1 Kɔrèn 1:10 - Meta’

¹⁰ Mbɨ bɔŋgɔb, mə wɨə buʼ ɨbɔ ɨ nən ənɨ ɨkum a Ə̀nùŋɨ̀sɨg Yeso Kristo ni mbə̀n mɨjìm chub ənɨ ənû ə mɔʼ, mbɨ ni tɨ ə̀ghàbrɨ̀ ə nyɨ i əkaʼ nən, àyɨə mbə̀ nuŋ tə fîŋ ənɨ zɨ mɔʼ bə̀ nùŋ tə rɨkɔndɨ ənɨ wɨ mɔʼ.

Ikan feg

¹⁰ Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

1 Kɔrèn 1:10 Referans Kwoze

1 Kɔrèn 12:25

Wɨ̀ nyaʼa ghɨ̀ əne ɨmbə̀ʼ tɨ ə̀ghàbrɨ̀ ə jwɨ i əkaʼ ɨsɨ ɨnyod mbe. Wɨ̀ nyaʼa kə̀b yeʼ ni ɨsɨ ɨnyod jìm nəŋgɨ mbə bɔŋgɔb.

Rm 12:16

Mbə̀ chub ənɨ ənû ə mɔʼ mbɨ mbə bɔŋgɔb. Tɨ mbə̀ nɔ ə ɨnyod, àyɨə mbə̀ jɨgnɨ mbɨ ə bə̂d kwa kwa. Tɨ mbə̀ kɔndɨ ə ni mbə berɨ ɨwe chè bə̂d mɨ̀jìm.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

1 Kɔrèn 11:18

Ənû rɨtu yɨ ni, mə fə zu ni ənɨ mbə̀ fetɨ ɨghabɨ ə bə̂d Kristo, ə̀ghàbrɨ̀ ə zɨə jwɨ̀ əkaʼ nən. Mə we tɨ̀ mə ben ni à yɨ rəsìʼ.

Fìlipì 1:27

Kɨ̀ à kɨ ənû ə ye ə, mbə mɨchî berɨ kùʼnɨ̀ mbɨ ɨchî nɨ ɨkə̂n chɔ̀m ɨmbə̀ʼ ə Kristo chwi, ɨmbə̀ʼ zɨə mɨ chwi ni mə yeʼe zə əwən kɨ̀ ni tɨ mə̀ yeʼe əmɨ, mə bɨrɨ zu ni mbə fə təm kàànɨ̀ mbɨ ə fîŋ mɔʼ fɔrɨ mbɨ ɨkɔndɨ mɔʼ, bə̀ zu ni mbə mbɨə kywɨ ənywɨ ɨnɔ̂n ɨ zə ni bə̂d nuŋ fîŋ ɨgun Kristo ɨchî nɨ ɨkə̂n chɔ̀m chwiə.

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

1 Kɔrèn 4:16

Əne mə wɨə buʼ ɨbɔ ɨ nən ni mbə̀ beenɨ əbɔʼ mə əwu yènɨ̀.

Ɨ̀fàʼì 4:32

Bə̂d mɨ̀jìm mbe nɨ nyaʼa ben ə Kristo nyaʼa mbɨ ə fîŋ mɔʼ fɔrɨ mbɨ əzwî ə mɔʼ. Chəi wə̀d mɔʼɔ nyaʼa gha ni ɨghɨ mbe nɨ tə berɨ yɨ mbi. Mbɨ nyaʼa berɨ ɨghɨjìm ənɨ mbɨ mɔʼ.

Jn 17:23

mə yeʼ ənɨ ənû ə mɔʼ mbɨ mɨ̀mə̌d, àwɔ̀ bə yeʼ ənɨ ənû ə mɔʼ mbɨ num, ɨmbə̀ʼ mɨ̀mə̌d mɨjìm bə yeʼ ənɨ ənû ə mɔʼ. Mbɨ mɨ ghɨ əne, ɨsɨg we tɨ̀ wɨ kyerɨ ni à yɨ àwɔ̀ nyaʼa tom əmɨ fɔrɨ ni à ghaʼ mɨ̀mə̌d ɨchî nɨ à ghaʼ əmɨ.

1 Tèsàlonikà 5:13

Mbə̀ wumnɨ mɨ̀mə̌d bə̀ chwiə ni mbə ghaʼ mɨ̀mə̌d ɨmbə̀ʼ ɨnû jìm mbe nɨ mbɨə ghɨ̀ ɨ nən. Mbə̀ chub ənɨ əbɔrəbɔd mbɨ mbə bɔŋgɔb.

