1 Kɔrèn 12:11 - Meta’

¹¹ Ɨnû mbɔ̂ jìm yɨ rɨ əmbɨ Əzwî ze ə mɔʼ. Əzwî ze ə zɨə nàʼ ɨneʼe əmbɨ wə̀d mɔʼ mɔʼ ɨchî nɨ wɨ̀ kə̀bɨ.

Ikan feg

¹¹ À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

1 Kɔrèn 12:11 Referans Kwoze

1 Kɔrèn 12:4

Mɨneʼe mbɨ əŋgu tɨkwɨrɨkwɨ, àyɨə àmei Əzwî ə Zeŋɨ ə nàʼ mɨneʼe mbe.

Mə̀Hibrù 2:4

Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.

2 Kɔrèn 10:13

À yeʼ ɨmbə̀ʼ əwa, chəi tɨ̀ bɨrɨ goŋ ɨgɔ̂ chè ɨchî nɨ tɨ̀ berɨ nɨ goŋ. Àyɨə tɨ̀ mɨ kəb goŋ, tɨ̀ bɨrɨ goŋ pè ənɨ ɨ̀nə̀rɨ̀ ə̀fàʼì we nɨ Ŋwìə̀ naʼ ɨ na, bə̀ goŋ əkaʼ nən.

Efesùs 4:7

Àyɨə Kristo fə ghɨ̀ ɨ̀chɔ̀m ənɨ ə na, nàʼ ɨneʼe əmbɨ wə̀d mɔʼ mɔʼ ni wɨ̀ faʼ əŋgu àmei ɨchî nɨ wɨ̀ kəbɨ.

1 Kɔrèn 12:6

Mɨnə̂njɨ̀ nɨ fàʼ mbɨ əŋgu tɨkwɨrɨkwɨ, àyɨə àmei Ŋwìə̀ we mɔʼ ə ghɨ̀ə̀ ni wə̀d jìm faʼ ə̀fàʼì ze nɨ wɨ̀ naʼ ɨ bɔ.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.

Efesùs 1:11

Ŋwìə̀ nyaʼa ghɨ̀ ɨnû jìm ɨchî nɨ wɨ̀ nyaʼa fə taŋɨ bə̀ nùŋ. Wɨ̀ nyaʼa chɔʼ əwa ənɨ ɨfɔtɨ mbɨ Kristo ni tɨ̀ yeʼ mbi bə̂d àmei ɨchî nɨ wɨ̀ nyaʼa kəbɨ bə̀ nùŋ.

1 Kɔrèn 7:17

Wə̀d mɔʼ mɔʼ chub àmei ɨchî nɨ Ə̀nùŋɨ̀sɨg ghɨ ni wɨ̀ chubɨ. Wɨ̀ bə̀ chub àmei ɨchî nɨ Ŋwìə̀ nyaʼa tɔŋ əməd. Wɔ̂ yɨ mɨ ɨkə we nɨ mɨə nàʼ əmbɨ ə bə̂d ɨŋga tɨfetɨ bə̂d Kristo rɨ̀jìm.

1 Kɔrèn 7:7

Mə kə̀b ni wə̀d jìm yeʼ ɨghabɨ ə mɔ̌. Àyɨə wə̀d mɔʼ mɔʼ ə berɨ i ɨneʼe nɨ Ŋwìə̀ naʼi. Wə̀d mɔʼ ə berɨ i ɨkwɨ ɨneʼe, wɨ cherə bə̀ berɨ wi.

Rm 12:6

Tɨ̀ berɨ mɨneʼe nɨ kwepə beenɨ əbɔʼ ɨchî nɨ Ŋwìə̀ ghɨ ɨ̀chɔ̀m ənɨ ə na. Ɨneʼe wə̀d mɔʼɔ mɨ yeʼ ni wɨ̀ zu ɨkə̂n Ŋwiə̀ ghà, wɨ̀ gha ɨchî nɨ ɨbenɨ məd chwiə.

Rm 9:18

Əne məd wɨə dììrɨ̀ə̀ wə̀d we nɨ wɨ̀ kə̀b nɨ dììrɨ̀. Ɨ wɨə bə̀ tuurɨə fîŋ wə̀d we nɨ wɨ̀ kə̀b nɨ tuurɨ fîŋ məd.

Jn 5:21

Ɨchî nɨ Mbǎʼ ə zwemnɨ ə bə̂d bə̀ nàʼ ɨ̀tènɨ̀ əmbɨ mɨ̀mə̌d yɨə bə ɨchî nɨ Wan ə nàʼ ɨ̀tènɨ̀ əmbɨ wə̀d we nɨ wɨ̀ ghaʼi.

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Jn 3:8

Ɨfə wɨə chèə̀ wò əbà ze nɨ wɨ̀ kəbɨ, əne àwɔ̀ wɨə zu ɨchî nɨ wɨə kùmə̀, àyɨə chəi à kyerɨ əsɨ ze nɨ wɨə yeʼe rəŋgu kɨ̀ əsɨ ze nɨ wɨə wò əŋgu. À yɨ ɨchî nɨ zɨə yeʼ mbɨ wə̀d we nɨ Əzwî ə Ŋwiə̀ ə yeʼ ɨŋga məd.”

Matìyò 20:15

Chəi mə̀ wa berɨ ɨka nɨ ghɨ mbɨ mɨ ɨkab ɨchî nɨ mə̀ kəb ə? Kɨ̀ à wa kɨə ghɨ̀ ə̀dìì ɨmbə̀ʼ ɨchî nɨ mə wɨə sàŋnə ə?'

Matìyò 11:26

Ee, kyɨə mɨ Mbǎʼ, à yɨ ɨchî nɨ à kəbɨ we.

1 Kɔrèn 12:18

Ɨchî nɨ zɨə yeʼ əne, Ŋwìə̀ nyaʼa tekɨ nyamnyod mbɨ ɨsɨ ɨnyod nɔnɔʼ. Əne wɨ̀ nyaʼa zɨ̀ ɨsɨ ɨnyod ɨ mɔʼ mɔʼ ɨgun ə nyamnyod ze àmei ɨchî nɨ wɨ̀ nyaʼa kə̀bɨ.