1 Kɔrèn 2:15 - Meta’

¹⁵ Wə̀d we nɨ Əzwî ə Ŋwiə̀ ə yeʼ ɨŋga məd we tɨ̀ wɨ̀ zə ɨnû jìm, ətu əməd ə zeŋ ɨmbə̀ʼ mbɨwən, àyɨə chəi ənɨ tɨ ətu ə wə̀d cherə zeŋ ɨmbə̀ʼ ɨnû mbe nɨ wɨə ghàə̀.

Ikan feg

¹⁵ Chəyi tì atog zen abə wə̀d ne chəyi Azwighi Ŋwiye yaʼi inga məd ni ghì gha wì kyeri iku wə̀d ne wə̀d ne beri Azwighi Ŋwiye wì yaʼi ìwiwən.

1 Kɔrèn 2:15 Referans Kwoze

1 Tèsàlonikà 5:21

àyɨə mbə̀ zweʼrɨ mɨkə̂n mbe jìm, yim mbe nɨ bɔŋɨ,

Mə̀Hibrù 5:14

Ɨghɨjɨg nɨ kaanɨ yɨ əmbɨ ə bə̂d kyeŋ mbe nɨ fə kwembɨ ɨnû mə̀d əne kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

1 Kɔrèn 14:37

Wə̀d mɔʼɔ mɨ kɔndɨ ni tə yɨə wə̀d ɨ̀kə̀n, kɨ̀ ni mɨneʼe mbe nɨ Əzwî ə Zeŋɨ ə nàʼ ɨ mbɨ ɨŋga məd, wɨ̀ kyerɨ ni ənû zɔ̂ nɨ mɨə ŋwàʼnɨ̀ ɨ nən yɨ ɨkə Ə̀nùŋɨ̀sɨg.

Gàlesìyà 6:1

Mbɨ bɔŋgɔb, wə̀d mɔʼɔ rəbɔʼ nən mɨ ghɨ̀ ənû rɨbɔ̀ŋ, mbə̀n mbe nɨə ghɨ̀ ɨnû mbe nɨ Əzwî ə kəbɨ wɨrɨ ghɨ̀ ni wɨ̀ təm, àyɨə mbə̀ ghɨ əne ənɨ əbɔrəbɔd. Mbə̀ we əwən ɨmbə̀ʼ ə̀kwàʼnɨ̀ ə bə nyɨ ɨgwɨ nən.

Fìlipì 1:10

ɨmbə̀ʼ mbə̀ chɔʼ əze nɨ jeŋgɨ bɔ̀ŋ. Mbə mɨ ghɨ̀ əne, mbə bɨrɨ chub ɨzeŋɨ zeŋɨ fɔrɨ ni chəi bə̂d bɨrɨ gha ɨnû rɨbɔ̀ŋ ɨmbə̀ʼ əwən əni ze nɨ Kristo bɨrɨ wɨrɨ yeʼe.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

Kòlosè 1:9

À yɨ əton nɨ tɨ əni ze nɨ tɨ̀ nyaʼa zu ɨmbə̀ʼ əwən, chəi tɨ̀ kɨrɨ sob nɨ kɔŋgɨ ə Ŋwiə̀ ɨmbə̀ʼ əwən. Tɨ̀ wɨə kɔŋgɨə ni Əzwî əməd ə ghɨ mbə̀ jeŋgɨ kyerɨ ɨnû mbe nɨ wɨ̀ kəbɨ. Mbə ɨtu bɨrɨ zeŋ mbə kyerɨ ɨnû mbe ənjìm ɨwe we nɨ Əzwî ə nàʼə̀.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

Ɨ̀fàʼì 16:3

Pɔ̂l nyaʼa kə̀b ni njɨ tə nɨŋ ə Timotì mbə wò ɨnɔ̂n. Əne wɨ̀ nyaʼa ne əməd ɨmbə̀ʼ ɨghəm nɨ mɨ̀Jû mɨ̀jìm mbe nɨ nyaʼa ɨŋga ɨsɨ mbe nyaʼa kyerɨ ni mbǎʼ məd yɨ rɨ ə Gris.

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.