Rm 12:1

Mbɨ bɔŋgɔb, mə wɨə buʼ ɨbɔ ɨ nən ni ɨchî nɨ Ŋwìə̀ ə dììrɨ̀ əwa, mbə̀ naʼ ə ɨnyod əmbɨ ə Ŋwiə̀ ɨghabɨ əghɨ ə̀fà ze nɨ yeʼ ɨkǎ, nɨ zeŋɨ, nɨ Ŋwìə̀ bə̀ ghaʼ. Əzɔ̂ yɨ ɨchî nɨ kuʼnɨ nɨ tɨ̀ mbə wumnɨ ə Ŋwiə̀.

Jn 10:19

Ə̀ghàbrɨ̀ ə nyaʼa yi jwɨ̀ əkaʼ mɨ̀Jû mbe ɨmbə̀ʼ ɨnû mbɔ̂ nɨ Yeso nyaʼa ghǎ.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

Fìlipì 3:16

Àmei ni tɨ̀ yim ɨnû mbe nɨ tɨ̀ nyaʼa fə be kyerɨ.

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

Jn 7:43

Əne ɨnɔ̂n bə̂d we nyaʼa ghàbrɨ̀ ɨmbə̀ʼ ə Yeso.

Mk 2:21

“Ka wə̀d wɨə baŋgɨ i əghɨ ə ngywɨ̌ ə fi ɨgun ə ngywɨ̌ ənun. Wɨ̀ mɨ ghɨ əne, əghɨ ə ngywɨ̌ ə fi ze ə bɨrɨ nurə, ghɨ̀ ɨbɨgɨ we wɨrɨ faŋgɨ.

Matìyò 9:16

“Kaʼ wə̀d wɨə baŋgɨ i əghɨ ə ngywɨ ə fi ɨgun ngywɨ̌ ə nun, ɨmbə̀ʼ ɨghəm nɨ əghɨ ə ngywɨ ə fi ze ə bɨrɨ nurə, ghɨ̀ ɨbɨgɨ we wɨrɨ faŋgɨ.

1 Timotì 5:21

Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.

2 Tès 2:1

Mba bɔŋgɔb, ɨmbə̀ʼ ənû nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe fɔrɨ ɨmbə̀ʼ ɨchî nɨ tɨ̀ bɨrɨ fetɨ wo kumnɨ əməd, tɨ̀ wɨə buʼ ɨbɔ ɨ nən ni,

Gàlesìyà 4:12

Mbɨ bɔŋgɔb, mə wɨə buʼ ɨbɔ ɨ nən ni mbə̀ yeʼ ɨghabɨ ə mɔ̌, ɨmbə̀ʼ ɨghəm nɨ mə fə bə̀ sɨ ɨghabɨ ə mbə̀nə. Chəi mbə̀ nyaʼa gu ənû ə mɔʼɔ ɨ num.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Rm 15:30

Mbɨ bɔŋgɔb, mə wɨə buʼ ɨbɔ ɨ nən ənjìm a Ə̀nùŋɨ̀sɨg Yeso Kristo bə̀ fɔrɨ ənjìm ɨghaʼi we nɨ Əzwî ə nàʼ ɨ na, ni mbə fɔtɨ mbɨ num jeŋgɨ kɔ̀ŋgɨ̀ ə Ŋwiə̀ ɨgwɨ num.

Jn 9:16

Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.

Rm 1:13

Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

1 Kɔrèn 1:11

Mbɨ bɔŋgɔb, mə wɨə ghà əne ɨmbə̀ʼ ɨghəm nɨ bə̂d mɔʼɔ rɨŋga ɨnəbɨ Kloè fə ghà ɨ num ni mbə mbɨə tàŋə̀.

1 Kɔrèn 3:3

ɨmbə̀ʼ ɨghəm nɨ mbə̀ yɨə kɨrɨ ɨghabɨ ə bə̂d rɨŋga ɨsɨg. Ənɨ mbə̀ə ghɨ̀ ə̀dìì bə̀ chɔbə, ɨmbə̀ʼ mbə mbɨə ghɨ̀ ɨchî nɨ bə̂d rɨŋga ɨsɨg ə ghɨ̀ə̀ ə? Ɨmbə̀ʼ mbə mbɨə ghɨ̀ ɨnû ɨghabɨ ə bə̂d nɨ chəi mbɨ kɨrɨ kyerɨ Ə̀nùŋɨ̀sɨg ə?

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

Mk 3:24

Əbeŋ nɨ ɨfɔ̂n ə tùmbɨ̀ə̀ mɨ saanɨ əkəmɨ kəmɨ, ka əbeŋ ɨfɔ̀n ze ə bɨrɨ təm i.