1 Kɔrèn 15:15 - Meta’

¹⁵ Zɨə mɨ nɨə yeʼ əne, njɨ zɨə chwi ni tɨ̀ wɨə ghà ɨnû nɨ chəi Ŋwìə̀ nyaʼa ghɨ̌, ɨmbə̀ʼ ɨghəm nɨ tɨ̀ nyaʼa gha ɨmbə̀ʼ əməd ni wɨ̀ nyaʼa zwemnɨ ə Kristo. Əne chəi wɨ̀ nyaʼa zwemnɨ əməd, əwù ze nɨ à yɨ rəsìʼ ni chəi ɨvɨ bə̂d bɨrɨ nɔ zwemə.

Ikan feg

¹⁵ Ze mə̀ yaʼ ane, nji ze chwi gha tì ya ghàmà inug ako imbə̀ʼ Ŋwiye gha wì ya zwemne Kristo ne chəyi wì ya zwemne aməd. Ze mə yaʼ ni gha chəyi Ŋwiye ya zwemni Kristo, nji chəyi bəd ku biri zweme.

1 Kɔrèn 15:15 Referans Kwoze

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

1 Kɔrèn 15:13

À mɨ yeʼ ni chəi bə̂d bɨrɨ zwemə, əne chəi Ŋwìə̀ nyaʼa bə̀ zwemnɨ ə Kristo.

1 Kɔrèn 15:20

À yɨ rəsìʼ ni Ŋwìə̀ nyaʼa zwemnɨ ə Kristo. À yɨə bə̀ rəsìʼ ni Kristo yɨə wə̀d rɨtu nɨ Ŋwìə̀ zwemnɨ rəbɔʼ bə̂d mbe nɨ nyaʼa fə kwɨ.

Ɨ̀fàʼì 4:33

Bə̂d tom Kristo mbe mbɨə nyaʼə ghà ɨmbə̀ʼ ɨchî nɨ Ə̀nùŋɨ̀sɨg Yeso nyaʼa zwemə. Ɨ mbɨə nyaʼə ghà əne ənɨ ɨnə̂njɨ̀ nɨ kaanɨ. Ɨ̀chɔ̀m Ŋwiə̀ wɨə nyaʼa ɨgwɨ mɨ̀mə̌d mɨjìm.

Ɨ̀fàʼì 4:10

njɨ mbə̀n mɨjìm mbɨ mɨ̀Izre mɨ̀jìm kyerɨ ni mbaŋə̀ zɔ̂ ə təm ɨfě nən, bɔtɨ i kwàʼ ɨchî chɔ̀m ənjìm ɨka we nɨ yeʼ ənɨ ɨkum Yeso Kristo we rɨ ə Nazàret nɨ mbə̀ nyaʼa kòmbɨ̀ əzed ə baʼnɨ, àyɨə Ŋwìə̀ nyaʼa zwemnɨ əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

1 Kɔrèn 15:16

À mɨ yeʼ nɨ chəi ɨvɨ bə̂d bɨrɨ nɔ zwemə, əne chəi Ŋwìə̀ nyaʼa bə̀ zwemnɨ ə Kristo.