1 Kɔrèn 10:7 - Meta’

⁷ Tɨ mbə̀ wumnɨ ə mbɨ̀anèŋ, ɨchî nɨ mɨ̀mə̌d mɔʼɔ nyaʼə wumnɨə. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mbe nyaʼa chub ə si ɨ jɨg bə̀ nɔ. Mbɨ nyaʼa ghɨ̀ əne, nɔ̀ʼ kɔ binɨ.”

Ikan feg

⁷ Imbə̀ʼ mbə̰ ghumni awən mə̀ŋwiye icheg bəd mɔ̀ʼɔ abɔ̀ʼ inɔb ya ghumni. Mbe ŋwàʼrì inga Àŋwàʼrì Ŋwiye gha, “Bəd mbe ya chughi aseg ane iteri, jəg, no, nɔ̀ʼ ko se ghìyə̀ ifanì inug abu abu.”

1 Kɔrèn 10:7 Referans Kwoze

1 Kɔrèn 6:9

Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

1 Kɔrèn 10:14

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ ton ənû nɨ wumnɨ mbɨ̀anèŋ.

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

1 Kɔrèn 8:7

Àyɨə kaʼi wə̀d jìm kyerɨ ənû zɔ̂. Bə̂d mɔʼɔ mbe nɨ fə jeŋgɨ mə̀d mbɨ mbɨ̀anèŋ mɨ yeʼə jɨgə tɨkwɨ rɨjɨg tɔ̂, ɨ mbɨə kɨrɨ kɔndɨə ni à yɨ rɨjɨg nɨ mbɨ naʼ ənɨ əghɨ ə̀fà əmbɨ mbɨ̀anèŋ. Əne fîŋ tɨ mɨ̀mə̌d te nɨ bɔrɨ tɨə saʼə mɨ̀mə̌d, mbɨ sɨə kɔndɨə ni mbə mbɨ rɨzeŋ.

Ɨ̀fàʼì 15:20

Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.