1 Kɔrèn 16:19 - Meta’

¹⁹ Tɨfetɨ bə̂d Kristo te rɨ əbà əbeŋ ze rɨ ə Esià chàʼrɨ̀ əwən. Àkwilà mbɨ Priskà mbɨ ɨfetɨ bə̂d Kristo we nɨə nyɨ ɨŋga nəb mɨ̀mə̌d bə̀ chàʼrɨ̀ əwən kwàʼ ɨchî chɔ̀m ənɨ ɨkum Ə̀nùŋɨ̀sɨg.

Ikan feg

¹⁹ Tifeti bəd Kristo te ne yaʼi aba isəg Esìyà te chàʼrà awən. Àkwilà tì Priskà fɔrɔ bəd Kristo mbe ne nyìme ifeti inɔb inga nəb mbe bə̀ chàʼrà awən inga ikum Anɔŋisəg.

1 Kɔrèn 16:19 Referans Kwoze

Ɨ̀fàʼì 18:2

Wɨ̀ nyaʼa pè əŋgu, zə wə̀d Jû mɔʼɔ nɨ ɨkum məd nyaʼə Àkwilà. Wɨ̀ yɨə nyaʼa rɨ ə Pontùs. Ɨkum ɨwi məd yɨə nyaʼə Prìsilà. Mbɨ nyaʼa cherə yeʼe rɨ ə Italì. Mbɨ nyaʼa nɔ̀ʼ rɨ ə Italì ɨmbə̀ʼ ɨghəm nɨ Ɨfɔ̂n Klodiùs nyaʼa sob ni mɨ̀Jû mɨ̀jìm jwɨ rɨ ə Rom. Pɔ̂l nyaʼa wò zə mɨ̀mə̌d,

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

1 Pità 1:1

À yɨə mɔ̌ Pità, nɨ mə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ə bə̂d mbe nɨ Ŋwiə̀ chɔʼɔ, nɨ yeʼ ɨ̀nɔ̀ʼɔ̀ mbe nɨ jaŋ ɨŋga Pontùs, ɨŋga Gàlesià, ɨŋga Kàpàdosià, ɨŋga Esià bə̀ fɔrɨ ɨŋga Betinià.

Filemɔ̀n 1:2

Tɨ̀ wɨə bə̀ ŋwàʼnɨ̀ ɨ ne, àwɔ̀ Afìà, nɨ yeʼ a njàbɨ. Tɨ̀ wɨə bə̀ ŋwàʼnɨ̀ ɨ ne, àwɔ̀ Akipùs, nɨ yeʼ ə sɔgyɨ̀ Kristo ɨghabɨ ə mbǎ. Tɨ̀ wɨə bə̀ ŋwàʼnɨ̀ əmbɨ ə bə̂d mɨ̀jìm mbe nɨ yeʼ ɨŋga ɨfetɨ bə̂d Kristo we nɨə nyɨ ɨŋga e nəb.

2 Timotì 4:19

Chaʼrɨ ə Priskà mbɨ Àkwilà, bə̀ chàʼrɨ̀ bə̂d mbe nɨ yeʼ ɨŋga nəb Ònèsiforùs.

Kòlosè 4:15

Mbə naʼ mɨ ə̀chàʼrɨ̀ əmbɨ ə bɔŋgɔb mbe nɨ yeʼ ə Laodisià, əmbɨ Nimfà fɔrɨ əmbɨ ə bə̂d Kristo mbe nɨə nyɨ ɨfetɨ ɨŋga nəb məd.

Rm 16:15

Mbə̀ chaʼrɨ ə Fìlologùs mbɨ Julìà mbɨ Nerèùs bə̀ chaʼrɨ njàbɨ məd. Mbə̀ bə chàʼrɨ̀ ə Olimpàs mbɨ ə bə̂d Ŋwiə̀ mɨ̀jìm mbe nɨ yeʼ mbɨ mɨ̀mə̌d.

Ɨ̀fàʼì 19:10

Ɨ wɨə nyaʼə tàŋ mbɨ mɨ̀mə̌d ɨghəm ɨwu be. Əne bə̂d mɨ̀jìm mbe nɨ nyaʼə chub ə Esià, əne yɨ mɨ̀Jû mbɨ mbe nɨ kaʼi mɨ̀Jû, nyaʼa zu ɨŋgam Ə̀nùŋɨ̀sɨg.

Ɨ̀fàʼì 18:26

Wɨ̀ nyaʼa kɔ gha ɨŋgam Ŋwiə̀ ɨŋga nəb ə̀kàtɨ̀ ənɨ ə fîŋ nɨ kǎ. Àyɨə ənɨ Prìsilà mbɨ Àkwilà nyaʼa zu ənɨ wɨ̀ nyaʼə ghàə̀, mbɨ nyaʼa nɨŋ əməd wò jeŋgɨ toʼrɨ Ɨnə̂njɨ̀ we nɨ Ŋwiə̀ nyaʼə chwiə.

Ɨ̀fàʼì 18:18

Pɔ̂l nyaʼa wɨrɨ chub ə Kɔrèn ɨni nɔnɔʼ. Ənɨ wɨ̀ nyaʼa maanɨ rəŋgu, wɨ̀ nyaʼa sàŋ bɔŋgɔb mbe, nɨŋ ə Prìsilà mbɨ Àkwilà mbɨ nyɨ əbaŋ ɨgyɨ̀ baanɨ wò ə Sirià. Bɔŋ mbɨ nyaʼa sɨə nɔʼ rɨə Senkrià, wɨ̀ nyaʼa serɨ e ətu ɨchî nɨ wɨ̀ nyaʼa fə kaʼ əmbɨ ə Ŋwiə̀.

Ɨ̀fàʼì 2:9

Tɨ̀ yɨ rɨ ə Patìà, rɨ ə Medìà bə̀ fɔrɨ rɨ ə Elàm; tɨ̀ yɨ rɨ ə Mèsòpòtemìà, rɨ ə Jùdeyà bə̀ fɔrɨ rɨ ə Kàpàdosìà; tɨ̀ yɨ rɨ ə Pontùs bə̀ fɔrɨ rɨ ə Esià;

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.