ̀ ɨghabɨ ni mbə fə berɨ mbɔ̂n! Mbə mbɨə ghɨ̀ ɨghabɨ ni mbə fə sɨ mɨfɔ̂n, ka à bè yeʼi ni ka tɨ̀ yɨ a mɨfɔ̂n! Mə wɨə kàŋə̀ kə̀bə̀ ni mbə yeʼ mɨfɔ̂n ɨmbə̀ʼ tɨ̀ bə̀ yeʼ mɨfɔ̂n mbɨ nən!

Ikan feg

⁸ Imbə̀ʼ mbə̰ fə bèrì ìmbən ighi ijìm kə̀ kayi ane? Imbə̀ʼ mbə̰ fə bèrì ikab? Imbə̀ʼ mbə̰ fə si məfɔn atog inən ka chəyi awa? Mə taŋ kɔ̀ŋ kwàʼ tesiʼ gha mbə yaʼ məfɔn ni gha mba biri bə yaʼ məfɔn abɔ̀ʼ inən.

1 Kɔrèn 4:8 Referans Kwoze

Ɨnû 5:10

À fə ghɨ mɨ̀mə̌d ənɨ ə bə̂d mbàn ɨŋga e ənû ɨfɔ̀n, ɨmbə̀ʼ mbɨ faʼ əmbɨ à Ŋwiə̀. À fə bə̀ ghɨ̀ ni mbɨ tumbɨ si.”

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

1 Kɔrèn 5:6

Ɨchî nɨ mbə̀ə goŋ ɨgɔ̂ rɨka bɔ̀ŋ i. Chəi mbə̀ kyerɨ ni àmei akə ɨfuʼ we nɨə ghɨ̀ ni ŋgə̀ŋ kɔʼ we ə nɔ̀ɔ̀rɨ̀ ŋgə̀ŋ jìm ə?

1 Kɔrèn 1:5

Wɨ̀ fə nàʼ mɨneʼe ɨ nən ənɨ mɨnə̂njɨ̀ jìm ɨchî nɨ mbə̀ yeʼ ənɨ ɨfɔtɨ mbɨ Kristo. Wɨ̀ fə ghɨ̀ ni mbə̀ gha ɨnû jìm mbe nɨ wɨ̀ kə̀bɨ ni mbə̀ ghǎ. Wɨ̀ nyaʼa bə̀ ghɨ̀ ni mbə̀ kyerɨ ɨnû jìm mbe nɨ wɨ̀ kəbɨ ni mbə̀ kyerɨ.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

Lk 6:25

Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨ fə jɨg kod rɨ̀nîn, ɨmbə̀ʼ ɨghəm nɨ njì rɨ bɨrɨ kɨrɨ zaŋ əwən. Ŋgəʼ kyeŋ bɨrɨ nyɨ ɨgwɨ nən, mbə̀n mbe nɨə chəʼə rɨ̀nîn, ɨmbə̀ʼ ɨghəm nɨ mbə bɨrɨ kə̀nə̀ bə̀ dì.

Ɨnû 3:17

À wɨə ghàə̀ ni, 'Mə yɨə wə̀d mbɔ̂n, mə berɨ ɨghɨ nɔnɔʼ, chəi mə kwaŋ əghɨ ə mɔʼɔ.' Àyɨə chəi à kyerɨ ni tə yɨə wə̀d ŋgəʼ, ni tə yɨə wə̀d nɨ bə̂d ə neŋə kə̀nə̀, ni tə yɨə wə̀d ɨkwaŋ, ni tə yɨ ɨfɨgɨ fɔrɨ ni tə wɨ rɨ̀sɔ̀ʼ ɨkyerɨ.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

2 Kɔrèn 11:1

Mə kə̀b ni mbə̀ yim fîŋ mbɨ num ɨchî nɨ mə fundɨ rɨpiî. Mbə̀ wom yim fîŋ mbɨ num!

1 Kɔrèn 4:18

Bə̂d mɔʼɔ rəbɔʼ nən mbɨə seenɨə. Ɨ mbɨə kɔndɨə ni chəi mə̀ bɨrɨ wɨrɨ yeʼe əsɨ nən.

Ɨ̀fàʼì 26:29

Pɔ̂l nyaʼa wììrɨ̀ ni, “Mɨ ə̀kɔ̀ŋgɨ̀ əmbɨ ə Ŋwiə̀ yɨ ni àwɔ̀ mbɨ ə bə̂d mbɔ̂ nɨə zu ɨnû mbɔ̂ nɨ mɨə ghà rə̀chɔ̀ŋ mbɨ yeʼ ɨghabɨ ə mɔ̌, kɨ̀ à kɨ ənɨ ɨkə nyumə̀ kɨ̀ ənɨ ə nyùmə̀ se. Àyɨə tɨ mbɨ yeʼ ə bə̂d ndəŋ ɨghabɨ ə mɔ̌.”

Matìyò 5:1

Ənɨ Yeso nyaʼa zə mɨnɔ̂n bə̂d mbe, wɨ̀ nyaʼa kɔʼ ɨkaŋ ɨwum pè chub ə si. Mə̀mə̀ə̀nɨ̀-ɨnû ɨməd nyaʼa wò əsɨ məd,