1 Kɔrèn 15:57 - Meta’

⁵⁷ Àyɨə tɨ̀ nàʼ məben-əwe əmbɨ ə Ŋwiə̀ nɨ ghɨ ni tɨ̀ baŋ ɨnû rɨbɔ̀ŋ ənjìm à Ə̀nùŋɨ̀sɨg Yeso Kristo!

Ikan feg

⁵⁷ Tesiʼ ya gha, tì naʼa məyakà abə Ŋwiye ni ghì tì bèrì ika ni chè inug tibɔ̀ŋ anjìm ìwa Anɔŋisəg Yeso Kristo.

1 Kɔrèn 15:57 Referans Kwoze

2 Kɔrèn 2:14

Tɨ̀ naʼ məben-əwe əmbɨ ə Ŋwiə̀ ni, ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo, ɨ wɨə che ɨmbì na ɨghəm jìm ghɨ̀ə̀ ni tɨ̀ yèn ɨghabɨ ə bə̂d nɨ che bid. Ɨ wɨə ghɨ̀ə̀ ni tɨ̀ jaŋ ɨnû mbe nɨ tɨ̀ kyerɨ ɨmbə̀ʼ ə Kristo ɨsɨ jìm. Ɨnû mbe yɨ ɨghabɨ ɨfɔ chɔ̀m.

Rm 8:37

Chə̂, ɨŋga ɨnû mbɔ̂ jìm, tɨ̀ chè bə̂d mbe nɨ che bid ənjìm əməd we nɨ ghaʼ əwa.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

2 Kɔrèn 9:15

Tɨ̀ nàʼ məben-əwe əmbɨ ə Ŋwiə̀ ɨmbə̀ʼ ɨneʼe məd we nɨ wɨ̀ nyaʼa naʼ ɨ na, nɨ yeʼ ɨneʼe we nɨ chəi ənɨ tɨ̀ bə̂d mə̀!

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Rm 7:25

Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

2 Kɔrèn 1:11

ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

1 Kɔrèn 15:51

Mbə̀ zwetɨ mə̀ gha ənû nɨ yeʼ ənə̀mə ɨ nən. Ka mba mɨjìm bɨrɨ kwɨ a, àyɨə Ŋwìə̀ bɨrɨ kwepɨ mbà mɨjìm

Ɨ̀fàʼì 27:35

Ənɨ wɨ̀ nyaʼa ghà əne, wɨ̀ nyaʼa nɨŋ ŋgə̀ŋ, nàʼ məben-əwe əmbɨ ə Ŋwiə̀ ɨfě mɨ̀mə̌d mɨjìm, bəʼ kɔ jɨgɨ.

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Ɨnû 21:4

Wɨ̀ bɨrɨ fu mɨsɨ jìm tɨ ənɨ əghə mɨ̀mə̌d. Chəi bə̂d bɨrɨ wɨrɨ kwɨ. Chəi bə̂d bɨrɨ wɨrɨ dì kɨ̀ chweŋ mɨsɨ kɨ̀ zu bè rɨbuʼ, ɨmbə̀ʼ ɨghəm nɨ ɨnû mbe nɨ nyaʼa bè əŋgu fə chè i.”